ଶିଳ୍ପପତି ଓ ବ୍ୟବସାୟୀଙ୍କୁ ଆକ୍ରମଣ କରିବାକୁ ଆସିଥିଲେ ଅପରାଧୀ: ରାଉରକେଲା ଏସପି

ରାଉରକେଲା: ରାଉରକେଲାରେ କୁଖ୍ୟାତ ଅପରାଧୀ ଓ ପୋଲିସ ମଧ୍ୟରେ ଗୁଳି ବିନିମୟରେ ଜଣେ ଅପରାଧୀ ଆହତ ହେବା ଘଟଣାରେ ତନାଘନା । ଅପରାଧୀଙ୍କୁ ଗୁଳି ବିନିମୟ ପରେ ଏକ ବଡ଼ ଖୁଲାସା କରିଛନ୍ତି ରାଉରକେଲା ଏସପି ମୁକେଶ କୁମାର ଭାମୁ । ଶିଳ୍ପପତି ଓ ବ୍ୟବସାୟୀଙ୍କୁ ଆକ୍ରମଣ କରିବାକୁ ଆସିଥିଲେ ଅପରାଧୀ । ଏହା ପଛରେ ଏକ ବଡ଼ ରାକେଟ କାମ କରୁଛି । ତେବେ ରାକେଟରେ ଥିବା ଅଭିଯୁକ୍ତଙ୍କୁ ଚିହ୍ନଟ କରାଯିବା ସହ ସେମାନଙ୍କୁ ଗିରଫ କରିବାକୁ ପ୍ରକ୍ରିୟା ଆରମ୍ଭ ହୋଇଛି  ।

ତେବେ ଅପରାଧୀ ଏକେ ୪୭ କେଉଁଠୁ ଆଣିଥିଲେ, ତା’ର ମଧ୍ୟ ତଦନ୍ତ ଆରମ୍ଭ ହୋଇଛି । ଗତକାଲି ଓଡ଼ିଶା ଝାଡଖଣ୍ଡ ସୀମାନ୍ତ ଅଞ୍ଚଳରେ କୁଖ୍ୟାତ ଅପରାଧୀ ଓ ପୋଲିସ ମଧ୍ୟରେ ଗୁଳି ବିନିମୟ ବେଳେ କୁଖ୍ୟାତ ଅପରାଧୀ ବିଶ୍ଵଜିତ ସାହୁ ଆହତ ହୋଇଥିବା ବେଳେ ସହଯୋଗୀ ଟୁଚୁ ଇନ୍ଦଓ୍ୱେରଙ୍କୁ ଗିରଫ କରାଯାଇଛି ।