ଭୀମସାର ମୁଖ୍ୟ ଫାଟକ ସାମ୍ନାରେ ଗୋଷ୍ଠୀ ସଂଘର୍ଷ ପରେ ବୁଲିଲା ଖଣ୍ଡା

ବୁର୍ଲା: ପୁଣି ଥରେ ଅଶାନ୍ତ ହୋଇଛି ଶିକ୍ଷାନଗରୀ ବୁର୍ଲା । ସହରରେ ବୁଲିଲା ଖଣ୍ଡା, ଭୁଜାଲି । ଗତକାଲି ବିଳମ୍ବିତ ରାତିରେ ଭୀମସାର ମୁଖ୍ୟ ଫାଟକ ସମ୍ମୁଖ ନେତାଜୀ ଛକରେ ଘଟିଛି ଗୋଷ୍ଠୀ ସଂଘର୍ଷ । ଗୋଷ୍ଠି ସଂଘର୍ଷରେ ଗୋଟିଏ ଗୋଷ୍ଠିର ଦୁଇ ଜଣ ଗୁରୁତର ହୋଇଛନ୍ତି । ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ପିଡବ୍ଲୁଡି ଅଂଚଳର ଦୁଇଜଣ ଯୁବକ ନେତାଜୀଛକ ଠାରେ ଠିଆ ହୋଇଥିବା ସମୟରେ ସ୍ଥାନୀୟ ବିଷ୍ଣୁମନ୍ଦିର ପଡାର କିଛି ଯୁବକଙ୍କ ସହିତ କୌଣସି କଥାକୁ ନେଇ ବଚସା ହୋଇଥିଲା । ପରେ ତାହା ଉଗ୍ରରୂପ ନେଇଥିଲା । ବିଷ୍ଣୁମନ୍ଦିର ପଡାର ଏକାଧିକ ଯୁବକ ଅନ୍ୟ ଗୋଷ୍ଠୀର ଯୁବକଙ୍କୁ ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିଥିଲେ । ଫଳରେ ଅନ୍ୟ ଗୋଷ୍ଠୀର ଦୁଇଜଣ ଯୁବକ ଗୁରୁତର ଆହତ ହୋଇଥିଲେ। ବୁର୍ଲା ପୋଲିସ ଗୁରୁତରଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି ।