ଝୁଣା ଧୂପରୁ ଅଗ୍ନିକାଣ୍ଡ, ୨ ମହଲାକୁ ବ୍ୟାପିଗଲା ନିଆଁ

କଟକ: କଟକ ମାଣିକଘୋଷ ବଜାରରେ ଭୟାବହ ଅଗ୍ନିକାଣ୍ଡ ଘଟିଛି । ଠାକୁର ପୂଜା ବେଳେ ଲଗାଯାଇଥିବା ଝୁଣା ଧୂପରୁ ନିଆଁ ଲାଗି ବ୍ୟାପକ କ୍ଷୟକ୍ଷତି ହୋଇଛି । ଝୁଣା ଧୂପ ନିଆଁ ଚାହୁଁ ଚାହୁଁ ଦୁଇ ମହଲାରେ ଥିବା ୮ ବଖରା ଘରକୁ ବ୍ୟାପି ଯାଇଥିଲା ।

ଅଗ୍ନିକାଣ୍ଡରେ ଘରର ସମସ୍ତ ଆସବାବପତ୍ର ପୋଡ଼ି ଯାଇଥିବା ବେଳେ ଘର ଭିତରେ ଥିବା ଏକ ପ୍ଲାଷ୍ଟିକ୍ ଫ୍ୟାକ୍ଟ୍ରିର ସମସ୍ତ ସାମଗ୍ରୀ ଜଳି ଯାଇଛି । ଖବର ପାଇ ଅଗ୍ନିଶମ ବାହିନୀର ୨ଟି ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁ ଆୟତ୍ତ ପାଇଁ ଉଦ୍ୟମ କରିଥିଲେ । ଦୀର୍ଘ ଦେଢ଼ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଛି ।