ଆଜି ସରୁଛି ଲାଲ୍କିଲ୍ଲା ହିଂସା ଅଭିଯୁକ୍ତ ତଥା ପଞ୍ଜାବୀ ଅଭିନେତା ଦୀପ୍ ସିଦ୍ଧୁଙ୍କ ରିମାଣ୍ଡ ଅବଧି
CREATOR: gd-jpeg v1.0 (using IJG JPEG v62), quality = 100
ନୂଆଦିଲ୍ଲୀ: ଆଜି ସରୁଛି ଲାଲ୍କିଲ୍ଲା ହିଂସା ଅଭିଯୁକ୍ତ ତଥା ପଞ୍ଜାବୀ ଅଭିନେତା ଦୀପ୍ ସିଦ୍ଧୁଙ୍କ ରିମାଣ୍ଡ ଅବଧି । ଜାନୁୟାରୀ ୨୬ରେ ରାଜଧାନୀ ହିଂସାରେ ସମ୍ପୃକ୍ତ ଥିବା ନେଇ ପୋଲିସ ଦୀପ୍ଙ୍କୁ ଗିରଫ କରିଥିଲା । ଗତ ୮ ତାରିଖରେ ହରିୟାଣାରୁ ଗିରଫ ହୋଇଥିଲେ ଦୀପ୍ ସିଦ୍ଧୁ । ଆଜି ଦୀପ୍ଙ୍କ ୭ ଦିନିଆ ରିମାଣ୍ଡ ଶେଷ ହେଉଛି ।
ଦୀପ୍ଙ୍କ ଅନ୍ୟଜଣେ ସହଯୋଗୀ ଲୁଧିଆନାର ଇକବାଲ ସିଂଙ୍କୁ ମଧ୍ୟ ପୋଲିସ ଗିରଫ କରିଛି । ଘଟଣାର ତଦନ୍ତ ପାଇଁ ଗତ ଶନିବାର ପୋଲିସ ଦୁଇ ଅଭିଯୁକ୍ତଙ୍କୁ ଲାଲ୍ କିଲ୍ଲା ନେଇଥିଲା । ରିମାଣ୍ଡ ବେଳେ ସିଦ୍ଧୁ ପୋଲିସକୁ ବହୁ ଗୁରୁତ୍ୱପୂର୍ଣ୍ଣ ସୂଚନା ଦେଇଥିବା ଜଣାପଡ଼ିଛି । ଆଜି ଦିନ ସାଢ଼େ ଦଶଟା ବେଳେ ଦୀପ୍ଙ୍କୁ ତିଶହଜାରୀ କୋର୍ଟରେ ହାଜର କରାଯିବ ।
