ଭାରତରେ ରହୁଥିବା ପାକିସ୍ତାନୀ ନାଗରିକଙ୍କୁ ଲିଭ-ଇଣ୍ଡିଆ ନୋଟିସକୁ ନେଇ ସୁପ୍ରିମକୋର୍ଟରେ ମାମଲା

ନନ୍ଦିଘୋଷ ବ୍ୟୁରୋ: ଭାରତରେ ରହୁଥିବା କିଛି ପାକିସ୍ତାନୀ ନାଗରିକଙ୍କୁ ଲିଭ-ଇଣ୍ଡିଆ ନୋଟିସକୁ ନେଇ ସୁପ୍ରିମକୋର୍ଟରେ ପହଁଚିଛି ମାମଲା । କାଶ୍ମୀରରେ ରହୁଥିବା ଏକ ପରିବାରର ଛଅ ଜଣ ସଦସ୍ୟଙ୍କୁ ନୋଟିସ ଦିଆଯାଇଛି । କିନ୍ତୁ ସେମାନଙ୍କରୁ କୋର୍ଟରେ ମାମଲା ଦାୟର କରିଥିବା ଓକିଲଙ୍କ କହିବା ଅନୁଯାୟୀ ସମ୍ପୃକ୍ତ ବ୍ୟକ୍ତିଙ୍କୁ ଭାରତୀୟ ପାର୍ସପୋର୍ଟ ମିଳିଛି । ସେମାନଙ୍କୁ ଆଧାର କାର୍ଡ ଓ ଭୋଟର ପରିଚୟପତ୍ର ବି ମିଳିଛି । ସେମାନଙ୍କ ମଧ୍ୟରୁ ଦୁଇ ଜଣ ବାଙ୍ଗାଲୋରରେ ଇଂଜିନିୟର ଭାବେ କାମ କରୁଛନ୍ତି । ଭାରତର ନାଗରିକ ଭାବେ ସେମାନଙ୍କ ପାଖରେ ସବୁ ପ୍ରକାର ଦସ୍ତବେଜ ଥିବା ବେଳେ ସେମାନଙ୍କୁ ଭାରତ ଛାଡିବାକୁ ନୋଟିସ ଜାରି କରାଯାଇଛି । ଏହି ପରିବାର ଏବେ ସୀମାରେ କୋର୍ଟ ନିର୍ଦ୍ଦେଶକୁ ଅପେକ୍ଷା କରିଥିବା କହିଛନ୍ତି ତାଙ୍କ ଓକିଲ କ୍ରାନ୍ତି କୁମାର। …