ହାଇଓ୍ୱା ସିକ୍ରେଟ ଚାମ୍ବରରୁ ୧୦ କୁଇଣ୍ଟାଲ ଗଞ୍ଜେଇ ଜବତ
1 min read
ଭୁବନେଶ୍ୱର: ରାଜ୍ୟ ବାହାରକୁ ଚାଲାଣ ହେଉଥିଲା ଗଞ୍ଜେଇ । କିନ୍ତୁ ବାଟରେ ମାଡ଼ି ବସିଲା ଏସଟିଫ । ୧୬ ନମ୍ବର ଜାତୀୟ ରାଜପଥର ତମାଣ୍ଡୋ ନିକଟରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ୧୬ ନମ୍ବର ଜାତୀୟ ରାଜପଥର ତମାଣ୍ଡୋରେ ବେଆଇନ ଗଞ୍ଜେଇ ଚାଲାଣ ଖବର ପାଇ ଚଢ଼ାଉ କରିଥିଲା ଏସଟିଏଫ । ୧୦ କୁଇଣ୍ଟାଲ ଗଞ୍ଜେଇ ଜବତ କରିଛି STF । ହାଇଓ୍ୱାରେ ସିକ୍ରେଟ୍ ଚାମ୍ବର କରି ଚାଲାଣ କରୁଥିଲେ ଗଞ୍ଜେଇ । ଝାଡ଼ଖଣ୍ଡ କିମ୍ବା ବିହାରକୁ ଚୋରାଚାଲାଣ ହେଉଥିଲା ଗଞ୍ଜେଇ ।
ଗଞ୍ଜେଇ ଚୋରା ଚାଲାଣ ଅଭିଯୋଗରେ ଜଣେ ଅଭିଯୁକ୍ତ ରାଜେଶ ସିଂହକୁ ଗିରଫ କରିଛି STF । ୨୦୨୦ରୁ ଏ ପର୍ଯ୍ୟନ୍ତ ୫୨ କେଜି ବ୍ରାଉନସୁଗାର, ୨୦୨ ଗ୍ରାମ କୋକେନ୍, ୧୦୩ କୁଇଣ୍ଟାଲ ଗଞ୍ଜେଇ, ୭୫୦ ଗ୍ରାମ ଓପିଅମ ଜବତ କଲାଣି ଏସଟିଏପ୍ । ଏହାସହ ୧୪୬ ଡ୍ରଗ୍ସ ପେଡଲରଙ୍କୁ କାବୁ କରିବାରେ ସଫଳ ହୋଇଛି ଏସଟିଏଫ୍ ।
