ସାପ ଭଳି ମଣିଷ ଶରୀରରେ ଅଛି ବିଷ

ନୂଆଦିଲ୍ଲୀ:   ମଣିଷ ଶରୀରରେ ବିଷ! ତାହା ମଧ୍ୟ ସାପ ଭଳି । କେତେ ଅଜବ ଲାଗୁଛି ନା ଏହି କଥା? କିନ୍ତୁ ଏହା ସତ । ମଣିଷ ଶରୀରରେ ରହିଛି ବିଷ ସୃଷ୍ଟି କରୁଥିବା ଟୁଲକିଟ୍‌। ଯାହାର ଖୁଲାସା କରିଛନ୍ତି ଜାପାନର ବୈଜ୍ଞାନିକ । ବୈଜ୍ଞାନିକଙ୍କ ଅନୁସାରେ କେବଳ ମଣିଷ ନୁହଁନ୍ତି ବରଂ ଅନ୍ୟ କେତେକ ସ୍ତନ୍ୟପାୟୀ ଜୀବଙ୍କ ନିକଟରେ ମଧ୍ୟ ବିଷ ସୃଷ୍ଟି କରିପାରିବାର କ୍ଷମତା ରହିଛି । ଖାଲି ସେତିକି ନୁହେଁ ଆଶ୍ଚର୍ଯ୍ୟର କଥା ହେଉଛି ଜାପାନର ବୈଜ୍ଞାନିକ ମଣିଷକୁ ସବୁଠାରୁ ବିଷାକ୍ତ ସାପ ର୍ୟାଟଲ ସ୍ନେକ୍‌ଏବଂ ସବୁଠାରୁ ବିଷାକ୍ତ ସ୍ତନ୍ୟପାୟୀ ଡକାବିଲ ଏବଂ ପ୍ଲାଟିପସ ସହିତ ତୁଳନା କରିଛନ୍ତି । ଏହା ମଣିଷର ପ୍ଲେକ୍ସିବଲ ଜିନ୍ ହେତୁ ହୋଇଥାଏ ବୋଲି କହିଛନ୍ତି ବୈଜ୍ଞାନିକ । ଏହି ଜିନ୍‌ଲାଳଗ୍ରନ୍ଥିକୁ ବିଷାକ୍ତ ଏବଂ ଅଣବିଷାକ୍ତ ଜୀବ ଅନୁସାରେ ବିକଶିତ କରିଥାଏ ।

ଜାପାନର ଓକିନାବା ଇଂଷ୍ଟିଚ୍ୟୁଟ୍‌ଅଫ୍‌ସାଇନ୍ସ ଆଣ୍ଡ୍‌ଟେକ୍ନୋଲୋଜିରେ ଏହି ଗେବଷଣାର କୋ-ରାଇଟର ଏବଂ ରିସର୍ଚର ଅଗ୍ନିଶ ବରୁଆଙ୍କ କହିବା ହେଉଛି ଆନିମଲ କିଙ୍ଗଡମରେ ଜିନ୍‌ର ପ୍ରଭାବ ହେତୁ ଲାଳଗ୍ରନ୍ଥି ୧୦୦ରୁ ଅଧିକ ଥର ବିକଶିତ ହୋଇଥାଏ ଏବଂ ଆବଶ୍ୟକ ସମୟରେ ଏଥିରେ ପରିବର୍ତ୍ତନ ଆସିଥାଏ । ବୈଜ୍ଞାନିକଙ୍କ ଅନୁସାରେ ମଣିଷ ମଧ୍ୟ ସେହି ସ୍ତରର ବିଷ ସୃଷ୍ଟି କରିପାରିବ । ବୁଢିଆଣୀ,ସାପ ଏବଂ ଗେଣ୍ଡା ଆଦିରେ ଆବଶ୍ୟକ ଅନୁସାରେ ବିଷ ସୃଷ୍ଟି ହୋଇଥାଏ ।

