କେନ୍ଦ୍ରାପଡା ବାଣ ବିସ୍ଫୋରଣର ଦୋଷୀଙ୍କ ବିରୁଦ୍ଧରେ ନିଆଯିବ କାର୍ଯ୍ୟାନୁଷ୍ଠାନ

କେନ୍ଦ୍ରାପଡା: କାର୍ତ୍ତିକେଶ୍ବର ଭସାଣ ବାଣ ବିସ୍ଫୋରଣ ଘଟଣାରେ  ଗ୍ରାଉଣ୍ଡ ଜିରୋରେ ସ୍ଥିତି ସମୀକ୍ଷା କଲେ ଆଇଜି ନରସିଂହ ଭୋଳ । ରାସ୍ତା ଊପରେ କେଉଁ କାରଣରୁ ଏଭଳି ଘଟିଲା। ତାହାର ତଦନ୍ତ କରିଛନ୍ତି। ଯେଉଁମାନେ ଏଥିରେ ସଂପୃକ୍ତ ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଆଇଜି ।

ଏହାସହ ଆହତଙ୍କୁ କ୍ଷତିପୂରଣ ଦିଆଯିବ ବୋଲି କହିଛନ୍ତି ତହସିଲଦାର ଡକ୍ଟର ହେମଲତା ବହଳିଆ । ଏଡିଏମଙ୍କ ସହ ୩ ବରିଷ୍ଠ ଅଧିକାରୀ ଏସସିବିରେ ଆହତଙ୍କ ସ୍ବାସ୍ଥ୍ୟାବସ୍ଥା ଯାଞ୍ଚ କରୁଛନ୍ତି । ସେପଟେ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଓ କଟକ ମେୟର ମଧ୍ୟ ଏସସିବିରେ ଚିକିତ୍ସା ନେଇ ଡାକ୍ତରଙ୍କ ସହ ଆଲୋଚନା କରିଛନ୍ତି । ଏସସିବିରେ 33 ଜଣ ଆହତ ଚିକିତ୍ସିତ ହେଉଛନ୍ତି । ସେମାନଙ୍କ ମଧ୍ୟରୁ 10 ଜଣ ଆଇସିୟୁରେ ଚିକିତ୍ସିତ ହେଉଛନ୍ତି ।

33 ଜଣଙ୍କ ମଧ୍ୟରୁ 3ଜଣ ମହିଳା ରହିଛନ୍ତି । ଚିକିତ୍ସା ପାଇଁ ଏକ ସ୍ବତନ୍ତ୍ର ଡାକ୍ତରୀ ଟିମ ଗଠନ କରାଯାଇଛି । ସେମାନଙ୍କ ଚିକିତ୍ସା ଓ ଆରୋଗ୍ୟ ପ୍ରଥମ କାମ। ଅନ୍ୟ ପକ୍ଷରେ ଏସସିବିର ଜରୁରୀକାଳୀନ ଅଧିକାରୀ ଡକ୍ଟର ଭୂବନାନନ୍ଦ ମହାରଣା କହିଛନ୍ତି ଚିକିତ୍ସା ଚାଲିଛି। ଭସାଣରେ ବାଣ ପ୍ରତିଯୋଗିତା ଚାଲିଥିବାବେଳେ ବିସ୍ଫୋରଣ ହୋଇଥିଲା । ଷ୍ଟକ ବାଣ ଏକାଥରେ ଫୁଟିଯିବାରୁ ଭୟାନକ ସ୍ଥିତି ଉପୁଜିଥିଲା ।