୧୫ରୁ ଭୁବନେଶ୍ବରରେ Dot Fest, ଆସିବେ ବହୁ ସେଲିବ୍ରିଟ୍
1 min read
ଭୁବନେଶ୍ୱର: ହକି ବିଶ୍ବକପକୁ ନଜରରେ ରଖି ଭୁବନେଶ୍ବରରେ ଆୟୋଜନ ହେଉଛି dot fest । ଆସନ୍ତା 15 ତାରିଖରୁ ୨୯ ଯାଏଁ ପ୍ରଦଶିନୀ ପଡ଼ିଆରେ dot fest ଦ୍ବିତୀୟ ସଂସ୍କରଣ ହେବାକୁ ଯାଉଛି । ଏହାକୁ ଉଦଘାଘଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନାଚ, ଗୀତ, କମେଡି ସାଙ୍ଗକୁ ଖାଇବା ପିଇବା ଜମିବ । ଏହି ସମୟରେ ଆନ୍ତର୍ଜାତୀୟ ଫୁଡ୍ ଫେଷ୍ଟିଭାଲ, ଭୁବନେଶ୍ବର ଲାଇଭ, ଭୁ ଫେଷ୍ଟୋ, ଏକାମ୍ର ଓ୍ବାକସ, ନାଇଟ ଫେଲା ମାର୍କେଟ, ଫଟୋ ପ୍ରଦର୍ଶନୀ କରାଯିବ । ଭୁବନେଶ୍ବର ଲାଇଭ ୧୫ ରେ ୨୪ ଯାଏଁ ହେବ । ଯେଉଁଥିରେ ବଲିଉଡ୍ ଓ ଓଲିଉଡ ଷ୍ଟାରମାନେ ଯୋଗ ଦେବେ ।
ଗୁରୁ ରାନ୍ଧଓ୍ବା, ନୀତି ମୋହନ, ଉଦିତ ନାରାୟଣ, ସୁଖବିନ୍ଦର, କମେଡି କିଙ୍ଗ ସୁନିଲ ଗ୍ରୋଭର ପ୍ରମୁଖ ସାମିଲ ହେବେ । ସେହିପରି ଇଣ୍ଡିଆନ୍ ଆଇଡଲ ବିଜେତା ପୱନଦୀପ ରାଜନ୍ ଏବଂ ଅରୁଣିତା କାଞ୍ଜିଲାଲ ମଧ୍ୟ ଯୋଗଦେବେ । ସନ୍ଧ୍ୟା ୭ ରୁ ୧୦ ଯାଏଁ ଝୁମିବେ ରାଜଧାନବାସୀ । ଏଥିସହ ଇଣ୍ଟର ନ୍ୟାସନାଲ ଫୁଡ ଫେଷ୍ଟିଭାଲରେ 16 ଟି ଦେଶ ଯୋଗଦେବେ । ଏକାମ୍ର ହାଟରେ ମୋଟ ୩୦ ଟି ଷ୍ଟଲ୍ ହେବ ।
ଫୁଡ଼ ଫେଷ୍ଟିବାଲରେ ମାଣ୍ଡିଆକୁ ମଧ୍ୟ ସ୍ଥାନ ଦିଆଯାଇଛି । ସେହିଭଳି ୪ଟି ପାର୍କରେ ଷ୍ଟୋରୀ ଟେଲିଂ କାର୍ଯ୍ୟକ୍ରମ ରହିଥିବା ବେଳେ ଜାତୀୟ ଓ ଆନ୍ତର୍ଜାତୀୟ ସ୍ତରର ଷ୍ଟୋରୀ ଟେଲର ଯୋଗ ଦେବେ । ଏହି ସମୟରେ ମଧ୍ୟ ରାତ୍ରି ପର୍ଯ୍ୟନ୍ତ ଏକାମ୍ର ହାଟରେ ମାର୍କେଟ ଖୋଲା ରହିବ । ବରିଷ୍ଠ ନାଗରିକ, ଭିନ୍ନକ୍ଷମ ମାନଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯିବ । ଏନେଇ ବିଏମସି ଅଫିସରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
