ରାଜନୀତି ମଇଦାନରେ ପାଦ ଦେବେ କି ନିଶାନ୍ତ ? ନୀତିଶ କୁମାରଙ୍କ ପୁଅଙ୍କୁ ନେଇ ଏମିତି କହିଲେ ଜେଡିୟୁ ନେତା

ନନ୍ଦିଘୋଷ ବ୍ୟୁରୋ: ବିହାରରେ ନିର୍ବାଚନ ହେବାକୁ ଥିବାବେଳେ ଦିନକୁ ଦିନ ନୂଆ ନୂଆ କାହାଣୀମାନ ସାମନାକୁ ଆସୁଛି । ତେବେ ବିହାରର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ପୁଅ ନିଶାନ୍ତ ରାଜନୈତିକ ମଇଦାନରେ ପାଦ ଥାପିବେ ବୋଲି ଚର୍ଚ୍ଚା ହେଉଛି । ତେବେ ନିକଟରେ ନୀତିଶଙ୍କ ପିତାଙ୍କ ପ୍ରତିମୂର୍ତ୍ତି ଶ୍ରଦ୍ଧାଞ୍ଜଳି ଅର୍ପଣ ସମୟରେ ନଜର ଆସିଥିଲେ ନିଶାନ୍ତ । ରାଜନୀତି ସହ ଜଡ଼ିତ ନଥିବା ନିଶାନ୍ତ କହିଥିଲେ କି, ଆପଣମାନେ ଜେଡିୟକୁ ଭୋଟ୍ ଦିଅନ୍ତୁ । ସେମାନେ ଭଲ କାମ କରୁଛନ୍ତି । ଯାହାକୁ ନେଇ ଚର୍ଚ୍ଚା ହେଉଛି କି, ନିଶାନ୍ତ ରାଜନୀତିରେ ଏଣ୍ଟ୍ରି କରିବେ ।

କୁହାଯାଉଛି କି, ଜେଡିୟୁ ନେତାମାନେ ଚାହୁଁଛନ୍ତି କି, ନିଶାନ୍ତ ରାଜନୀତିରେ ଆସନ୍ତୁ । ତାଙ୍କୁ ଜଣେ ଭଲ ନେତୃତ୍ବ ମିଳିବେ । ମାତ୍ର ଏନେଇ ନୀତିଶ କୁମାର କୌଣସି ଗ୍ରୀନ ସିଗନାଲ ଦେଇ ନାହାନ୍ତି । ବିହାରରେ ଏଭଳି ପରିବାର ରାଜନୀତି ଚାଲିଥିବାବେଳେ ଏଥିରେ ନିଶାନ୍ତ ଏଣ୍ଟ୍ରି କରିବେ ବୋଲି କୁହାଯାଉଛି । କାରଣ ଲାଲୁଙ୍କ ସାନ ପୁଅ ତେଜସ୍ବୀ ରାଜନୀତିରେ ଉତ୍ତରାଧିକାରୀ ହୋଇଥିବାବେଳେ ଚିରାଗ ପାଶଓ୍ବାନ ରାମ ଭିଲାସ ପାଶଓ୍ବାନଙ୍କ ପରେ ଦଳର ଭାର ସମ୍ଭାଳୁନ୍ତି ।