ନନ୍ଦିଘୋଷ ବ୍ୟୁରୋ: ବିସିସିଆଇ ପକ୍ଷରୁ ଘୋଷଣା ହୋଇଛି ନୂତନ କେନ୍ଦ୍ରୀୟ ଚୁକ୍ତିନାମା । ଏଥିରେ ୩୪ ଜଣ ଖେଳାଳି ସ୍ଥାନ ପାଇଛନ୍ତି । ଏଥିରେ ୭ ଜଣ ନୂଆ ମୁହଁ ରହିଛନ୍ତି । ସେପଟେ ୯ ଜଣ ଜଣ ଖେଳାଳି ସେମାନଙ୍କ ସେଣ୍ଟ୍ରାଲ କଣ୍ଟ୍ରାକ୍ଟ ବଜାୟ ରଖି ପାରିନାହାନ୍ତି । ଏଥି ମଧ୍ୟରେ ରହିଛନ୍ତି ଆରସିବିର ଓ୍ବିକେଟ କିପର ବ୍ୟାଟ୍ସମ୍ୟାନ ଜିତେଶ ଶର୍ମା । ତେବେ କାହିଁକି ତାଙ୍କ ସେଣ୍ଟ୍ରାଲ କଣ୍ଟ୍ରାକ୍ଟ କଟିଛି ଏହାକୁ ନେଇ ଚର୍ଚ୍ଚା ହେଉଛି । ତେବେ ସେ ଏକ ପ୍ରତିକ୍ରିୟାରେ କହିଥିଲେ କି, ମୋତେ ଏତେ ପରିଚୟ RCBରୁ ମିଳିଛି । ମୁଁ ଟିମ ଇଣ୍ଡିଆ ପାଇଁ ଖେଳିଛି କିନ୍ତୁ ଲୋକେ ମୋତେ ଆରସିବି ଦଳରୁ ଚିହ୍ନିଛନ୍ତି । ମୁଁ ଯେବେ ଘରୋଇ ମ୍ୟାଚ ଖେଳିବାକୁ ଯାଏ ମୋତେ ପ୍ରଶଂସକମାନେ ଆରସିବି କହି ଚିୟର ଅପ୍ କରନ୍ତି । ଯାହାକି ବେଶ ଖୁସି ଦିଏ ଆଉ ଲାଗେ କି, ଏତେ ବଡ଼ ଟିମର ସଦସ୍ୟ ହେବାର ସୌଭାଗ୍ୟ ପାଇଛି ।
ଗତଥର ଜିତେଶ ଶର୍ମା ଗ୍ରେଡ୍ ସିରେ ସ୍ଥାନ ପାଇଥିଲେ । କିନ୍ତୁ ଗତବର୍ଷ ସେ ଗୋଟିଏ ବି ମ୍ୟାଚ ଖେଳିବାର ସୁଯୋଗ ପାଇନଥିଲେ । ଯେଉଁ କାରଣ ଚଳିତ ବର୍ଷ ତାଙ୍କର କେନ୍ଦ୍ରୀୟ ଚୁକ୍ତିନାମାରୁ ନାମ କଟିଛି ବୋଲି କୁହାଯାଉଛି । ଅନ୍ୟପଟେ ଆରସିବି ପକ୍ଷରୁ ଏକ ଭିଡିଓ ପୋଷ୍ଟ କରାଯାଇଛି । ସେଉଁଥିରେ ଜିତେଶ ଏଭଳି ନିଜର ପ୍ରତିକ୍ରିୟା ରଖିଥିଲେ । ଯେଉଁଥିପାଇଁ ବିସିସିଆଇ କ୍ଷୁବ୍ଧ ହୋଇ ଏଭଳି ନିଷ୍ପତ୍ତି ନେଇଥିବା ମଧ୍ୟ ଚର୍ଚ୍ଚା ହେଉଛି ।
