ଆଠଗଡ: ଆଠଗଡ ବ୍ଲକ ଅଫିସ ପରିସରରେ ବିଜେପି ଓ ବିଜେଡି କର୍ମୀ ମୁହାଁମୁହିଁ। । ଘଟଣା ସ୍ଥଳରେ ଦେଖାଦେଇଛି ଉତ୍ତେଜନ। ସ୍ଥିତିକୁ ନେଇ ଘଟଣା ସ୍ଥଳରେ ପୋଲିସ ଫୋର୍ସ ମୁତୟନ ହୋଇଛନ୍ତି। ଘଟଣାସ୍ଥଳରେ ଏସଡିପିଓଙ୍କ ସହ ସ୍ଥାନୀୟ ଆଇଆଇସି ଉପସ୍ଥିତ ଅଛନ୍ତି।
ସୂଚନା ଅନୁଯାୟୀ, ଗତ ୧୦ ଧାଇପୁର ସରପଞ୍ଚ ମୀନାକ୍ଷୀ ସାହୁ ଆଠଗଡ଼ ପଞ୍ଚାୟତ ସମିତି ଅଧ୍ୟକ୍ଷଙ୍କୁ ଧମକ ଦେଇଥିଲେ। ଏହାର ପ୍ରତିବାଦ କରି ବିଭିନ୍ନ ପଞ୍ଚାୟତର ସରପଞ୍ଚ, ସମିତି ସଭ୍ୟ ଏବଂ ଜିଲ୍ଲା ପରିଷଦଙ୍କ ପକ୍ଷରୁ ମୀନାକ୍ଷୀ ସାହୁଙ୍କ ନାମରେ ଆଠଗଡ ଥାନାରେ ଏତଲା ଦେଇଥିଲେ। ଏହି ପ୍ରସଙ୍ଗକୁ ନେଇ ଆଜି ପୁଣି ମୁହାଁମୁହିଁ ହୋଇଛନ୍ତି କର୍ମୀ। ଉଭୟ ଦଳ ନିଜର ପତିଆରା ଜାହିର କରିବା ପାଇଁ ବ୍ଲକ କାର୍ଯ୍ୟାଳୟ ପରିସରରେ ମୁହାଁମୁହିଁ ହୋଇଥିଲେ।
