ସେନା ପରୀକ୍ଷା ନ କରିବାକୁ ୧୨୦ ବାଟାଲିୟନକୁ ପୋଲିସ କମିଶନରଙ୍କ ଚିଠି

ରାଜଧାନୀରେ ଆର୍ମି ଇଣ୍ଟର ଭ୍ୟୁ ପ୍ରସଙ୍ଗକୁ ନେଇ ୧୨୦ ବାଟାଲିୟନ୍ କର୍ତ୍ତୃପକ୍ଷଙ୍କୁ ଚିଠି ଲେଖିଛନ୍ତି ପୋଲିସ କମିଶନର ସୁଧାଂଶୁ ଷଡଙ୍ଗୀ । ୮୪ଟି ପଦବୀ ପାଇଁ ୪୦ ହଜାର ପରୀକ୍ଷାର୍ଥୀ ଭୁବନେଶ୍ବର ଆସିଥିଲେ । ଗତ ଦୁଇଦିନ ଧରି ଏଥିପାଇଁ ସେମାନଙ୍କୁ ନାନା ଅସୁବିଧାର ସମ୍ମୁଖୀନ ହେବାକୁ ପଡ଼ିଛି ।

ବହୁ ଲୋକ ଏହାକୁ ନେଇ ପୋଲିସ କମିଶନରଙ୍କୁ ଟ୍ବିଟ୍ ମଧ୍ୟ କରିଥିଲେ । ୧୨୦ ବାଟାଲିୟନ କର୍ତ୍ତୃପକ୍ଷଙ୍କ ସହ କଥା ହୋଇ ଆଗକୁ ଏଭିଳି ପରୀକ୍ଷା ଭୁବନେଶ୍ନରରେ ନକରିବାକୁ ଲିଖିତ ଆକାରରେ କୁହାଯାଇଛି । ଇଣ୍ଟରଭ୍ୟୁ ରେ ଫେଲ ଯୁବକ ମାନେ ବିଶୃଙ୍ଖଳା କରୁଛନ୍ତି ବୋଲି ଜଣାପଡ଼ିଛି । ରାଜ୍ୟ ସରକାରଙ୍କୁ  ମଧ୍ୟ ଏ ନେଇ ଚିଠି ଲେଖାଯାଇଛି । ଗତକାଲି ଆଇଜି ପାର୍କରେ ଜଣେ ଯୁବତୀଙ୍କୁ କମେଣ୍ଟ ମାରିବା ଅଭିଯୋଗରେ କମିଶନରେଟ୍ ପୋଲିସ ୩ ଜଣଙ୍କୁ ଗିରଫ କରିଥିଲା । ରାତିରେ ପୁରୁଷୋତ୍ତମ ଏକ୍ସପ୍ରେସରେ ପଶି ବିଶୃଙ୍ଖଳା କରିଥିଲେ ଆର୍ମି ଇଣ୍ଟରଭ୍ୟୁ ଦେବାକୁ ଆସିଥିବା ଛାତ୍ର। ଏହାପରେ ଷ୍ଟେସନରେ ମଧ୍ୟ ସୁରକ୍ଷାକୁ କଡ଼ା କଡ଼ି କରାଯାଇଛି । ')}