ବାଙ୍କୀ : ଯୌତୁକ ଜୁଇରେ ଚାଲିଗଲା ନବବଧୂଙ୍କ ଜୀବନ। ଅଭିଯୋଗ ଆଣିଲେ ପରିବାର। ଅଭାବନୀୟ ଘଟଣା ଘଟିଛି ବାଙ୍କୀ ଥାନା ଅନ୍ତର୍ଗତ ଶିଶୁଆ ଗାଁରେ। ଗତ ୩ ବର୍ଷ ତଳେ ଇନ୍ଦୁମତୀ ପାଟଣା ଗ୍ରାମର ପ୍ରବାସିନୀ ରାଉତ ଶିଶୁଆ ଗ୍ରାମର ପ୍ରଦୀପ ବେହେରାଙ୍କୁ ବୈଦିକ ରୀତିନୀତି ଅନୁସାରେ ବିବାହ କରିଥିଲେ। ବିବାହ ପରଠାରୁ ପ୍ରବାସୀନିଙ୍କୁ ଯୌତୁକ ଜନିତ ନିର୍ଯାତନା ଦେଇ ଆସୁଥିବା ବେଳେ ଆଜି ତାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଖବର ପାଇ ବାଙ୍କୀ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଛି। ସେପଟେ ଘଟଣାରେ ସମୃକ୍ତ ଥବା ଶାଶୁ,ସ୍ବାମୀ ଓ ଦିଅର ଫେରାର ଥିବାବେଳେ ଶଶୁରଙ୍କୁ ଅଟକ ରଖିଛି ବାଙ୍କୀ ପୋଲିସ।
