ଟୁଇଟରରୁ ଆହୁରି କିଛି କର୍ମଚାରୀଙ୍କୁ ଛଟେଇ କରିବେ ଏଲନ ମସ୍କ

ନୂଆଦିଲ୍ଲୀ: ଟୁଇଟରରୁ ଆହୁରି କିଛି କର୍ମଚାରୀଙ୍କୁ ଛଟେଇ କରିବେ ଏଲନ ମସ୍କ । ଆଜି ଏନେଇ ଘୋଷଣା କରିବେ । ସେଲ୍ସ ଓ ପାର୍ଟନରସିପ୍ ଟିମରୁ କର୍ମଚାରୀଙ୍କୁ ଛଟେଇ କରିବାକୁ ଯୋଜନା କରିଛନ୍ତି ଏଲନ ମସ୍କ । ପୂର୍ବରୁ ୫୦ ପ୍ରତିଶତ କର୍ମଚାରୀଙ୍କୁ ମସ୍କ ଛଟେଇ କରିଥିବା ବେଳେ ଆହୁରି କିଛି ଆବଶ୍ୟକତା ରହିଛି ବୋଲି କମ୍ପାନୀ ପକ୍ଷରୁ କୁହାଯାଇଛି । ପୂର୍ବରୁ ଏଲନଙ୍କ ଅଲ୍ଟିମେଟମ ପରେ ଇସ୍ତଫା ଦେଇଥିଲେ କର୍ମଚାରୀ ।

ଟୁଇଟରରେ ଅନେକ ପରିବର୍ତ୍ତନ ହୋଇଥିବା ବେଳେ ଏହାର ପ୍ରଭାବ କର୍ମଚାରୀଙ୍କ ଉପରେ ପଡ଼ିଛି । କମ୍ପାନୀରେ ହାର୍ଡକୋର୍ ଓ୍ୱାର୍କ ପାଇଁ ନୂଆ ବସଙ୍କ ଅଲ୍ଟିମେଟମ ପରେ ଶତାଧିକ କର୍ମଚାରୀ ନିଜ ଆଡ଼ୁ ଇସ୍ତଫା ଦେଇଥିଲେ । ଫଳରେ କମ୍ପାନୀକୁ ଏକ ବଡ଼ ଝଟକା ଲାଗିଛି । ଟୁଇଟର ଏବେ ସବୁ ଦିନ ପାଇଁ ବନ୍ଦ ହୋଇଯିବ ବୋଲି ଚର୍ଚ୍ଚା ହେଉଥିଲା । ଏହାରି ଭିତରେ କମ୍ପାନୀ ଆହୁରି କର୍ମଚାରୀଙ୍କୁ ଛଟେଇ କରାଯିବା ନେଇ ଘୋଷଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।