ଆଜି ଆଲୋକର ପର୍ବ ଦୀପାବଳି: କେବଳ ଜଳିବ ଦୀପ, ଫୁଟିବନି ବାଣ
ଭୁବନେଶ୍ୱେର: ଆଜି ଆଲୋକର ପର୍ବ ଦୀପାବଳି । କେବଳ ଜଳିବ ଦୀପ, ବାଣ ଫୁଟିବନି । କରୋନା ସଂକ୍ରମଣ ରୋକିବା ପାଇଁ ବାଣ ଫୁଟାଇବା ଓ ବିକ୍ରି ଉପରେ ରାଜ୍ୟ ସରକାର ରୋକ ଲଗାଇଛନ୍ତି । ସୁରକ୍ଷା ଦୃଷ୍ଟିରୁ ବିଭିନ୍ନ ସ୍ଥାନରେ ମୁତୟନ ହୋଇଛନ୍ତି ପୋଲିସ । ଭୁବନେଶ୍ବରରେ ୧୭ ପ୍ଳାଟୁନ ପୋଲିସ ମୁତୟନ କରାଯାଇଛି । କେହି ବାଣ ଫୁଟାଇଲେ ୧୦୦ନମ୍ବରରେ ଫୋନ୍ କରିବାକୁ ପୋଲିସ ପରାମର୍ଶ ଦେଇଛି ।
ସେପଟେ ଶ୍ରୀମନ୍ଦିର ସମ୍ମୁଖରେ କାଉଁରିଆ କାଠି ଜାଳି ବଡ଼ବଡୁଆ ଡାକିବାକୁ ପୁରୀ ପ୍ରଶାସନ ନିଷେଧ କରିଛି । ଧୂଆଁ ଦ୍ୱାରା କରୋନା ସଂକ୍ରମଣ ଅଧିକ ବ୍ୟାପିବାର ଆଶଙ୍କା ଥିବାରୁ ଏଭଳି ପଦକ୍ଷେପ ନିଆଯାଇଛି । ଅନ୍ୟପଟେ ଭୁବନେଶ୍ୱରର ବିନ୍ଦୁ ସାଗର ଏବଂ ଲିଙ୍ଗରାଜ ମନ୍ଦିରରେ ପୟାଶ୍ରାଦ୍ଧ ଓ ପିଣ୍ଡଦାନ ଉପରେ ଲାଗିଲା କଟକଣା । ଭୁବନେଶ୍ୱର ମହାନଗର ନିଗମ ପକ୍ଷରୁ କଟକଣା ଜାରି କରାଯାଇଛି ।
