ରେଳଧାରଣାରେ ପଶିଗଲା କଣ୍ଟେନର, ବାଲେଶ୍ବରରୁ ନୀଳଗିରି ଟ୍ରାକରେ ରେଳ ଚଳାଚଳ ବନ୍ଦ
ବାଲେଶ୍ବର: ୧୬ ନମ୍ବର ଜାତୀୟ ରାଜପଥ ବାମପଦା ଛକରେ ଥିବା 99 ନମ୍ବର ରେଲୱେ ଗେଟକୁ ଭାଙ୍ଗିଲା କଣ୍ଟେନର । କର୍ଣ୍ଣାଟକ ନମ୍ବର ବିହୀନ ଏକ କଣ୍ଟେନର କାର ବୋଝେଇ କରି ଯାଉଥିବା ବେଳେ ଭାରସାମ୍ୟ ହରାଇ ରେଳ ଧାରଣା ଉପରକୁ ମାଡ଼ିଯାଇଛି ।
ଗେଟରେ ଥିବା ସିଗନାଲ ପୋଷ୍ଟ ସହ ଗେଟକୁ ଧକ୍କା ଦେଇ ଟ୍ରାକ ଉପରେ ଫସିଛି କଣ୍ଟେନର । ବାଲେଶ୍ବରରୁ ନୀଳଗିରି ଯାଇଥିବା ଟ୍ରାକରେ ରେଳ ଚଳାଚଳ ବନ୍ଦ ରହିଛି । ନିଶାସକ୍ତ ଅବସ୍ଥାରେ ଥିବା ଡ୍ରାଇଭରକୁ ଆରପିଏଫ ନିଜ କବଜାରେ ରଖିଛି । ଦୁର୍ଘଟଣାରେ ଲାଇନ କ୍ଷତିଗ୍ରସ୍ତ ହୋଇଛି । ଘଟଣାସ୍ଥଳରେ ବାଲେଶ୍ବର ଷ୍ଟେସନ ମାଷ୍ଟର, ଇଞ୍ଜିନିୟର ଏବଂ କର୍ମଚାରୀ ଘଟଣାସ୍ଥଳରେ ଉପସ୍ଥିତ ରହି କଣ୍ଟେନରକୁ ଟ୍ରେନ ଲାଇନରୁ ବାହାର କରିବାକୁ ଚେଷ୍ଟା କରୁଛନ୍ତି ।
