ନାବାଳକକୁ ଗୋଇଠା ମାରିବା ଘଟଣାରେ ଡିସିପିଙ୍କୁ ରିପୋର୍ଟ ମାଗିଲା ଶିଶୁ ଅଧିକାର ଆୟୋଗ

ଭୁବନେଶ୍ୱର: କେସୁରା ଛକରେ ନାବାଳକକୁ ପୋଲିସର ଗୋଇଠା ମାରିବା ଘଟଣାରେ ଡିସିପିଙ୍କୁ ରିପୋର୍ଟ ମାଗିଲା ରାଜ୍ୟ ଶିଶୁ ଅଧିକାର ଆୟୋଗ । ୭ ଦିନ ମଧ୍ୟରେ ତଦନ୍ତ ରିପୋର୍ଟ ଦେବାକୁ ଡିସିପିଙ୍କୁ ନିର୍ଦ୍ଦେଶ । ଜୁଭେନାଇଲ ଜଷ୍ଟିସ ଆକ୍ଟରେ ନାବାଳକକୁ ମାଡ଼ ମାରିବା କାହାକୁ ଅଧିକାର ଦିଆଯାଇନି । ରିପୋର୍ଟ ଆସିଲେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ କମିଶନ ସାଧ୍ୟବତୀ ପ୍ରଧାନ ସୂଚନା ଦେଇଛନ୍ତି । ସେପେଟେ ପୋଲିସ ଆଚରଣ ଓ ଉଚ୍ଚାରଣ କଥା ସାମନାକୁ ଆସିଛି । ଜେଜେ ଆକ୍ଟ ଅନୁସାରେ ଗିରଫ ହୋଇପାରିବ ବୋଲି ଆଇନଜୀବୀ କହିଛନ୍ତି । ଗତ ମାସରେ ନାବାଳକଙ୍କ ବାପା ସଟଡାଉନରେ ଦୋକାନ ଖୋଲି ଥିଲେ । ପାଟ୍ରୋଲିଂ ବେଳେ ନବାଳକ ଜଣକୁ ଗୋଇଠା ମାରିଥିଲେ ପୋଲିସ୍ କର୍ମଚାରୀ । ଘଟଣାରେ ପୋଲିସ କର୍ମଚାରୀ ଜଣଙ୍କୁ ନିଲମ୍ବିତ କରାଯାଇଛି । ଅନ୍ୟମାନଙ୍କ ଉପସ୍ଥିତିକୁ ନେଇ ପୋଲିସ ତଦନ୍ତ କରୁଛି ।

ଏଥିସହିତ ପଢ଼ନ୍ତୁ: କରୋନା ଟିକା ନେଇ କୁନି ଛୁଆଙ୍କ ସଚେତନତାକୁ ମୁଖ୍ୟମନ୍ତ୍ରୀଙ୍କ ପ୍ରଶଂସା