ହୀରା ଚୋରି ଅଭିଯୋଗରେ ଛତିଶଗଡରୁ ବାପା-ପୁଅ ଗିରଫ

ନବରଙ୍ଗପୁର: ହୀରା ଚୋରି ଅଭିଯୋଗରେ ବାପା-ପୁଅ ଗିରଫ । ନବରଙ୍ଗରପୁର ଜିଲ୍ଲା ରାଇଘର ଅଞ୍ଚଳର ଦୁଇ ଅଭିଯୁକ୍ତଙ୍କୁ ଗିରଫ କରିଛି ଛତିଶଗଡ଼ ପୋଲିସ । ଗୋଟିଏ ସ୍କୁଟି ସହିତ ୭୪୫ କ୍ୟାରେଟ୍ ହୀରା ଜବତ କରିଛି ଗରିଆବନ୍ଧ ଜିଲ୍ଲା ଶୋଭା ଥାନା ପୋଲିସ । ଭାରସୁଣ୍ଡି ଗାଁର ଖକନ ଢାଲି ଓ ତାଙ୍କ ପୁଅ ବିପ୍ଲବ ଢାଲି ହୀରା ନେଇ ରାୟପୁର ଯାଉଥିବା ବେଳେ ପୋଲିସ ହାତରେ ଧରା ପଡ଼ିଥିଲେ ।

ପୋଲିସ  ଯାଞ୍ଚ କଲାବେଳେ  ବାପା-ପୁଅ ଚୋରା ହୀରା କାରବାର କରୁଥିବା ଜଣାପଡିଥିଲା । ହୀରା ଚାଲାଣ ବେଳେ ପୋଲିସ ୭୪୫ କ୍ୟାରେଟ୍ ହୀରା ଜବତ କରାଯାଇଛି । ଯାହାର ଆନୁମାନିକ ମୂଲ୍ୟ ୫୦ ଲକ୍ଷ ଟଙ୍କାରୁ ଉର୍ଦ୍ଧ୍ୱ  ହେବ ବୋଲି ଛତିଶଗଡ଼ ପୋଲିସ ସୂଚନା ଦେଇଛି । ପୂର୍ବ ସୂଚାନା ମୁତାବକ ଜଗି ରହିଥିଲା ପୋଲିସ  । ଏବଂ ସଠିକ ସମୟରେ ପୋଲିସ ବାପ-ପୁଅଙ୍କୁ ଗିରଫ କରିଛି  ।