ବିଧାୟକମାନେ ଟଙ୍କା ନେଇଥିବା ମନ୍ତବ୍ୟ: ସମ୍ୱିତ ପାତ୍ରଙ୍କୁ କୋର୍ଟ ନୋଟିସ ପଠାଇବ କଂଗ୍ରେସ
1 min read
ଭୁବନେଶ୍ୱର: ବିଜେପି ଜାତୀୟ ମୁଖପାତ୍ର ସମ୍ବିତ ପାତ୍ରଙ୍କୁ ଯିବ କୋର୍ଟ ନୋଟିସ। ବିଧାୟକଙ୍କୁ କିଣିବା ପ୍ରସଙ୍ଗରେ କ୍ଷମା ମାଗି ନଥିବାରୁ ଖୁବ୍ଶୀଘ୍ର ନୋଟିସ ପଠାଇବେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର। କ୍ଷମା ନମାଗିବାରୁ ଆଇନଗତ କାର୍ଯ୍ୟାନୁଷ୍ଠାନ ପାଇଁ ପ୍ରକ୍ରିୟା ଆରମ୍ଭ ହେବ ବୋଲି ନରସିଂହ ମିଶ୍ର କହିଛନ୍ତି।
ସୂଚନା ଯୋଗ୍ୟ ଯେ, ‘ପରୀ’ ପ୍ରସଂଗରେ ବିଜୁ ଜନତା ଦଳ ସହ କଂଗ୍ରେସ ଡିଲ କରିଥିବା ନେଇ ଅଭିଯୋଗ କରିଥିଲେ ବିଜେପି ନେତା ସମ୍ୱିତ ପାତ୍ର । କଂଗ୍ରେସ ବିଧାୟକ ବିକ୍ରି ହୋଇଛନ୍ତି, ସେମାନେ ଟଙ୍କା ନେଇ ପ୍ରସଂଗରେ ଚୁପ୍ ରହିଥିବା ଅଭିଯୋଗ କରିଥିଲେ ସମ୍ୱିତ ପାତ୍ର । ଅପରପକ୍ଷରେ କଂଗ୍ରେସ ପକ୍ଷରୁ ଏହାକୁ ଖଣ୍ଡନ କରାଯାଇଥିଲା । ମାମଲାର ତଦନ୍ତ ନେଇ ସ୍ୱତନ୍ତ୍ର ତଦନ୍ତକାରୀ ଦଳ (ଏସ୍ଆଇଟି)ଗଠନ ନେଇ କଂଗ୍ରେସ ଦାବି କରିଥିଲା । ମାମଲାର ତଦନ୍ତ ନେଇ ଏସ୍ଆଇଟି ଗଠିତ ହୋଇଥିବାରୁ ପରବର୍ତ୍ତୀ ସମୟରେ ବିଧାନସଭାରେ ‘ପରୀ’ ପ୍ରସଂଗ ଉଠାଇନଥିବା କଂଗ୍ରେସ ପକ୍ଷରୁ କୁହାଯାଇଥିଲା । । ଏଥିସହିତ ସମ୍ୱିତ ପାତ୍ର ଯେଉଁ ମନ୍ତବ୍ୟ ଦେଇଛନ୍ତି ଏ ନେଇ ୧୫ ଦିନ କ୍ଷମା ପ୍ରାର୍ଥନା କରନ୍ତୁ, ନଚେତ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ବୋଲି କଂଗ୍ରେସ ପକ୍ଷରୁ କୁହାଯାଇଥିଲା ।
ପରୀ ମୃତ୍ୟୁ ମାମଲା, ଅରୁଣ ବୋଥ୍ରାଙ୍କ ନେତୃତ୍ୱରେ ତଦନ୍ତ କରିବ SITର ୫ ଜଣିଆ ଟିମ୍
