spot_img
Home Blog Page 893

ସମ୍ବଲପୁର ଗସ୍ତରେ ପୋଲିସ ଡିଜି ୱାଇବି ଖୁରାନିଆ: ୫ ଜିଲ୍ଲାର ଏସପିଙ୍କ ସହ କରିବେ ଆଲୋଚନା

ସମ୍ବଲପୁର: ସମ୍ବଲପୁର ଗସ୍ତରେ ପୋଲିସ ଡିଜି ୱାଇବି ଖୁରାନିଆ  । ହନୁମାନ ଜୟନ୍ତୀ ପାଇଁ ପ୍ରସ୍ତୁତି ନେଇ କରିବେ ଆଲୋଚନା। ହନୁମାନ ଜୟନ୍ତୀ ସମନ୍ୱୟ ସମିତି ସହ କରିବେ ଆଲୋଚନା। ଏହାସହ ୫ ଜିଲ୍ଲାର ଏସପିଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ତେବେ ସମ୍ବଲପୁରରେ ପହଞ୍ଚିବା ପରେ ପ୍ରଥମେ ମା’ ସମଲେଶ୍ଵରୀଙ୍କ ଦର୍ଶନ କରିଛନ୍ତି ପୋଲିସ ଡିଜି। ପରେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବାର କାର୍ଯ୍ୟକ୍ରମ ରହିଛି।

ତାଳଚେରରେ କୁଖ୍ୟାତ ଅପରାଧୀକୁ ଏନକାଉଣ୍ଟର: ବାମ ଗୋଡ଼ରେ ଗୁଳି ବାଜି ଅପରାଧୀ ଗୁରୁତର

ତାଳେଚର: ତାଳଚେର ପୋଲିସର ଏନକାଉଣ୍ଟର। ଏନକାଉଣ୍ଟରରେ କୁଖ୍ୟାତ ଅପରାଧି ସୁଶାନ୍ତ ନାୟକ ଗୁରୁତର। ତାଳବେଡା ଜଙ୍ଗଲରେ ପୋଲିସର ଏନକାଉଣ୍ଟର। ଅପରାଧି ସୁଶାନ୍ତର ବାମ ଗୋଡ଼ରେ ବାଜିଛି ଗୁଳି। ଗୁରୁତର ଅବସ୍ଥାରେ ଅନୁଗୁଳ ସରକାରୀ ମେଡ଼ିକାଲରେ ଭର୍ତ୍ତି କରାଯାଇଛି। ଗୁଳିକରି ପଳାଉଥିବାବେଳେ ପୋଲିସ ପାଲଟା ଗୁଳି ଚଳାଇଥିଲା। ସୁଶାନ୍ତ ନାଁରେ ତାଳଚେର ସମେତ ବିଭିନ୍ନ ଥାନାରେ ମାମଲା ରହିଛି। ପୋଲିସ ଉପରକୁ ତିନି ରାଉଣ୍ଡ ଫାୟରିଂ କରିଥିବା ସୂଚନା। ସୁଶାନ୍ତଙ୍କ ସହ ଜଙ୍ଗଲରେ ଆଉ ଜଣଙ୍କୁ ଗିରଫ କରିଛି ପୋଲିସ।

୩ଟି ଓ୍ବିକେଟ ନେଇ ଏକ୍ସ-ଫ୍ୟାକ୍ଟର ସାଜିଲେ ମହମ୍ମଦ ସିରାଜ: ଗୁଜରାଟ ଠାରୁ ପ୍ରତିଶୋଧ ନେଲା ବେଙ୍ଗାଲୁରୁ

