ମେ’ ୩୧ରେ ବ୍ରଜରାଜନଗର ବିଧାନସଭା ଉପନିର୍ବାଚନ

1 min read

ଭୁବନେଶ୍ବର: ବାଜିଲା ବ୍ରଜଗରାଜନଗର ବିଧାନସଭା ଉପନିର୍ବାଚନ ବିଗୁଲ । ମେ’ ୩୧ ତାରିଖରେ ନିର୍ବାଚନ । ମେ’ ୪ରେ ପ୍ରକାଶ ପାଇବ ବିଜ୍ଞାପନ । ସେହି ଦିନଠାରୁ ଆଦର୍ଶ ଆଚରଣ ବିଧି ଲାଗୁ ହେବ । ମେ’ ୪ରୁ ୧୧ ତାରିଖ ପର୍ଯ୍ୟନ୍ତ ନାମାଙ୍କନପତ୍ର ଦାଖଲ । ୧୨ରେ ଯାଞ୍ଚ ଓ ୧୬ରେ ପ୍ରାର୍ଥିପତ୍ର ପ୍ରତ୍ୟାହାର । ଜୁନ ୩ ତାରିଖରେ ଭୋଟ ଗଣତି ।

ବ୍ରଜରାଜନଗର ବିଜେଡି ବିଧାୟକ କିଶୋର ମହାନ୍ତିଙ୍କର ଗତବର୍ଷ ଡିସେମ୍ବର ୩୧ରେ ପରଲୋକ ପରଠାରୁ ଆସନ ଖାଲି ପଡ଼ିଛି । ନିର୍ବାଚନ ତାରିଖ ଘୋଷଣା ପରେ ରାଜେନୖତିକ ମହଲରେ ତତ୍ପରତା ଦେଖାଦେଇଛି । ଶାସକ ବିଜେଡି ଆସନଟିକୁ ନିଜ ହାତରେ ରଖିବା ପାଇଁ ରଣନୀତି ଆଗୁଆ ପ୍ରସ୍ତୁତ କରିଥିବା ବେଳେ ବିରୋଧୀ ବିଜେପି ଓ କଂଗ୍ରେସ ମଧ୍ୟ ପଛରେ ପଡି ନାହାନ୍ତି । ତାରିଖ ଘୋଷଣା ପରେ ତିନ ଦଳର ପ୍ରାର୍ଥୀ ଖୁବ୍ ଶୀଘ୍ର ଘୋଷଣା ହେବାର ସମ୍ଭାବନା ରହିଛି ।

ଏହାସହ କେରଳର ଥ୍ରୀକ୍କାକରା ଏବଂ ଉତ୍ତରାଖଣ୍ଡର ଚମ୍ପାଓ୍ବତରେ ସମାନ ତାରିଖରେ ଉପନିର୍ବାଚନ ହେବ । ଉତ୍ତରାଖଣ୍ଡରେ ନାମାଙ୍କନପତ୍ର ପ୍ରତ୍ୟାହାର ତାରିଖ ମେ’ ୧୭ ବଦଳରେ ମେ’ ୧୭ ରଖାଯାଇଛି । କାରଣ ମେ’ ୧୬ରେ ଉତ୍ତରାଖଣ୍ଡରେ ବୁଦ୍ଧ ପୂର୍ଣ୍ଣିମା ରହୁଛି ।

ତିନି ରାଜ୍ୟର ତିନି ବିଧାନସଭା ଆସନ ପାଇଁ କେନ୍ଦ୍ର ନିର୍ବାଚନ କମିଶନ ତାରିଖ ଘୋଷଣା କରିଛନ୍ତି ।

[DISPLAY_ULTIMATE_SOCIAL_ICONS]