ବିଦେଶରୁ ଗାଁକୁ ଫେରିଆସଲେ ଡାକ୍ତର ବାବୁ, ଜୈବିକ ପ୍ରଣାଳୀରେ ଚାଷକରି ହେଲେ ସଫଳ

1 min read

ମୟୂରଭଞ୍ଜ: ବିଦେଶ ଫେରନ୍ତା ଡାକ୍ତର ସଫଳ ଚାଷୀ। ସ୍ବାସ୍ଥ୍ୟସେବାରୁ କୃଷି ବିକାଶର ସ୍ବପ୍ନ। ଗାଁରେ ଜୈବିକ ପ୍ରଣାଳୀରେ ଚାଷ। କୃଷି ମାଧ୍ୟମରେ ନିଜ ଅଞ୍ଚଳର ବିକାଶ ସ୍ବପ୍ନ ତାଙ୍କୁ ସଫଳ ଚାଷୀର ପରିଚୟ ଦେଇଛି।  ଜିଲ୍ଲା ବାଙ୍ଗିରିପୋଷି ବ୍ଲକ୍‌ ହାଣଦା ଗାଁର ଯୁବ ଡାକ୍ତର ଜ୍ୟୋତି ଦାସ। ବିଦେଶରୁ ଡାକ୍ତରୀ ପାସ୍ କରିବା ପରେ ସ୍ବାସ୍ଥ୍ୟସେବା ବଦଳରେ ଚାଷ ପ୍ରତି ଆଗ୍ରହ ପ୍ରକାଶ କରିଛନ୍ତି। ବିଦେଶରୁ ଚାରା ଆଣି ବିଭିନ୍ନ ପ୍ରକାର ଫଳଚାଷ କରୁଛନ୍ତି ଏହି ଯୁବ ଡାକ୍ତର।

ପୈତୃକ ଜମିରେ ଫଳ ବଗିଚା କରିଛନ୍ତି ଡାକ୍ତର ଜ୍ୟୋତି ଦାସ। ୩୭୨ ପ୍ରକାର ଫଳଗଛ ଲଗାଇଛନ୍ତି। ଏଥିମଧ୍ୟରେ ୯୦ ପ୍ରତିଶତ ବିଦେଶୀ ଫଳଗଛ ଅଛି। ୯୨ ପ୍ରକାର ଆମ୍ବ,  ୨୭ ପ୍ରଜାତିର ସପେଟା, ୮ ପ୍ରକାର ଲିଚୁ, ୧୬ ପ୍ରକାର ପିଜୁଳି, ୧୨ ପ୍ରକାର ଅଙ୍ଗୁର ଓ ୮ ପ୍ରକାର ସେଓ ଗଛ ଲଗାଇଛନ୍ତି। ସେହିପରି ଔଷଧୀୟ କଳାଧାନ ଚାଷ କରିଛନ୍ତି ଜ୍ୟୋତି ଦାସ। କଳା ଧାନ ଚାଷ ପାଇଁ ନିଜ ଅଞ୍ଚଳର ଚାଷୀଙ୍କୁ ମଧ୍ୟ ପ୍ରୋତ୍ସାହିତ କରୁଛନ୍ତି। ଯୁବ ଡାକ୍ତରଙ୍କୁ ଜିଲ୍ଲା ଉଦ୍ୟାନ କୃଷି ବିଭାଗ ସହଯୋଗ କରୁଛି।

ନିଜେ ଚାଷ କରି ବର୍ଷକୁ ଲକ୍ଷାଧିକ ଟଙ୍କା ଲାଭ କରିବା ସହ ଅନ୍ୟମାନଙ୍କୁ ମଧ୍ୟ ରୋଜଗାର ଯୋଗାଇ ଦେଉଛନ୍ତି ଡାକ୍ତର ଜ୍ୟୋତି ଦାସ। ଚାଷ ଅଛି ଯାହାର, କି ଆନନ୍ଦ ତାହାର। ଏହାକୁ ପ୍ରମାଣିତ କରିଛନ୍ତି ଏହି ଯୁବ ଡାକ୍ତର ଜ୍ୟୋତି ଦାସ। ଚାଷରୁ ମୁହଁ ଫେରାଉଥିବା ଯୁବଗୋଷ୍ଠୀଙ୍କ ପାଇଁ ସେ ଉଦାହରଣ ପାଲଟିଛନ୍ତି।

Opn Commnet Area

Leave a Reply

Your email address will not be published. Required fields are marked *

ନଜର ପକାନ୍ତୁ

Close Bitnami banner