ଫଟୋ ଦେଖାଇ ସକାଳେ ମୁଖ୍ୟମନ୍ତ୍ରୀ ପଚାରିଥିବ ପ୍ରଶ୍ନର ଜାଣନ୍ତୁ ଉତ୍ତର…
1 min read
ଭୁବନେଶ୍ୱର: ରାଜ୍ୟରେ ଥିବା ପର୍ଯ୍ୟଟନସ୍ଥଳ ଓ ମନଲୋଭା ସ୍ଥାନର ପ୍ରଚାର ପ୍ରସାର ନେଇ ମଙ୍ଗ ଧରିଛନ୍ତି ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିଲାଗି ସେ ନିଜ ଟ୍ୱିଟ୍ରେ ବିଭିନ୍ନ ସ୍ଥାନର ଫଟୋ ପୋଷ୍ଟ କରିବା ସହ ସେହି ସ୍ଥାନ ଟି କେଉଁଠାର ବୋଲି ପ୍ରଶ୍ନ କରିଥାନ୍ତି । ଏଭଳି କରି ପର୍ଯ୍ୟଟକଙ୍କୁ ଆକୃଷ୍ଟ କରାଇବା ସହ ରାଜ୍ୟରେ ଥିବା ବିଭିନ୍ନ ପର୍ଯ୍ୟଟନସ୍ଥଳ ଓ ମନଲୋଭା ସ୍ଥାନ ସମ୍ପର୍କରେ ଅବଗତ କରାଉଛନ୍ତି ମୁଖ୍ୟମନ୍ତ୍ରୀ ।
ଆଜି ମଧ୍ୟ ସମାନଭାବେ ଟ୍ୱିଟ୍ରେ ଫଟୋ ପୋଷ୍ଟ କରି ଫୋଟରେ ଥିବା ସ୍ଥାନଟିର ଅବସ୍ଥିତି ନେଇ ପ୍ରଶ୍ନ କରିଥିଲେ ମୁଖ୍ୟମନ୍ତ୍ର । ଆଉ ଏହାପରେ ବହୁ ଲୋକେ ସ୍ଥାନଟିର ଅବସ୍ଥିତି ନେଇ ଟ୍ୱିଟ୍ରେ ଉତ୍ତର ରଖିଥିଲେ ।
ପ୍ରତିଥର ପରି ଏଥର ମଧ୍ୟ ଠିକ୍ ସନ୍ଧ୍ୟା ୬ଟାରେ ସ୍ଥାନଟିର ଅବସ୍ଥିତି ନେଇ ଉତ୍ତର ରଖିଥିଲେ ମୁଖ୍ୟମନ୍ତ୍ରୀ । ଏଥିସହ ବହୁ ସଂଖ୍ୟାରେ ଲୋକ ଏଥିରେ ଭାଗ ନେଇଥିବାରୁ ଧନ୍ୟବାଦ ଜଣାଇବା ସହ ସଠିକ୍ ଉତ୍ତର ଦେଇଥିବା ଲୋକଙ୍କୁ ଶୁଭେଚ୍ଛା ଜଣାଇଥିଲେ ମୁଖ୍ୟମନ୍ତ୍ରୀ । ଟ୍ୱିଟ୍ରେ ପଚାରିଥିବା ସୁନ୍ଦର ସ୍ଥାନଟି ହେଉଛି ଗଜପତି ଜିଲ୍ଲାର ମୁନିସିଙ୍ଗ -ସେରାଙ୍ଗ ରୋଡ୍ ।
