ବାଘ ଆତଙ୍କ: ବାଛୁରୀକୁ ଟାଣି ନେଇ ମାରି ଦେଲା

ଆଠଗଡ଼: ଆଠଗଡ଼ ବନଖଣ୍ଡ ତିଗିରିଆ ସୋରିଷପାଳ ପାହାଡ଼ରେ ବାଘ ଆତଙ୍କ । ବାଛୁରୀକୁ ଟାଣି ନେଇ କଲରାପତରିଆ ବାଘ ମାରି ଦେଇଥିବା ସନ୍ଦେହ । ଘଟଣାସ୍ଥଳରେ ଆଠଗଡ଼ ଓ ତିଗିରିଆ ବନ ବିଭାଗ କର୍ମଚାରୀଙ୍କ ତଦନ୍ତ ଆରମ୍ଭ ।

ଆଖପାଖ ଗାଁଗୁଡିକୁ ବାଘ ମାତିବା ନେଇ ସତର୍କ କରାଇଛି ବନ ବିଭାଗ । ଜଙ୍ଗଲ ଭିତରକୁ ଗାଈ, ଛେଳି ନଛାଡିବାକୁ ଲୋକଙ୍କୁ ଅନୁରୋଧ କରାଯାଇଛି । ଏନେଇ ସୂଚନା ଦେଇଛନ୍ତି ଆଠଗଡ ରେଞ୍ଜର ।

ଏବେ ବାଘକୁ ନେଇ ଗାଁ ଗାଁରେ ଲୋକଙ୍କ ମଧ୍ୟରେ ଛାନିଆ । ଗତ କିଛି ମାସ ତଳେ ଏହି ଜଙ୍ଗଲରେ ଶିକାରୀର ଫାଶରେ ପଡି ଏକ କଲରା ପତରିଆ ବାଘର ମୃତ୍ୟୁ ଘଟିଥିଲା ।