ସିଭିୟର ସାଇକ୍ଲୋନିକ୍ ଷ୍ଟର୍ମରେ ପରିଣତ ହେଲା ‘ବୁଲବୁଲ୍’, ପାରାଦୀପରେ ବର୍ଷା ଆରମ୍ଭ । ଟ୍ୱିନ୍ ସିଟିରେ କୋହଲା ପାଗ

ଭୁବନେଶ୍ୱର: ଅତି ଭୟଙ୍କର ବାତ୍ୟାରେ ପରିଣତ ହେଲା ‘ବୁଲବୁଲ୍’ । ସମୁଦ୍ରରେ ଉତ୍ତର-ଉତ୍ତର ପଶ୍ଚିମ ଦିଗରେ ଘଣ୍ଟା ପ୍ରତି ୧୦ କିମି ବେଗରେ ଗତି କରୁଛି । ପାରାଦୀପ ଠାରୁ ଦକ୍ଷିଣ-ଦକ୍ଷିଣପଶ୍ଚିମ ଦିଗରେ ୩୯୦ କିମିରେ ଦୂରରେ ରହିଛି ‘ବୁଲବୁଲ୍’ । ଦକ୍ଷିଣ-ଦକ୍ଷିଣ ପଶ୍ଚିମ ଦିଗରେ ପଶ୍ଚିମବଙ୍ଗର ସାଗର ଦ୍ୱୀପ ଠାରୁ ୫୩୦ କିମି ଓ ବାଂଲାଦେଶର ଖେପୁପାରା ଠାରୁ ୬୩୦ କିମି ଦୂରରେ ବାତ୍ୟା ରହିଛି ।୯ ତାରିଖ ସକାଳେ ଗତିପଥ ପରିବର୍ତ୍ତନ କରି ଉତ୍ତର ଦିଗକୁ ଗତି କରିବ । ପୁଣିଥରେ ରିକର୍ଭ ହୋଇ ଉତ୍ତର-ପୂର୍ବ ଦିଗ ହୋଇ ବାତ୍ୟା ପଶ୍ଚିମବଙ୍ଗ ଓ ବାଂଲାଦେଶ ଉପକୂଳ ଅତିକ୍ରମ କରିବ । ସାଗର ଦ୍ୱୀପ ଠାରୁ ଖେପୁପାରା ମଧ୍ୟରେ ସୁନ୍ଦରବନ ଦେଇ ୧୦ ତାରିଖ ସକାଳେ ବାତ୍ୟା ‘ବୁଲବୁଲ୍’ ସ୍ଥଳଭାଗ ଛୁଇଁବା ଆକଳନ କରାଯାଉଛି । ଏହି ସମୟରେ ପବନର ବେଗ ୧୧୦ରୁ ୧୨୦ ମଧ୍ୟରେ ରହିବ । ବାତ୍ୟା ପାଇଁ ଆଜିଠୁ ୧୦ ତାରିଖ ଯାଏ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ କରାଯାଇଛି ।

ବାତ୍ୟା ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଆରମ୍ଭ ହୋଇଯାଇଛି । ପାରାଦୀପ ସମେତ ଜଗତସିଂହପୁର ଜିଲ୍ଲାରେ ସକାଳୁ ଝିପି ଝିପି ବର୍ଷା ହେଉଛି । କଟକ, ଭୁବନେଶ୍ୱରରେ ମଧ୍ୟ ପାଗ କୋହଲା ରହିଛି । ବର୍ଷା ପାଇଁ ଆଜି ପୁରୀ, ଜଗତସିଂହପୁର, କେନ୍ଦ୍ରାପଡ଼ା ଓ ଯାଜପୁର ଜିଲ୍ଲାର ସମସ୍ତ ସ୍କୁଲ ଓ ଅଙ୍ଗନୱାଡ଼ିକୁ ଛୁଟି ଘୋଷଣା କରାଯାଇଛି । ଆସନ୍ତାକାଲି ୯ ତାରିଖରେ ୯ଟି ଜିଲ୍ଲାରେ ସ୍କୁଲକୁ ଏସଆରସି ଛୁଟି ଘୋଷଣା କରିଛନ୍ତି । ଜିଲ୍ଲାଗୁଡ଼ିକ ହେଉଛି ବାଲେଶ୍ୱର, ଭଦ୍ରକ, କଟକ, କେନ୍ଦ୍ରାପଡ଼ା, ଜଗସତିଂହପୁର, ପୁରୀ, ଖୋର୍ଦ୍ଧା, ମୟୂରଭଞ୍ଜ, ଯାଜପୁର ।

  ')}