ପୁରୁଷ ଜୁନିଅର ହକି ବିଶ୍ୱକପ୍: ପୋଲାଣ୍ଡକୁ ହରାଇ ଫ୍ରାନ୍ସ ହାସଲ କଲା ଲଗାତାର ଦ୍ୱିତୀୟ ବିଜୟ

1 min read
Hockey Men's Junior World Cup France Beat Poland

ଭୁବନେଶ୍ୱର: ପୁରୁଷ ଜୁନିଅର ହକି ବିଶ୍ୱକପ୍ ପୁଲ୍ ବିରେ ଖେଳା ଯାଇଥିବା ମ୍ୟାଚରେ ପୋଲାଣ୍ଡ ବିପକ୍ଷରେ ବିଜୟୀ ହୋଇଛି ଫ୍ରାନ୍ସ ।  ୭-୧ ଗୋଲରେ ଫ୍ରାନ୍ସ ମ୍ୟାଚ୍ ଜିତିଛି । ପୁରୁଷ ଜୁନିଅର ହକି ବିଶ୍ୱକପରେ ଲଗାତାର ଦ୍ୱିତୀୟ ବିଜୟ ହାସଲ କରିଛି ଦଳ । ଗତକାଲି ଖେଳା ଯାଇଥିବା ପ୍ରଥମ ମ୍ୟାଚରେ ଫ୍ରାନ୍ସ, ଭାରତକୁ ୪-୫ ଗୋଲରେ ହରାଇ ବିଜୟ ହାସଲ କରିଥିଲା ।

 

ଆଜି ଖେଳା ଯାଇଥିବା ମ୍ୟାଚରେ ଫ୍ରାନ୍ସ ପକ୍ଷରୁ ପ୍ରଥମ ୧ ମିନିଟରେ ଆଣ୍ଟୋନିନ୍ ପ୍ରଥମ ଗୋଲ୍ କରିଥିଲେ । ୩ ମିନିଟରେ ତିମୋଥି ଦ୍ୱିତୀୟ ଗୋଲ୍ ଦେଇଥିବା ବେଳେ ୧୧, ୨୭ ଓ ୩୪ ମିନିଟରେ କୋରେଣ୍ଟିନ୍ ଯଥା କ୍ରମେ ତୃତୀୟ, ଚତୁର୍ଥ ଓ ପଞ୍ଚମ ଗୋଲ୍ ଦେଇଥିଲ । ୩୬ ମିନିଟରେ ତିମୋଥି ଷଷ୍ଠ ଗୋଲ୍ ଓ ୫୪ ମିନିଟରେ ଜୁଲେସ ଦେଇଥିଲେ ସପ୍ତମ ଗୋଲ୍ ।

ଅନ୍ୟପଟେ ମ୍ୟାଚର ୨୨ ମିନଟରେ ପୋଲାଣ୍ଡ ପକ୍ଷରୁ ଗ୍ରାସନ ଗୋଟିଏ ମାତ୍ର ଗୋଲ୍ ଦେଇଥିଲେ । ଉଭୟ ଦଳ ୬ଟି ମ୍ୟାଚ୍ ଖେଳିଥିବା ବେଳେ ୫ଟି ମ୍ୟାଚ୍ ଫ୍ରାନ୍ସ ଜିତିଛି । ଗୋଟିଏ ମ୍ୟାଚରେ ବିଜୟୀ ହୋଇଛି ପୋଲାଣ୍ଡ । ଫ୍ରାନ୍ସ ମୋଟ ୧୮ଟି ଗୋଲ୍ ଦେଇଥିବା ବେଳେ ପୋଲାଣ୍ଡ ୮ଟି ଗୋଲ୍ ଦେଇଛି ।

Opn Commnet Area

Leave a Reply

Your email address will not be published. Required fields are marked *