ଅଗ୍ନିପଥ ଯୋଜନା: ବାୟୁସେନାରେ ଭର୍ତ୍ତି ହେବା ଲାଗି ଆବେଦନ କଲେଣି ୧ ଲକ୍ଷ ୮୩ ହଜାରରୁ ଅଧିକ ଯୁବକଯୁବତୀ

ନୂଆଦିଲ୍ଲୀ: ଅଗ୍ନିପଥ ଯୋଜନା ଲାଗି ନୂଆ ଉତ୍ସାହ । ଭାରତୀୟ ବାୟୁସେନାରେ ଭର୍ତ୍ତି ହେବା ଲାଗି ବର୍ତ୍ତମାନ ସୁଦ୍ଧା ଆବେଦନ କଲେଣି ୧ ଲକ୍ଷ ୮୩ ହଜାର ଯୁବକଯୁବତୀ । ଗତ ୬ ଦିନ ମଧ୍ୟରେ ରେକର୍ଡ ସଂଖ୍ୟକ ଆବେଦନ ହୋଇଛି । ଏକ ଟ୍ୱିଟରେ ବାୟୁସେନା ପକ୍ଷରୁ କୁହାଯାଇଛି- ଅଗ୍ନିପଥ ଯୋଜନାରେ ସାମିଲ ହେବାକୁ ୧ ଲକ୍ଷ ୮୩ ହଜାର ୬୩୪ ଜଣ ଯୁବକଯୁବତୀ ଆବେଦନ କରିଛନ୍ତି । ଜୁନ ୧୪ରେ ଏହି ଯୋଜନା ଘୋଷିତ ହେବା ପରେ ଦେଶର ବିଭିନ୍ନ ସ୍ଥାନରେ ବିକ୍ଷୋଭ ଜାରି ରହିଥିବା ସତ୍ତ୍ୱେ ଚାକିରି ଲାଗି ଆବେଦନକାରୀଙ୍କ ସଂଖ୍ୟା ବଢ଼ିବାରେ ଲାଗିଛି । ଏହି ଯୋଜନାର ସାଢ଼େ ୧୭ ବର୍ଷରୁ ୨୧ ବର୍ଷ ବୟସର ଯୁବକଯୁବତୀ ଆବେଦନ କରିପାରିବେ । ୪ ବର୍ଷ ଲାଗି ସେମାନଙ୍କ କାର୍ଯ୍ୟକାଳ ଅବଧି ରହିବ । ପ୍ରତିବାଦ ହେବା ପରେ ସର୍ବୋଚ୍ଚ ବୟସ ସୀମା ୨୧ ବର୍ଷରୁ ୨୩ ବର୍ଷକୁ ବୃଦ୍ଧି କରିଥିଲେ ସରକାର ।

So far, 183634 future #Agniveers have applied on the registration website https://t.co/kVQxOwkUcz

If you want to be an #Agniveer too, apply soon.

Registration closes on 05 July 2022.#BhartiyaVayuSenaKeAgniveer pic.twitter.com/EV2yCatzII

— Indian Air Force (@IAF_MCC) June 29, 2022