କରୋନାରେ ୧୨ ପ୍ରତିଶତ ଶିଶୁ ଦେଶରେ ସଂକ୍ରମିତ ହେଉଛନ୍ତି

1 min read

ଭୁବନେଶ୍ୱର: ଓଡ଼ିଶା ଦେଶର ପ୍ରଥମ ରାଜ୍ୟ ଭାବେ ଶିଶୁଙ୍କ କରୋନା ସଂକ୍ରମଣ ମ୍ୟାପିଙ୍ଗ ଆରମ୍ଭ କରିଛି। ଶୂନରୁ ୧୮ ବର୍ଷ ପର୍ଯ୍ୟନ୍ତ ପିଲାଙ୍କ ସଂକ୍ରମଣ ମ୍ୟାପିଙ୍ଗ ଆରମ୍ଭ ହୋଇଛି। ଦୈନିକ କେତେ ଶିଶୁ ସଂକ୍ରମିତ ହେଉଛନ୍ତି, ତାର ରିପୋର୍ଟ ଦିଆଯାଉଛି। ଡିଏମ୍‌ଇଟି ନିର୍ଦ୍ଦେଶକ ସି.ବି.କେ ମହାନ୍ତି ଏହି ସୂଚନା ଦେଇଛନ୍ତି। ଶିଶୁଙ୍କୁ ସଂକ୍ରମଣରୁ ଦୂରେଇ ରଖିବାକୁ ଓଡ଼ିଶା ଚଳାଇଛି ଅଭିଯାନ। ରବିବାର ୧୩୮ଜଣ ଶିଶୁ କରୋନା ସଂକ୍ରମିତ ହୋଇଥିଲେ। ଜିଲ୍ଲାସ୍ତରରେ ଶିଶୁଙ୍କ ପାଇଁ ସର୍ଭେଲାନ୍ସ କରାଯାଉଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି।

ଜୁଲାଇ ୨୧ ପି ଆଇ ବି ବୁଲେଟିନ ଅନୁସାରେ ୧୨ ପ୍ରତିସତ ଶିଶୁ ଦେଶ ରେ ସଂକ୍ରମିତ ହେଉଛନ୍ତି। କରୋନା ଯୋଗୁଁ ଶିଶୁଙ୍କ ସିଭିଅରିଟି କମ ରହିଛି ବୋଲି ସୂଚନା ଦେଇଛନ୍ତି ସିବିକେ ମହାନ୍ତି। ସଂକ୍ରମଣ ଉପର ମୁଁହା ହେଲେ କୌଣସି ଲହର ଆସିଲା ବୋଲି ଜଣା ପଡିବ ବୋଲି ସେ କହିଛନ୍ତି। ଏବେ ସେମିତି ଅବସ୍ଥା ନାହିଁ କିନ୍ତୁ ଅସାବଧାନରେ ହେଲେ ଆଗକୁ ଆସିପାରେ। ୧୮ ବର୍ଷରୁ ଅଧିକ ଲୋକ ପ୍ରାୟ ସମସ୍ତେ ଟୀକା ନେଇ ସାରିଲେଣି। ତେଣୁ ଶିଶୁ ଙ୍କୁ ସଂକ୍ରମଣ ହେବାର ଅଧିକ ସମ୍ଭାବନା ରହିଛି ବୋଲି ସିବିକେ ମହାନ୍ତି କହିଛନ୍ତି। ଶିଶୁଙ୍କୁ ସୁରକ୍ଷିତ ପରିସର ରେ ରଖିବାକୁ ପଡିବ ଏବଂ ଅଧିକ ଧ୍ୟନ ଦେବାକୁ ପଡ଼ିବ। ଅଭିଭାବକ ଓ ଶିକ୍ଷକ ଅଧିକ ସତର୍କ ରହିବା ସହ ସାନିଟାଇଜ ରହିବା ଆବଶ୍ୟକ। ଆଗକୁ ୦ ରୁ ୧୮ ବର୍ଷ ବୟସ ଶିଶୁଙ୍କ ସଂକ୍ରମଣ ସଂଖ୍ୟା ବଢିବାର ସମ୍ଭାବନା ରହିଛି।

Opn Commnet Area

Leave a Reply

Your email address will not be published. Required fields are marked *