ଗୋଟିଏ ପଟେ ଲାଳଗ୍ରନ୍ଥିରେ ବିଷ ବିକଶିତ ବା ପରିବର୍ତ୍ତନ ହେଉଥିବା ବେଳେ ମାଙ୍କଡ଼ ଭଳି ଜୀବ ମୁହଁରେ ବିଷଗ୍ରନ୍ଥି ଅଛି ଏବଂ ଏହି ବିଷ ଲାଳଗ୍ରନ୍ଥିର ବିକାଶ ପ୍ରକ୍ରିୟାର ଫଳାଫଳ ବୋଲି କହିଛନ୍ତି ଅଗ୍ନିଶ୍‌। କିନ୍ତୁ ଏହା ପଛରେ ମଲିକ୍ୟୁଲର ମେକାନିକ୍ସ କାମ କରେ ବୋଲି ବୈଜ୍ଞାନିକ ଖୁଲାସା କରିଛନ୍ତି । ତେବେ ବିଷାକ୍ତତା କୌଣସି ଜୀବ ଶରୀରରେ ମଧ୍ୟ ବିକଶିତ ହୋଇପାରେ । ଯାହା କେତେକ ଜଟିଳ ରାସାୟନିକ ପଦାର୍ଥର ସମ୍ମିଶ୍ରଣ । କିନ୍ତୁ ଏହି ଗବେଷଣାର ଅନ୍ୟ ଜଣେ ରିସର୍ଚର ଆଲେକଜାଣ୍ଡର ମିଖେୟବଙ୍କ ଅନୁସାରେ ମଣିଷ ସମେତ କେତେକ ଜୀବଙ୍କ ମଧ୍ୟରେ ଏକ ହାଉସକିପିଂ ଜିନ୍ ଥାଏ । ଏହା ଶରୀରରେ ବିଷାକ୍ତ ପଦାର୍ଥ ସୃଷ୍ଟି ତ କରେ କିନ୍ତୁ ତାହାକୁ ବିଷ ହେବାକୁ ଦିଏନାହିଁ ।

ମଣିଷ ଶରୀରରେ ସାପ ଭଳି ବିଷ ତିଆରି କରିବାର କ୍ଷମତା ଥିବା ଜାଣିବା ପାଇଁ ବୈଜ୍ଞାନିକ ତାଇବାନ ହାବୁ ନାମକ ସାପକୁ ଗବେଷଣାରେ ସାମିଲ କରିଥିଲେ । ଗବେଷଣା ପରେ ବିଷ ସୃଷ୍ଟି କରୁଥିବା ଏକାଧିକ ଜିନ୍ସ ବିଷୟରେ ଜାଣିବାକୁ ପାଇଲେ ବୈଜ୍ଞାନିକ । ଏହା ସହିତ ବିଶ୍ୱର ପ୍ରାୟ ଏକାଧିକ ଜୀବଙ୍କ ଲାଳରେ କେଲିକ୍ରେନ୍ସ ଥାଏ, ଯାହା ମଣିଷ ଶରୀରରେ ଯଦିଓ ପରିବର୍ତ୍ତନ ହୋଇନଥାଏ, ତଥାପି ସାପଭଳି ଜୀବଙ୍କ ଶରୀରରେ ଏହାର ପରିବର୍ତ୍ତନ ହୋଇଥାଏ । ଯାହା ଖୁବ୍‌କଷ୍ଟଦାୟକ ଏବଂ ସାଂଘାତିକ ବିଷ ସୃଷ୍ଟି କରିବାର ସିଷ୍ଟମକୁ ବିକଶିତ କରିଥାଏ । କିନ୍ତୁ ଏହା ବିଶ୍ୱର ପ୍ରାୟ ଜୀବଙ୍କ ନିକଟରେ ଥାଏ । ଯାହା ଏକ ଖାସ୍‌ସକ୍ରିୟ ଏନଜାଇମ । ଏହା ଏଭଳି ଏକ ପ୍ରୋଟିନ ଯାହା ସାପ ଭଳି ମଣିଷ ଶରୀରରେ ବିଷ ସୃଷ୍ଟି କରିପାରେ ।