ଚିତ୍ତରଞ୍ଜନଙ୍କ ମୃତ୍ୟୁରୁ ପରଦା ହଟିବ କେବେ ?
ପୁରୀ: ସନ୍ଦେହ ଘେରରେ ଚିତ୍ତରଞ୍ଜନ ପଲେଇଙ୍କ ମୃତ୍ୟୁ । ତଦନ୍ତ ଜୋରଦାର କରି ବିଭିନ୍ନ ଦିଗକୁ ନେଇ ଖିଅ ଖୋଜୁଛି ପୋଲିସ । ପୁରୀ ଗଡମୃଗଶିରା ବ୍ରିଜ୍ ନିକଟ ନୂଆନଈ ପଠାରୁ ମୃତଦେହ ମିଳିବାକୁ ବିତି ଗଲାଣି ୨୪ ଘଣ୍ଟା ହେଲେ ଏବେ ବି ପୋଲିସ ହାତ ଖାଲି । ଜଗନ୍ନାଥ ଷଡ଼ଙ୍ଗୀଙ୍କ ସମେତ ୫ ଜଣଙ୍କୁ ଅଟକ ରଖି ପଚରାଉଚରା କରୁଛି ପୋଲିସ । ମାତ୍ର ଏବେ ବି ସସପେନ୍ସରେ ରହିଛି ମୃତ୍ୟୁ ମାମଲା । ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ତନଘନା କରୁଛି ।
ନୂଆନଈ ପଠାରୁ ଚିତ୍ତରଞ୍ଜନଙ୍କ ମୃତଦେହ ମିଳିବା ପରେ, ମାମଲାରେ ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷଙ୍କ ସଂପୃକ୍ତି ନେଇ ଜୋର ଧରିଥିଲା ଚର୍ଚ୍ଚା । ହେଲେ ଆଜି ଚର୍ଚ୍ଚାକୁ ବିରାମ ଦୋଇଛନ୍ତି ମୃତକଙ୍କ ପରିବାର । ସଞ୍ଜୟଙ୍କ ମୁଣ୍ଡରୁ କଳଙ୍କ ପୋଛିବା ସହ ନୀରପେକ୍ଷ ତଦନ୍ତ ଦାବି କରିଛନ୍ତି ପରିବାର ଲୋକେ । ସେପଟେ ମୃତକଙ୍କ ପରିବାରଙ୍କ ସହ ଆଲୋଚନା କରିବା ସହ ଘଟଣାରେ ତ୍ବରିତ କାର୍ଯ୍ୟାନୁଷ୍ଠାନ ଦାବି କରିଛନ୍ତି ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଂଜୟ ଦାସବର୍ମା ।
ସୂଚନାଯୋଗ୍ୟ, ଶନିବାର ରାତିରେ ସାଙ୍ଗ ଜଗନ୍ନାଥଙ୍କ ସହ ଭୋଜି କରିବାକୁ ଯାଇ ଆଉ ଫେରିନଥିଲେ ଚିତ୍ତରଞ୍ଜନ । ରବିବାର ଗଡମୃଗଶିରା ବ୍ରିଜ୍ ନିକଟରେ ରକ୍ତଛିଟା ଓ ତାଙ୍କ ଜୋତା, ମୋବାଇଲ ପଡିଥିବା ଦେଖି ବଢିଥିଲା ପୋଲିସ ସନ୍ଦେହ । ପରେ ସୋମବାର ସକାଳୁ ନୂଆନଈରୁ ଉଦ୍ଧାର ହୋଇଥିଲା ଚିତ୍ତରଞ୍ଜନଙ୍କ ମୃତଦେହ ।
