ଲିଭଇନ୍ ରିଲେସନରୁ ଲୋଭ । ଚରିତ୍ର ସନ୍ଦେହରୁ ବୟଫ୍ରେଣ୍ଡକୁ ଟାର୍ଗେଟ୍ । ସୁପାରୀ ଦେଇଥିଲା ସୈତାନ ଗାର୍ଲଫ୍ରେଣ୍ଡ । କିଡନାପ୍ କେସରେ କ୍ଳାଇମାକ୍ସ ଆଣିଲା ସ୍ପେଶାଲ ସ୍କ୍ବାଡ । ୩୧ ତାରିଖ ରାତି ପ୍ରାୟ ୧୦ଟା । ଭାଇ ସୋମନାଥ ସ୍ୱାଇଁଙ୍କ ଅପହରଣ ନେଇ ଖାରବେଳନଗର ଥାନାରେ ଅଭିଯୋଗ ଆଣିଥିଲେ ତାଙ୍କ ସମ୍ପର୍କୀୟ ଭଉଣୀ । ଅପହରଣକାରୀ ମୁଣ୍ଡଜାମିନ ରଖି ୧୦ ଲକ୍ଷ ଟଙ୍କା ଦାବି କରୁଥିବା ପୋଲିସ ଆଗରେ ଜଣାଇଥିଲେ । ଭୁବନେଶ୍ୱର ଡିସିପି ଜଗମୋହନ ମିନାଙ୍କ ନିର୍ଦ୍ଦେଶକ୍ରମେ ଗଠନ ହୋଇଥିଲା ୩ ଟି ଟିମ । ସ୍ପେଶାଲ ସ୍କ୍ବାଡ ଏସିପି ହିମାଂଶୁ ସ୍ୱାଇଁ, ଜଟଣୀ IIC ଓ ଖାରବେଳନଗର IIC ଆରମ୍ଭ କରିଥିଲେ ଅପରେସନ । ପୀଡିତଙ୍କ ମୋବାଇଲ ନମ୍ବର ଲୋକେସନ, ହ୍ୟୁମାନ ଇଣ୍ଟେଲିଜେନ୍ସ , କ୍ୟାମେରା ସର୍ଭେଲାନ୍ସ ଓ ଏତଲାକାରୀଙ୍କ ଠାରୁ ମିଳିଥିବା ତଥ୍ୟକୁ ଆଧାର କରି ମାଷ୍ଟରମାଇଣ୍ଡ ପ୍ରେମିକା ପ୍ରାପ୍ତି ଶର୍ମା, ରାକେଶ ଚନ୍ଦ୍ର ବାରିକ, ଶ୍ୟାମସୁନ୍ଦର ସାହୁ, ଶିବରାମ ବେହେରା ଓ ଆକାଶ କୁମାର ପରିଡାଙ୍କୁ ଗିରଫ କରାଯାଇଛି । ସେମାନଙ୍କ ଠାରୁ ୨ ଟି କାର, ୮ଟି ମୋବାଇଲ ଫୋନ ଜବତ କରାଯାଇଛି ।

ତଦନ୍ତ ବେଳେ ପୂରା ଅପହରଣ କେସରେ ଜାମସେଦପୁର ର ଗାର୍ଲଫ୍ରେଣ୍ଡ ପ୍ରାପ୍ତି ମୁଖ୍ୟ ଅଭିଯୁକ୍ତ ବୋଲି ଜାଣିବାକୁ ପାଇଛି ପୋଲିସ । ଯୁବକଙ୍କ ସହ ପ୍ରାପ୍ତି ଦୁଇ ବର୍ଷ ହେଲା ଲିଭ ଇନରେ ରହୁଥିଲେ । ଗତ ୩୦ ତାରିଖରେ ପ୍ରାପ୍ତିଙ୍କ ଚରିତ୍ର ସନ୍ଦେହ କରିବାକୁ ନେଇ ଗଣ୍ଡଗୋଳ କରିଥିଲେ ପୀଡିତ ଜଣଙ୍କ । ଏହାପରେ ପ୍ରତିଶୋଧ ପରାୟଣ ହୋଇ ଉତ୍ତ୍ୟକ୍ତ ଅବସ୍ଥାରେ କିଡନାପରଙ୍କୁ ସୁପାରୀ ଦେଇଥିଲା ଯୁବତୀ ଜଣଙ୍କ । ୧୦ ଲକ୍ଷ ନଦେଲେ ଜୀବନରୁ ମାରିଦେବାକୁ ଧମକ ଦେବା ସହିତ ଗାର୍ଲଫ୍ରେଣ୍ଡ ସାମ୍ନାରେ ମାଡ଼ ମାରିଥିଲେ ଅଭିଯୁକ୍ତ ମାନେ । ଏପରିକି ପୀଡିତଙ୍କୁ ଅତି ନିର୍ମମ ଭାବେ ବସ୍ ଉଠ ମଧ୍ୟ କରିଥିଲେ । ପ୍ରେମରୁ ପ୍ରତାରଣା । ଆଉ ପ୍ରତାରଣା ପରେ ଅପହରଣ । ଅପରାଧୀ ଯେତେ ଚାଲାକ ହେଲେ ମଧ୍ୟ ପୋଲିସର ହାତ ଲମ୍ବା ବୋଲି ଆଜିର ଘଟଣାରେ ପ୍ରମାଣ କରିଛି କମିଶନରେଟ ପୋଲିସ ।