ଗଣଶିକ୍ଷା ମନ୍ତ୍ରୀଙ୍କ ଆକ୍ସନ୍, ପରିବହନ ବିଭାଗର ରିଆକ୍ସନ୍

ଭୁବନେଶ୍ୱର: ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀଙ୍କ ଆକ୍ସନ ପରେ ସ୍ପେଶାଲ ଡ୍ରାଇଭ । ପରିବହନ ବିଭାଗ ପକ୍ଷରୁ ଆରମ୍ଭ ହେବ ସ୍ପେଶାଲ ଡ୍ରାଇଭ । ଆସନ୍ତା ୧ ସପ୍ତାହ ପାଇଁ  ପରିବହନ ବିଭାଗ କରିବ ସ୍ୱତନ୍ତ୍ର ଡ୍ରାଇଭ । ସ୍କୁଲ ଓ କଲେଜ ବସ୍ ଓଭରଲୋଡ ହେଲେ ନିଆଯିବ କାର୍ଯ୍ୟାନୁଷ୍ଠାନ । ସପ୍ତାହେ ପରେ ଏ ସମ୍ପର୍କିତ ରିପୋର୍ଟ ଦାଖଲ କରିବେ ପରିବହନ କମିଶନର । ପରିବହନ କମିଶନର ରିପୋର୍ଟକୁ ମୁଖ୍ୟ ଶାସନ ସଚିବଙ୍କ ନିକଟରେ ଦାଖଲ କରିବେ ।

ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଗତ ୨୩ ତାରିଖରେ କେନ୍ଦୁଝର ଜିଲ୍ଲା ଆନନ୍ଦପୁର ଗସ୍ତ କରିଥିଲେ  । କୌଣସି ଏକ କାର୍ଯ୍ୟକ୍ରମକୁ ଗସ୍ତ କଲାବେଳେ ବାଟରେ ଅଟକିଥିଲେ ସମୀର  । ଏବଂ ସେହି ସମୟରେ ରାସ୍ତାରେ ଯାଉଥିବା ଏକ ବସକୁ ଅଟକାଇ ତନଖି କରିଥିଲେ  । ସିଟ୍ ଠାରୁ ଅଧିକ ଛାତ୍ରଙ୍କୁ ବସରେ ଓଭରଲୋଡ କରି ନିଆଯାଉଥିବା ମନ୍ତ୍ରୀଙ୍କ ଦୃଷ୍ଟିଗୋଚର ହୋଇଥିଲା  । ପରେ ମନ୍ତ୍ରୀ ନିଜେ ବସକୁ ସିଜ କରିବା ସହ  କର୍ମଚାରୀଙ୍କୁ ତାଗିଦ୍ କରିଥିଲେ  ।