ରାଜୁଆ ନଦୀରେ ଭାସୁଛନ୍ତି ମଲାମାଛ, ରାଜଧାନୀର ଡ୍ରେନକୁ ଦାୟୀ କଲେ ପରିବେଶବିତ୍ତ୍
କଣାସ: ନଦୀ ଜଳରେ ଭାସୁଛି ମଲା ମାଛ। ପୁରୀ କଣାସ ବ୍ଲକ୍ ରାଜୁଆ ନଦୀ ଜଳ ଏବେ ବିଷାକ୍ତ ହେବା ଯୋଗୁଁ ମଲା ମାଛ ଭାସୁଥିବା ଦେଖିବାକୁ ମିଳୁଛି। ଯାହା ଫଳରେ ନଦୀ ଜଳ ଅଧିକ ଦୂଷିତ ହେବାରେ ଲାଗିଛି।
ଭୁବନେଶ୍ୱର କଟକରୁ ଡ୍ରେନରେ ଆସୁଥିବା ଅଳିଆ ଆବର୍ଜ୍ଜନା, ବର୍ଜ୍ୟବସ୍ତୁ ଗଙ୍ଗୁଆ ନାଳ ଦେଇ ସିଧାସଳଖ ଦୟା ନଦୀରେ ମିଶିଥାଏ। ଏହାର ଶାଖା ନଦୀ ରାଜୁଆ, ମଲାଗୁଣୀ , ମକରା ଆଦି ବିଭିନ୍ନ ନଦୀର ଜଳ ଦୂଷିତ ହେବା ସହ ବିଷାକ୍ତ ହେବାରେ ଲାଗିଛି । କଣାସ ବ୍ଲକର ପ୍ରାୟ ସମସ୍ତ ପଞ୍ଚାୟତର ଲୋକେ ଏହି ସବୁ ନଦୀ ଉପରେ ନିର୍ଭର କରି ଚଳୁଥିବା ବେଳେ ନଦୀର ବିଷାକ୍ତ ଜଳ ପାଇଁ ମାଛ ସହିତ ଅନେକ ଜଳଚର ମରି ଭାସୁଛନ୍ତି।
