ସାବଧାନ ! ଆପଣଙ୍କ ପାଖରେ ନାହିଁ ତ ଏହି ନୂଆ ଲକ୍ଷଣ, ବୈଜ୍ଞାନିକମାନେ କହିଲେ ସତର୍କ ହୁଅ !
1 min read
ନୂଆଦିଲ୍ଲୀ: କରୋନା ଭାଇରସ୍ ଯେତେ ଯେତେ ବ୍ୟାପୁଛି ସେତେ ସେତେ ଏହାର ଲକ୍ଷଣର ପରିସର ମଧ୍ୟ ବଢିବାରେ ଲାଗିଛି । ସ୍ପେନର ମାଡ୍ରିଡରେ ଥିବା ରାମୋନ୍ ବାଇ କାଜଲ୍ ୟୁନିଭରସିଟି ହସ୍ପିଟାଲର ବିଶେଷଜ୍ଞମାନେ କହିଛନ୍ତି ଯେ ପାଟି ଭିତରେ ତାଳୁରେ ଘା ’ ବା ନାଲି ରଙ୍ଗର ଚିହ୍ନ ମଧ୍ୟ ସଂକ୍ରମଣର ଲକ୍ଷଣ ହୋଇପାରେ ।
ଜାମା ଡର୍ମାଟୋଲାଁଜିରେ ପ୍ରକାଶିତ ଅଧ୍ୟୟନରେ, ବୈଜ୍ଞାନିକମାନେ ମାର୍ଚ୍ଚ ୩୦ରୁ ଏପ୍ରିଲ ୮ ମଧ୍ୟରେ ୨୧ଜଣ କରୋନା ସଂକ୍ରମିତ ରୋଗୀଙ୍କ ଉପରେ ଅଧ୍ୟୟନ କରିଛନ୍ତି । ବୈଜ୍ଞାନିକମାନେ କହିଛନ୍ତି ଯେ, ଏହି ଅଧ୍ୟୟନରେ ୬ ଜଣ ରୋଗୀଙ୍କ ପାଟି ଭିତରେ ଛୋଟ ଦାଗ ଦେଖାଯାଉଥିଲା ଯାହା ନାକ ଏବଂ ଗଳା ଭିତରେ ମଧ୍ୟ ରହିଥିଲା । ଏବଂ କରୋନାର ଏହି ଲକ୍ଷଣ ଦେଖାଇଯାଉଥିବା ରୋଗୀମାନଙ୍କ ବୟସ ୪୦ ରୁ ୬୯ ବର୍ଷ ମଧ୍ୟରେ ଥିଲା ।
ସଂକ୍ରମିତଙ୍କ ପାଟି ଯାଞ୍ଚ କରିବା ଜରୁରୀ
ଡାକ୍ତରମାନେ କହିଛନ୍ତି ଯେ, ସଂକ୍ରମିତଙ୍କ ପାଟି ପରୀକ୍ଷଣ କରିବା ଆବଶ୍ୟକ । ଯଦି ସତର୍କତାର ସହ ପାଟି ପରୀକ୍ଷା କରାଯାଉ ନାହିଁ କିମ୍ବା ଏହାକୁ ଅଣଦେଖା କରାଯାଉଛି ତେବେ ଏହି ସ୍ଥାନରେ ସଂକ୍ରମଣ ବିସ୍ତାର ହେବାର ସମ୍ଭାବନା ଅଧିକ ରହିଛି । ବୈଜ୍ଞାନିକମାନେ କହିଛନ୍ତି ଯେ କରୋନା ସଂକ୍ରମିତ ରୋଗୀଙ୍କ ଚିକିତ୍ସା ପାଇଁ ପ୍ରୋଟୋକଲରେ ENT ବିଶେଷଜ୍ଞ ରହିବା ଆବଶ୍ୟକ ଯାହା ଦ୍ୱାରା ଏହି ସମସ୍ୟାଗୁଡିକ ଠିକ ସମୟରେ ଚିହ୍ନଟ ହୋଇପାରିବ ।
