ଜଙ୍ଗଲ ଭିତରେ ଚାଲିଛି ମଦ ରନ୍ଧା, କେଉଁଠି ଇଟାଭାଟି ପାଖରେ ତ କେଉଁଠି ଜଙ୍ଗଲରେ

ଟିଟିଲାଗଡ:  ଜଙ୍ଗଲ ଭିତରେ ଚାଲିଛି ମଦ ରନ୍ଧା । ବେଆଇନ ଭାବରେ ଚାଲିଛି ମଦ ତିଆରି । କେଉଁଠି ଇଟା ଭାଟି ପାଖରେ ତ ଆଉ କେଉଁଠି ଘଞ୍ଚ ଜଙ୍ଗଲ ଭିତରେ ଚାଲିଛି ମଦ ତିଆରି। ପାଖରେ ବସ୍ତା ବସ୍ତା ମହୁଲ ଫୁଲ ବି ରହିଛି। ବିଭିନ୍ନ ରାସାୟନିକ ସାମଗ୍ରୀ ତଥା ମାଦକ ଦ୍ରବ୍ୟ ସହ ମହୁଲ ଫୁଲ ମିଶାଇ ତିଆରି ହେଉଛି ଦେଶୀ ମଦ। ଟିଟିଲାଗଡରୁ ଅଦି ସାମ୍ନାକୁ ଆସିଛି ଏଭଳି ଦୃଶ୍ୟ ।

ଅବକାରୀ ବିଭାଗ ଟିଟିଲାଗଡ ମାଥନପଲା ଡ୍ୟାମ ଓ ଝାରଦେବନ୍ଧ ଜଙ୍ଗଲରେ ପେଟ୍ରୋଲିଂ କରୁଥିବା ସମୟ ଦେଖିବାକୁ ପାଇଛି । ଘଟଣାସ୍ଥଳରୁ ବ୍ୟାପକ ପରିମାଣରେ ମଦ ସହ ମଦ ଉପକରଣ ଜବତ କରିଛି ଅବକାରୀ ବିଭାଗ । ତେବେ ଏହି ଘଟଣାରେ ସମ୍ପୃକ୍ତ ଜଣକୁ ବି ଧରିବାରେ ସଫଳ ହୋଇ ନାହିଁ ଅବକାରୀ ବିଭାଗ ।