ଦିନିକିଆରେ ବିପୁଳ ବିଜୟ ପରେ ଭୁବନେଶ୍ବର ଛାଡ଼ିଲେ ଖେଳାଳି

ଭୁବନେଶ୍ବର : ବାରବାଟୀ ଦିନିକିଆରେ ବିପୁଳ ବିଜୟ ପରେ ଭୁବନେଶ୍ବର ଛାଡ଼ିଲେ ଭାରତ ଓ ଇଂଲଣ୍ଡ କ୍ରିକେଟ ଟିମ୍ । ଭୁବନେଶ୍ବର ମେ-ଫେୟାରରୁ ବସ ଯୋଗେ କଡ଼ା ସୁରକ୍ଷା ମଧ୍ଯରେ ଏୟାରପୋର୍ଟ କଲେ ଉଭୟ ଦଳର ଖେଳାଳି । ପ୍ରଥମେ ଇଂଲଣ୍ଡ ଟିମ୍ ଓ ପରେ ପରେ ଭାରତୀୟ ଖେଳାଳିମାନେ ବସ ଯୋଗେ ଏୟାରପୋର୍ଟ ଗଲେ । ବିମାନ ଯୋଗେ ଅହମ୍ମଦାବାଦ ଯାତ୍ରା କରିଛନ୍ତି ଉଭୟ ଦଳର ଖେଳାଳି । ଗତକାଲି ବାରବାଟୀରେ ଏକଦିବସୀୟ ସିରିଜ ଦ୍ବିତୀୟ ମ୍ଯାଚରେ ବିଜୟ ସହ ସିରିଜ ହାତେଇଛି ଟିମ୍ ଇଣ୍ଡିଆ । ରୋହିତ ଶର୍ମାଙ୍କ ଧୁଆଁଧାର ଶତକ ବଳରେ ଇଂଲଣ୍ଡକୁ ୪ ୱିକେଟରେ ହରାଇଛି ଭାରତ । ୧୨ ତାରିଖରେ ଅହମ୍ମଦାବାଦରେ ଖେଳାଯିବ ସିରିଜର ଅନ୍ତିମ ତଥା ତୃତୀୟ ଏକଦିବସୀୟ ମ୍ଯାଚ । ଆଜି ଭାରତୀୟ ଟିମ ଭୁବନେଶ୍ବର ଛାଡ଼ିବା ସମୟରେ ଅନେକ କ୍ରିକେଟ ପ୍ରେମୀ ଏକାଠି ହୋଇ ଏଥିଲାଗି ଦଳକୁ ଶୁଭେଚ୍ଛା ଜଣାଇଥିଲେ ।