ନନ୍ଦିଘୋଷ ବ୍ୟୁରୋ : ସମୂହ ଛୁଟିରେ କଟକ ରେଭେନ୍ସା ୟୁନିଭରସିଟିର ଶିକ୍ଷକ ସଂଘ। ସମସ୍ତ ଅଧ୍ଯାପକ ଅଧ୍ୟାପିକା ଆଜି ଗୋଟିଏ ଦିନ ସମୂହ ଛୁଟିରେ ଯାଇଛନ୍ତି। ଆଜି ସେମାନେ କୁଳପତିଙ୍କ ଅଫିସ ଆଗରେ ଧାରଣା ଦେଇଛନ୍ତି। ପୂର୍ବ ବିବାଦର ସମାଧାନ ପାଇଁ ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଆବଶ୍ୟକ ପଦକ୍ଷେପ ନେଇ ନ ଥିବାରୁ ଆଜି କଳାବ୍ଯାଚ ପିନ୍ଧି ପ୍ରତିବାଦ କରୁଛନ୍ତି ରୁଟାର ସଦସ୍ଯ
ହଷ୍ଟେଲ ବିବାଦର ସମାଧାନ ବେଳେ କଟକ ସଦର ବିଧାୟକ ଜଣେ ପ୍ରଫେସରଙ୍କ ପ୍ରତି ଅଶାଳୀନ ଭାଷା ପ୍ରୟୋଗ କରିଥିଲେ। ଏହା ପରେ ରୁଟା ଆନ୍ଦୋଳନକୁ ଓହ୍ଲାଇଥିବା ଦେଳେ ସଂପୃକ୍ତ ଚିଫ୍ ୱାଡେନ ଙ୍କ ନାଁରେ ବିଧାୟକ ବାଚସ୍ପତିଙ୍କୁ ଏକ ଚିଠି ଲେଖିଥିଲେ। ଅନେକ ବୈଠକ ହୋଇ ଥିଲେ ସୁଦ୍ଧା ବିବାଦ ର ସମାଧାନ ହୋଇ ପାରି ନାହିଁ। ସେତେବେଳେ ସମସ୍ତ ୱାଡେନ ଇସ୍ତଫା ଦେଇଥିଲେ। ପରେ ଇସ୍ତଫା ଗ୍ରହଣ କରି ସମସ୍ତ ୱାଡେନଙ୍କୁ ବଦଳାଇଥିଲେ କର୍ତ୍ତୃପକ୍ଷ।
