ପରକୀୟା ପ୍ରୀତିରୁ କଣ୍ଡକ୍ଟରଙ୍କୁ ହତ୍ୟା, ପତ୍ନୀ ଓ ପୁରୁଷ ବନ୍ଧୁ ଗିରଫ

ଚୌଦ୍ବାର: କଟକ ଚୌଦ୍ୱାର ବସ୍ କଣ୍ଡକ୍ଟର ନିଶ୍ଚଳ ପ୍ରଧାନ ମୃତ୍ୟୁ ମାମଲାର ବଡ ଖୁଲାସା । ଘଟଣାର ପର୍ଦ୍ଦାଫାସ୍ କରିଛି ପୋଲିସ । ନିଶ୍ଚିଳଙ୍କ ପତ୍ନୀ ଓ ପୁରୁଷ ବନ୍ଧୁ ଗିରଫ । ପରିକୀୟା ପ୍ରୀତିକୁ ନେଇ ନିଶ୍ଚଳଙ୍କ ପତ୍ନୀ ତାଙ୍କ ପୁରୁଷ ବନ୍ଧୁ ହତ୍ୟା କରିଥିବା କହିଛି ପୋଲିସ ।

ଯୋଜନା ପରେ ଉଭୟ ମିଶି ତାଙ୍କ ଦେହରେ ନିଆଁ ଲଗାଇ ପୋଡି ଦେଇଥିଲେ । ଡିସେମ୍ବର ୧ ତାରିଖରେ ଘଟିଥିଲା ଘଟଣା । ନିଶ୍ଚଳଙ୍କୁ ବିରାଟଗାଦି ନିକଟରେ ଥିବା ଡମ୍ପିଂ ୟାର୍ଡ ଭିତରୁ ଅର୍ଦ୍ଧଦଗ୍ଧ ଅବସ୍ଥାରେ ଉଦ୍ଧାର କରାଯାଇଥିଲା । ସ୍ଥାନୀୟ ଲୋକଙ୍କଠାରୁ ଖବର ପାଇ ଚୌଦ୍ବାର ଥାନା ପୋଲିସ ଘଟଣାସ୍ଥଳରେ ପହଁଚିବା ସହ ଗୁରୁତର ନିଶ୍ଚଳଙ୍କୁ ଏସସିବି ମେଡିକାଲରେ ନେଇଥିଲା । ଏସସିବିରେ ପହଁଚିବା ପରେ ତାଙ୍କର ମୃତ୍ୟୁ ଘଟିଥିଲା । ନିଶ୍ଚଳଙ୍କ ମୃତ୍ୟୁ ପରେ ଚୌଦ୍ବାର ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।