ଆଜିଠୁ ବଦଳିବ ପୁରୁଣା ନମ୍ବର ପ୍ଲେଟ

ଭୁବନେଶ୍ବର: ଆଜିଠୁ ରାଜ୍ୟରେ ଲାଗୁ ହେଉଛି ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ ନିୟମ । ୨୦୧୯ ଏପ୍ରିଲ ପୂର୍ବର ରାଜ୍ୟରେ ପ୍ରାୟ ୪୫ ଲକ୍ଷ ଗାଡିର ବଦଳିବ ପୁରୁଣା ନମ୍ବର ପ୍ଲେଟ । ଏଥିପାଇଁ ଆଜିଠୁ ଆରମ୍ଭ ହେଉଛି ପ୍ରକ୍ରିୟା । ସେଲେକ୍ସ, ରିଏଲ ମାଜନ୍, ଉତ୍ସବ, ସିମିନ୍ତ ଓ ଏଫ୍ଟିଆଇ ଭଳି ୫ଟି ଭେଣ୍ଡରଙ୍କୁ ଏଥିପାଇଁ ଦାୟିତ୍ବ ଦିଆଯାଇଛି ।

୨୦୧୯ ଏପ୍ରିଲ ପୂର୍ବରୁ ବିକ୍ରି ହୋଇଥିବା ସମସ୍ତ ଗାଡିର ନମ୍ବର ପ୍ଲେଟ୍ ବଦଳି ବାର କୋଡ ଓ ଲେଜର କୋଡ ସମ୍ପନ୍ନ ପ୍ଲେଟ୍ ଲାଗିବ । ଏଥିପାଇଁ SIAM.in ସାଇଟରେ ଆବେଦନ କରିପାରିବେ ଗାଡ଼ି ମାଲିକ । ଆବେଦନ ପରେ ଡିଲର ପଏଣ୍ଟରେ ନମ୍ବର ପ୍ଲେଟ ଫିଟିଂ କରାଯିବ । ଡୋର ଡେଲିଭରୀ ବ୍ୟବସ୍ଥା ମଧ୍ୟ ରହିଛି । ବ୍ୟକ୍ତିଗତ ବ୍ୟବହାର ଓ ବ୍ୟବସାୟୀକ ଗାଡିର ନମ୍ବର ଭିନ୍ନ ଭିନ୍ନ ରଙ୍ଗରେ ଉପଲବ୍ଧ ହେବ । ସେହିପରି ପେଟ୍ରୋଲ, ଡିଜେଲ ଓ ବ୍ୟାଟେରୀ ଚାଳିତ ଯାନବାହାନ ପାଇଁ ମଧ୍ୟ ଭିନ୍ନ ନମ୍ବର ପ୍ଲେଟ୍ ରହିଛି ।