କ୍ୟାରିୟର ଆରମ୍ଭରେ ଷ୍ଟୁଡିଓ ଚଟାଣ ସଫା କରୁଥିଲେ ରବିନା

ମୁମ୍ବାଇ: ନିକଟରେ ରିଲିଜ ହୋଇଥିବା ଫିଲ୍ମ KGF-2ରେ ଅଭିନୟ କରିଥିବା ପ୍ରତେକ ଚରିତ୍ରକୁ ନେଇ ଚର୍ଚ୍ଚା ହେଉଛି । ଏଥିରେ ଅଭିନୟ କରିଛନ୍ତି ୨ଜଣ ବଲିଉଡ୍ ସେଲିବ୍ରିଟି । ରବିନା ଟଣ୍ଡନ ଏବଂ ସଞ୍ଜୟ ଦତ୍ତଙ୍କ ଚରିତ୍ର ଏବଂ ଅଭିନୟକୁ ସିନେମା ପ୍ରେମୀ ଖୁବ୍ ପସନ୍ଦ କରିଛନ୍ତି ।

ଏବେ କିନ୍ତୁ ରବିନା ନିଜର ଏକ ପୂରୁଣା ଅନୁଭୁତି ସେୟାର କରିଛନ୍ତି । ସେ କହିଛନ୍ତି ଯେ, ମୋ କ୍ୟାରିୟର୍ ଆରମ୍ଭରେ ମୋତେ ଷ୍ଟୁଡିଓ ଚଟାଣ ସଫା କରିବାକୁ କୁହାଯାଉଥିଲା । ସେ ଅଭିନେତ୍ରୀ ହେବେ ବୋଲି କେବେ ଭାବି ନଥିଲେ ।

ସେ ଆହୁରୀ କହିଛନ୍ତି ଯେ, ମୋ କାମ ଥିଲା ଷ୍ଟୁଡିଓ ଏବଂ ଗାଧୁଆଘର ଚଟାଣରେ ପଡ଼ିଥିବା ଅଳିଆ ସଫା କରିବା । ସେତେବେଳେ ଲୋକେ କହୁଥିଲେ ତୁମେ କ୍ୟାମେରା ପଛରେ କ’ଣ କରୁଛ ତୁମକୁ ତ କ୍ୟାମେରା ଆଗରେ ରହିବାର ଅଛି । ମୁଁ ସେତେବେଳେ କହୁଥିଲି ନା ନା ମୁଁ ପୁଣି ଅଭିନେତ୍ରୀ । ସିନେମା ଜଗତରେ ମୁଁ ଡିଫଲ୍ଟ । ମୁଁ କେବେ ଭାବି ନଥିଲି ମୁଁ ଅଭିନେତ୍ରୀ ହେବି ବୋଲି ।

ଏଠାରେ ଆପଣଙ୍କୁ କହିରଖିବାକୁ ଚାହୁଁଛୁ ଯେ, ରବିନା ୧୯୯୧ରେ ରିଲିଜ ହୋଇଥିବା ଫିଲ୍ମ ‘ପଥର୍ କେ ଫୁଲ୍’ ମାଧ୍ୟମରେ ବଲିଉଡରେ ଡେବ୍ୟୁ କରିଥିଲେ । ସେବେଠୁ ଆଜି ଯାଏ ସେ ବଲିଉଡରେ ଲମ୍ବା କ୍ୟାରିୟର୍ କରିଛନ୍ତି । ଏବେ KGF-2ରେ ତାଙ୍କର ଅଭିନୟ ଚର୍ଚ୍ଚାର ବିଷୟ ହୋଇଛି ।