ରାକ୍ଷୀ ପୂର୍ଣ୍ଣିମା ଓ ମହିଳା ଅନ୍ତର୍ଜାତୀୟ ଦିବସରେ ମିଳିବ ସୁଭଦ୍ରା ଟଙ୍କା
ଭୁବନେଶ୍ବର: ସୁଭଦ୍ରା ଯୋଜନା ନେଇ ଏସଓପି ଆସିଛି । ଯାହାକୁ ଗତକାଲି କ୍ଯାବିନେଟ ମୋହର ମାରିଛି । ଏସଓପିକୁ ମୁଖ୍ଯମନ୍ତ୍ରୀ ଗୃହରେ ଘୋଷଣା କରିଛନ୍ତି । ରାକ୍ଷୀ ପୂର୍ଣ୍ଣିମା ଓ ମହିଳା ଅନ୍ତର୍ଜାତୀୟ ଦିବସରେ ଏହାକୁ ଦିଆଯିବ । ସୁଭଦ୍ରା ଡେବିଟ କାର୍ଡ ପ୍ରଦାନ କରାଯିବ । ୨୧ବର୍ଷରୁ ୬୦ ବର୍ଷ ପର୍ଯ୍ୟନ୍ତ ମହିଳା ପାଇବେ ସୁଭଦ୍ରା ଯୋଜନା ।
ବାର୍ଷିକ ୧୦ ହଜାର ଟଙ୍କା ଲେଖାଏଁ ଦିଆଯିବ । ୫ ବର୍ଷରେ ଯୋଗ୍ଯ ହିତାଧିକାରୀ ପାଇବେ ୫୦ ହଜାର ଟଙ୍କା । ଡିବିଟି ମାଧ୍ୟମରେ ମହିଳାଙ୍କ ଆକାଉଣ୍ଟକୁ ଯିବ ଟଙ୍କା । ଏକ କୋଟିରୁ ଅଧିକ ମହିଳା ଏହା ଦ୍ୱାରା ଲାଭବାନ ହେବେ । ହିତାଧିକାରୀଙ୍କ ନିକଟରେ କିପରି ଯୋଜନା ପହଞ୍ଚିବ ସେନେଇ କଲ ସେଣ୍ଟର ଖୋଲା ଯିବ । ଅଙ୍ଗନବାଡି କେନ୍ଦ୍ର, ବ୍ଲକ, ଜନସେବା କେନ୍ଦ୍ରରେ ଆବେଦନ କରି ପାରିବେ ମହିଳା ।
ସୁଭଦ୍ରା ଯୋଜନାର ଡେବିଟ କାର୍ଡକୁ ଅଧିକ ବ୍ଯବହାର କଲେ ମିଳିବ ପୁରସ୍କାର । ପ୍ରତି ପଂଚାୟତର ୧୦୦ ଜଣ ଏଭଳି ହିତାଧିକାରୀଙ୍କୁ ପୁରସ୍କାର ଦିଆଯିବ ।
ପ୍ରୋତ୍ସାହନ ରାଶି ଭାବେ ଏମାନଙ୍କୁ ମିଳିବ ଅତିରିକ୍ତ ୫୦୦ ଟଙ୍କା ।
ସରକାରୀ ଚାକିରିଆ, ସ୍ବଚ୍ଛଳବର୍ଗ ଓ ଆୟକର ଦେଉଥିବା ମହିଳା ପାଇବେନି ସୁଭଦ୍ରା ଯୋଜନା । ତଦାରଖ ପାଇଁ ଗଠନ କରାଯିବ ସୁଭଦ୍ରା ସମିତି ।
