ଆଜିଠୁ ବିସିସିଆଇରେ ଆରମ୍ଭ ହେବ ଦାଦାଙ୍କ ଦାଦାଗିରି

ସରିବ କମିଟି ଅଫ୍ ଆଡମିନିଷ୍ଟ୍ରେଟର୍ସ ବା CoAର ଶାସନ । ବିସିସିଆଇର ବସ୍ ଭାବେ ଦାୟିତ୍ୱ ଗ୍ରହଣ କରିବେ ଦାଦା । ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ପ୍ରଶାସକ କମିଟି ୩୩ ମାସ ଧରି କାର୍ଯ୍ୟ କରିବା ପରେ ଭାଙ୍ଗି ଦିଆଯାଇଛି । ଆଜି ଭାରତୀୟ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ବିସିସିଆଇର ଅଧ୍ୟକ୍ଷ ଭାବେ କାର୍ଯ୍ୟଭାର ଗ୍ରହଣ କରିବେ ।

ଗାଙ୍ଗୁଲିଙ୍କ ଟିମରେ ଗୃହମନ୍ତ୍ରୀ ଅମିତ ଶାହଙ୍କ ପୁଅ ଜୟ ଶାହ ସମ୍ପାଦକ, ପୂର୍ବତନ ରାଷ୍ଟ୍ର ଅର୍ଥମନ୍ତ୍ରୀ ଅନୁରାଗ ଠାକୁରଙ୍କ ସାନ ଭାଇ ଅରୁଣ ଧୁମଲ କୋଷାଧ୍ୟକ୍ଷ, ଉତ୍ତରାଖଣ୍ଡର ମହିମ ବର୍ମା ଉପାଧ୍ୟକ୍ଷ ଭାବେ କାର୍ଯ୍ୟ କରିବେ ।

ଆରଏମ୍ ଲୋଧା ପ୍ୟାନେଲର ସୁପାରିସ୍ ଅନୁଯାୟୀ ବିସିସିଆଇକୁ ଚଳାଇବା ପାଇଁ ୨୦୧୭ ମସିହାରେ ସୁପ୍ରିମକୋର୍ଟ ଜଷ୍ଟିସ୍ ଏସ୍.ଏ ବୋବଡେ, ଜଷ୍ଟିସ୍ ଏଲ୍ ନାଗେଶ୍ୱର ରାୟଙ୍କ ଖଣ୍ଡପୀଠ CoA ଗଠନ କରିଥିଲେ ।

')}