୪ ହଜାରରୁ ଅଧିକ ଛାତ୍ରଛାତ୍ରୀଙ୍କୁ ସ୍କୁଲ କିଟ୍ ପ୍ରଦାନ

ଝାରସୁଗୁଡ଼ା: ଓଡ଼ିଶାର ଦୁର୍ଗମ ଅଞ୍ଚଳରେ ଗୁଣାତ୍ମକ ଶିକ୍ଷାକୁ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ବେଦାନ୍ତ ଆଲୁମିନିୟମ ଓଡ଼ିଶା ପକ୍ଷରୁ ୫୦ରୁ ଅଧିକ ସ୍କୁଲରେ ୪ ହଜାରରୁ ଛାତ୍ରଛାତ୍ରୀଙ୍କୁ ସ୍କୁଲ କିଟ୍ ବଣ୍ଟନ କରାଯାଇଛି । ଆଦିବାସୀ ଅଧ୍ୟୁଷିତ ରାୟଗଡ଼ା, କଳାହାଣ୍ଡି ଓ ଝାରସୁଗୁଡ଼ା ଜିଲ୍ଲା କୁରାଲୋଇ ଏବଂ ସିଜିମାଲି ଖଣି ଅଞ୍ଚଳର ବିଦ୍ୟାଳୟଗୁଡିକରେ ଏହି କିଟ୍ କମ୍ପାନୀ ତରଫରୁ ବଣ୍ଟନ କରାଯାଇଛି । ପ୍ରତି କିଟରେ ଗୋଟିଏ ସ୍କୁଲ ବ୍ୟାଗ୍, ଗୋଟିଏ ପାଣି ବୋତଲ, ଏକ ନୋଟବୁକ୍, ଜ୍ୟୋମେଟ୍ରି ବକ୍ସ ଓ ଅନ୍ୟାନ୍ୟ ପାଠ୍ୟ ଉପକରଣ ରହିଛି ।

ବେଦାନ୍ତର ଏଭଳି ପ୍ରୟାସକୁ ସବୁ ମହଲରେ ପ୍ରଶଂସା କରାଯାଇଛି । ବିଦ୍ୟାଳୟଗୁଡିକର ଶିକ୍ଷକ ଏବଂ ଛାତ୍ରଛାତ୍ରୀ ଏଥିପାଇଁ କମ୍ପାନୀକୁ ଧନ୍ୟବାଦ ଜଣାଇଛନ୍ତି ।

କୁରାଲୋଇ ଓ ସିଜିମାଲି ଆଖପାଖ ଅଞ୍ଚଳରେ ରହୁଥିବା ଛାତ୍ରଛାତ୍ରୀ ପାଠ୍ୟ ଉପକରଣ ଅଭାବରୁ ସମସ୍ୟାରେ ପଡୁଛନ୍ତି । କମ୍ପାନୀର ଏହି ପ୍ରୟାସ ସେମାନଙ୍କ ସମସ୍ୟାର ସମାଧାନ କରିବା ସହ ପାଠ ପତ୍ରି ସେମାନଙ୍କ ଆଗ୍ରହ ବଢ଼ାଇବ ବୋଲି କମ୍ପାନୀ ପକ୍ଷରୁ କୁହାଯାଇଛି । ସ୍ଥାନୀୟ କର୍ତ୍ତୃପକ୍ଷ, କଲ୍ୟାଣକାରୀ ସଙ୍ଗଠନ ଓ ସମୁଦାୟ ସଦସ୍ୟଙ୍କ ସହଯୋଗରେ ବେଦାନ୍ତ ଆଲୁମିନିୟମ ଓଡ଼ିଶାର ସାମାଜିକ, ଅର୍ଥନୈତିକ ପରିବର୍ତ୍ତନରେ ଉଲ୍ଲେଖନୀୟ ଅବଦାନ ଦେଉଛି ।