ମାଲ୍ୟା, ନୀରବ ମୋଦୀଙ୍କୁ ଭାରତକୁ ହସ୍ତାନ୍ତର କରିବାକୁ ଚାହୁଁଛନ୍ତି ବୋରିସ

ନୂଆଦିଲ୍ଲୀ: ଭାରତ ଗସ୍ତରେ ଆସିଥିବା ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ ଜନସନ୍ ଆଜି ଏକ ବଡ଼ ବୟାନ୍ ଦେଇଛନ୍ତି । ଯେତେବେଳେ ତାଙ୍କୁ ପଳାତକ ନୀରବ ମୋଦୀ ଏବଂ ବିଜୟ ମାଲ୍ୟାଙ୍କୁ ନେଇ ପ୍ରଶ୍ନ ପଚରା ଯାଇଥିଲା, ସେ ଏହାର ଉତ୍ତର ରଖିଥିଲେ । ସେ କହିଥିଲେ ଯେ, ମୁଁ ଦୁହିଁଙ୍କୁ ଭାରତକୁ ହସ୍ଥାନ୍ତର କରିବାକୁ ଚାହୁଁଛି ।

ସେ କହିଥିଲେ ଯେ, ଆପଣ ଯେଉଁ ଦୁହିଁଙ୍କ କଥା କହୁଛନ୍ତି ଆମେ ତାଙ୍କୁ ଭାରତ ପଠେଇବାକୁ ଚାହୁଁଛୁ । ଆଇନ ନ ମାନି ଆମ ଦେଶରେ ଆଶ୍ରୟ ନେଇଥିବା ବ୍ୟକ୍ତିଙ୍କୁ ଆମେ କେବେବି ପ୍ରସୟ ଦେବୁନି । ବ୍ରିଟେନରେ କାମ କରୁଥିବା କିଛି ଖଲିସ୍ଥାନୀ ସଂଗଠନକୁ ମଧ୍ୟ ସନସନ ସ୍ପଷ୍ଟ କରିଛନ୍ତି । ତାଙ୍କ ତରଫରୁ ଏକ ଆତଙ୍କବାଦୀ ବିରୋଧୀ ଟାସ୍କ ଫୋର୍ସ ଗଠନ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ।

ରୁଷ-ୟୁକ୍ରେନ ଯୁଦ୍ଧ ଉପରେ ଜନସନ କହିଥିଲେ ଯେ, ଆଗାମୀ ସପ୍ତାହରେ ପୁଣିଥରେ କିଭରେ ବ୍ରିଟେନ ତରଫରୁ ଦୂତାବାସ ଖୋଲିଦିଆଯିବ । ଭାରତ ଗସ୍ତରେ ଆସି ତାଙ୍କର ସମ୍ପର୍କ ଆହୁରୀ ମଜବୁତ ହୋଇଛି ବୋଲି ସେ କହିଥିଲେ ।