ଅସୁରକ୍ଷିତ ମହିଳା: ନେତାଙ୍କୁ ସୁରକ୍ଷା ଯୋଗଇଦେବାକୁ ନେଇ ଟାର୍ଗେଟରେ ଯୋଗୀ ସରକାର
1 min read
ମୁମ୍ୱାଇ: ଉତ୍ତରପ୍ରଦେଶ ହାଥରସ ଓ ବଳରାମପୁରରେ ଯୁବତୀଙ୍କ ସହିତ ହୋଇଥିବା ବର୍ବରତା ପରେ ଏବେ ସାରା ଦେଶରେ ଯୋଗୀ ସରକାରଙ୍କୁ ନେଇ ଆକ୍ରୋଶ ଦେଖିବାକୁ ମିଳିଛି । ହାଥ୍ରସର ଦଳିତ ଯୁବତୀଙ୍କ ସହ ଦୁଷ୍କର୍ମ ଓ ହତ୍ୟା ଘଟଣାର ନେଇ ଲୋକଙ୍କ କ୍ରୋଧ ଥମିନଥିବା ବେଳେ ରାଜ୍ୟର ବଳରାମପୁର ଜିଲ୍ଲାରେ ହୋଇଥିବା ଘଟଣା ଦେଶବାସୀଙ୍କୁ ଦୋହଲାଇ ଦେଇଛି ।
ବଳରାମପୁର ଜିଲ୍ଲାରେ ୨୨ ବର୍ଷୀୟ ଯୁବତୀଙ୍କ ସହିତ ଗଣଦୁଷ୍କର୍ମ ପରେ ମୃତ୍ୟୁ ଘଟଣା ଲୋକଙ୍କୁ ଅଧିକ ବ୍ୟଥିତ କରିବା ସହ ମହିଳା ଓ ଯୁବତୀଙ୍କ ସୁରକ୍ଷା ନେଇ ଚିନ୍ତିତ କରିଛି । ନିକଟର ଭୋଜପୁରି ଅଭିନେତା ତଥା ସୁପରଷ୍ଟାର ରବି କିଷନଙ୍କୁ ଯୋଗୀ ସରକାରଙ୍କ ପକ୍ଷରୁ ଯୋଗାଇଦିଆଯାଇଥିବା ଓ୍ୱାଇ-ପ୍ଳସ୍ ସିକ୍ୟୁରିଟି ସୁରକ୍ଷା ନେଇ ଆକ୍ଷେପ କରିବା ସହ ସୋସିଆଲ ମିଡିଆରେ ଜୋରଦାର ପ୍ରତିକ୍ରିୟା ଦେଖିବାକୁ ମିଳିଛି ।
ସୂଚନା ଯୋଗ୍ୟ ଯେ, ଗତ କିଛି ଦିନ ତଳେ ରବି କିଷନ ବଲିଉଡର ଡ୍ରଗ୍ସ ଲିଙ୍କ ନେଇ ପ୍ରଶ୍ନ ଉଠାଇଥିଲେ । ଯାହାକୁ ନେଇ ସାଂସଦ ତଥା ବଲିଉଡର ବିଗତ ଦିନର ଅଭିନେତ୍ରୀ ଜୟା ବଚ୍ଚନ ଏହାକୁ ବିରୋଧ କରିଥିଲେ । କିଛି ଲୋକ ‘ଯେଉଁ ଥାଳିରେ ଖାଅନ୍ତି ସେହି ଥାଳିରେ ଛିଦ୍ର’ କରନ୍ତି । ରବି କିଷନ ନିଜ ପ୍ରତିକ୍ରିୟାରେ ଡ୍ରଗ୍ସ ନେଇ ପଡ଼ୋଶୀ ଦେଶ ପାକିସ୍ତାନ ଓ ନେପାଳକୁ ମଧ୍ୟ ଦାୟୀ କରିଥିଲେ । ରବି କିଷାନଙ୍କ ଏଭଳି ବୟାନ ପରେ ଉତ୍ତରପ୍ରଦେଶରେ ଯୋଗୀ ସରକାର ତାଙ୍କୁ ଓ୍ୱାଇ-ପ୍ଳସ୍ ସୁରକ୍ଷା ପ୍ରଦାନ କରିଥିଲେ । ଯାହାକୁ ନେଇ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କୁ ରବି କିଷନ ଟ୍ୱିଟ୍ କରି ଧନ୍ୟବାଦ ଜଣାଇଥିଲେ ।
काश यही सुरक्षा बेटीयो को भी मिल पाती
— James Choudhary (@JamesChoudhar12) October 1, 2020
ତେବେ ସମ୍ପ୍ରତି ଦୁଷ୍କର୍ମ ଘଟଣା ପରେ ରବି କିଷନଙ୍କୁ ଓ୍ୱାଇ-ପ୍ଳସ୍ ସୁରକ୍ଷା ଦିଆଯିବା ନେଇ ସୋସିଆଲ୍ ମିଡିଆରେ ସମାଲୋଚନାର ଶରବ୍ୟ ହୋଇଛନ୍ତି । ରବି କିଷନଙ୍କ ଟ୍ୱିଟ୍ ଉପରେ ପ୍ରତିକ୍ରିୟା ଦେଇ କିଛି ଟ୍ୱିଟର ବ୍ୟବହାରକାରୀ ପ୍ରଶ୍ନ କରିଛନ୍ତି ଯେ, ‘ଦେଶର ଝିଅଙ୍କୁ କେବେ ସୁରକ୍ଷା ଦିଆଯିବ, ଦେଶର ଝିଅଙ୍କୁ ମଧ୍ୟ ଏଭଳି ସୁରକ୍ଷା ଦିଆଯାଇଥିଲେ ଭଲ ହୁଅନ୍ତା’ ।
कुछ सुरक्षा बेटियों के लिए भी कर दे @ravikishann जी
गरीब को ना X Y Z सुरक्षा चाहिए, उन्हे बस कुछ समाज के हाईवान से सुरक्षा चाहिए
जरा समझे माँ बेटियों का दर्द#RIPManishaValmiki— Ravi Ranjan स्वच्छता सिपाही- सोच सिर्फ स्वच्छ देश। (@SwachhRavi) October 1, 2020
ସେହିଭଳି ଅନ୍ୟ ଜଣେ ଲେଖିଛନ୍ତି ଏଭଳି କିଛି ସୁରକ୍ଷା ଦେଶର ଗରିବ ଝିଅଙ୍କ ମଧ୍ୟ ଯୋଗାଇଥିଲେ ଭଲ ହୁଅନ୍ତା । ଅନ୍ୟ ଜଣେ ଟ୍ୱିଟର ବ୍ୟବହାରକାରୀ ଲେଖିଛନ୍ତି ସେମାନଙ୍କୁ x,y,z ସିକ୍ୟୁରିଟି ନୁହେଁ ବରଂ ସମାଜର କିଛି ପିସାଚଙ୍କ ଠାରୁ ସୁରକ୍ଷା ଆବଶ୍ୟକ ।
