ବାଦୁଡ଼ିମାନଙ୍କଠାରୁ ଆହୁରି ୪ ପ୍ରକାରର ନୂଆ କରୋନା ଭାଇରସ !

1 min read

ନୂଆଦିଲ୍ଲୀ: କୋଭିଡ -19 ଉତ୍ପତ୍ତି ସଂପର୍କରେ ପୁଣି ଥରେ ଅନୁସନ୍ଧାନର ଦାବି ମଧ୍ୟରେ ଚୀନର ଗବେଷକମାନେ ଏକ ବଡ଼ ଦାବି କରିଛନ୍ତି। ସେ ବାଦୁଡ଼ିମାନଙ୍କରେ ନୂଆ ପ୍ରକାରର କରୋନା ଭାଇରସ ଚିହ୍ନଟ ହେବା ବିଷୟରେ କହିଛନ୍ତି। ସିଏନ୍ଏନ୍ ରିପୋର୍ଟ ଅନୁଯାୟୀ, ବାଦୁ଼ଡ଼ିମାନଙ୍କଠାରେ ମିଳୁଥିବା ନୂଆ କରୋନା ଭାଇରସରେ ଏକ ଏମିତି ଭାଇରସ ସାମିଲ ଅଛି ଯାହାକି ଆନୁବଂଶୀକ ରୂପରେ କୋଭିଡ୍ -19 ଦ୍ୱିତୀୟ ନିକଟବର୍ତ୍ତୀ ଭାଇରସ୍ ହୋଇପାରେ। ସେ କହିଛନ୍ତି ଯେ ଚୀନ୍ ଦକ୍ଷିଣପଶ୍ଚିମରେ ହୋଇଥିବା ଅନୁସନ୍ଧାନରୁ ଜଣାପଡିଛି ଯେ, ବାଦୁଡ଼ିମାନଙ୍କରେ କେତେ ପ୍ରକାରର କରୋନା ଭାଇରସ ଅଛନ୍ତି ଏବଂ ଏହା କେତେ ଲୋକଙ୍କଠାରେ ବ୍ୟାପିବାର କ୍ଷମତା ରଖିଛି।

ବାଦୁଡ଼ିମାନଙ୍କଠାରୁ ୪ଟି ନୂଆ କରୋନା ଭାଇରସ 

ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟରେ, ଶନଡାଙ୍ଗ ବିଶ୍ୱବିଦ୍ୟାଳୟର ଅନୁସନ୍ଧାନକାରୀମାନେ କହିଛନ୍ତି, “୨୩ ପ୍ରଜାତିର ବାଦୁଡ଼ିମାନଙ୍କଠାରୁ ଅନୁସନ୍ଧାନ ପାଇଁ ୪୧୧ ନମୁନା ସଂଗ୍ରହ କରାଯାଇଥିଲା। ଏହା ପରେ ବାଦୁଡ଼ିମାନଙ୍କ ମୂତ୍ର, ମଳ ଏବଂ ପାଟିରୁ ମିଳିଥିବା ନମୁନା ପରୀକ୍ଷା କରାଯାଇଥିଲା। ନମୁନାଗୁଡ଼ିକ ଛୋଟ ଛୋଟ ବାଦୁଡ଼ିମାନଙ୍କଠାରୁ ମେ ୨୦୧୯ ଏବଂ ନଭେମ୍ବର ୨୦୨୦ ମଧ୍ୟରେ ଏକତ୍ରିତ କରାଯାଇଥିଲା । ଏବଂ ଅନୁସନ୍ଧାନରୁ ଚାରିଟି ଭାଇରସ୍ SARS-CoV-2 ସହ ସମାନ ଥିବା ଜଣାପଡ଼ିଲା । ଚୀନର ଅନୁସନ୍ଧାନକାରୀଙ୍କ ଅନୁଯାୟୀ, ଭାଇରସମାନଙ୍କରୁ ଗୋଟିଏ ଆନୁବଂଶୀକ ରୂପରେ SARS-CoV-2 ଭାଇରସର ନିକଟତର ଥିଲା, ଯାହା ବର୍ତ୍ତମାନ କୋଭିଡ -19 ମହାମାରୀ ସୃଷ୍ଟି ହେବାର କାରଣ ପାଲଟିଛି ।

ଚୀନର ବୈଜ୍ଞାନିକମାନେ ଅନୁସନ୍ଧାନର ଦାବି କରିଛନ୍ତି

ସେ କହିଛନ୍ତି, ଏହି ସ୍ପାଇକ୍ ପ୍ରୋଟିନ୍ ଉପରେ ଆନୁବଂଶୀକ ବା ଜେନେଟିକ୍ ପାର୍ଥକ୍ୟ ବ୍ୟତୀତ ଏହା SARS-CoV-2 ର ସବୁଠୁ ଅଧିକ ନିକଟତମ ଷ୍ଟ୍ରେନ୍ ହୋଇପାରେ ଅନୁସନ୍ଧାନକାରୀମାନେ କହିଛନ୍ତି ଯେ ଜୁନ୍ ୨୦୨୦ରେ ଥାଇଲ୍ୟାଣ୍ଡରୁ ସଂଗୃହିତ SARS-CoV-2 ସମ୍ବନ୍ଧୀୟ ଭାଇରସ୍ ସହିତ, ଏହି ଫଳାଫଳଗୁଡିକ ସ୍ପଷ୍ଟ ଭାବରେ ସୂଚିତ କରେ ଯେ SARS-CoV-2 ସହ ଜଡିତ ଭାଇରସ୍ ବାଦୁଡ଼ିମାନଙ୍କ ଜନସଂଖ୍ୟାରେ ବିସ୍ତାରିତ ହେଉଛି ଏବଂ କିଛି ଅଞ୍ଚଳ ଅପେକ୍ଷାକୃତ ଏହା ଅଧିକ ହୋଇପାରେ । ଆମେରିକୀୟ ସଂଗଠନ ସେଣ୍ଟର ଫର ଡିଜିଜ ଏବଂ କଣ୍ଟ୍ରୋଲ ଅନୁଯାୟୀ, ଭାଇରସରେ କ୍ରମାଗତ ପରିବର୍ତ୍ତନ ହୋଇଥାଏ ଏବଂ ଭାଇରସର ନୂଆ ଭାରିଏଣ୍ଟ ହେବାର ଆଶଙ୍କା ମଧ୍ୟ ରହିଥାଏ । ବେଳେବେଳେ ନୂଆ ନୂଆ ଭାରିଏଣ୍ଟ ଉତ୍ପନ୍ନ ହୁଏ ଏବଂ ଅଦୃଶ୍ୟ ମଧ୍ୟ ହୋଇଯାଇଥାଏ ।

Opn Commnet Area

Leave a Reply

Your email address will not be published. Required fields are marked *

Close Bitnami banner