ମହମ୍ମଦ ସିରାଜ ଦୀର୍ଘସମୟ ଧରି ଆପିଏଲରେ ରୟାଲ ଚାଲେଞ୍ଜର୍ସ ବେଙ୍ଗାଲୁରୁ (ଆରସିବି) ସହ ଜଡ଼ିତ ରହିଛନ୍ତି । ତେବେ ଏପ୍ରିଲ ୨ରେ ସିରାଜ ୩ଟି ଓ୍ବିକେଟ ନେବା ସହ ଆରସିବି ବିଜୟରେ ଏକ୍ସ ଫ୍ୟାକ୍ଟର ସାଜିଥିଲେ । ଏହିକ୍ରମରେ ଗୁଜରାଟ ଟାଇଟନ୍ସ ବିପକ୍ଷରେ ଆରସିବି ପ୍ରତିଶୋଧ ନେଇପାରିଛି । ଏହି ମ୍ୟାଚ ଏଥିପାଇଁ ମଧ୍ୟ ଗୁରୁତ୍ବପୂର୍ଣ୍ଣ ଥିଲା ଯେ, ସିରାଜ ପୂର୍ବରୁ ଗୁଜରାଟର ଅଂଶ ଥିଲେ । ସିରାଜ ନିଜ ବୋଲିଂରେ ଦେବଦତ୍ତ ପାଡିକଲ (୪), ଫିଲ ସଲ୍ଟ (୧୪) ଓ ଲିଆମ ଲିଭିଂଷ୍ଟୋନ (୫୪)ଙ୍କୁ ଆଉଟ୍‌ କରି ଟିମର ବିଜୟରେ ବଡ଼  ଭୂମିକା ନିର୍ବାହ କରିଥିଲେ । ସିରାଜ ୪ ଓଭର ବୋଲିଂ କରି ୧୯ ରନ୍ ଦେଇ ୩ଟି ବଡ଼ ଓ୍ବିକେଟର ପତ୍ତନ ଘଟାଇଥିଲେ । ଏହି କମାଲ କାରଣରୁ ତାଙ୍କୁ ’ପ୍ଲେୟାର ଅଫ୍ ଦି ମ୍ୟାଚ’ ବିବେଚିତ କରାଯାଇଥିଲା ।

ଉକ୍ତ ମ୍ୟାଚରେ ଆରସିବି ପ୍ରଥମେ ବ୍ୟାଟିଂ କରି ୮ ଓ୍ବିକେଟ ହରାଇ ୧୬୯ ରନ୍ ସଂଗ୍ରହ କରିଥିଲା । ଦଳ ପକ୍ଷରୁ ଲିଭିଂଷ୍ଟୋନ ସର୍ବାଧିକ ୫୪ ରନ୍ ସଂଗ୍ରହ କରିଥିଲେ । ଗୁଜରାଟ ତରଫରୁ ସାଇ କିଶୋର ୨ଟି ଓ୍ବିକେଟ ନେଇଥିଲେ । ଜବାବରେ ଗୁଜରାଟ ୧୭.୫ ଓଭରରେ ୨ଟି ଓ୍ବିକେଟ ହରାଇ ୧୭୦ ରନ୍ ସଂଗ୍ରହ କରିନେଇଥିଲା । ଜୋସ ବଟଲର ସର୍ବାଧିକ ୭୩ ରନ୍ ସଂଗ୍ରହ କରି ଅପରାଜିତ ଥିଲେ । ସାଇ ସୁଧାରସନ ୪୯ ରନ୍ କରିଥିଲେ । ଗୁଜରାଟ ତରଫରୁ ଭୁବନେଶ୍ବର କୁମାର ଓ ଜୋଶ ହାଜଲେଉଡ ଗୋଟିଏ ଲେଖାଏଁ ଓ୍ବିକେଟ ଅକ୍ତିଆର କରିଥିଲେ ।

ରେଭେନ୍ସା ବିଶ୍ବବିଦ୍ୟାଳୟରେ ଅଣଛାତ୍ର ପ୍ରବେଶ ଅଭିଯୋଗ : କୁଳପତିଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ

ନନ୍ଦିଘୋଷ ବ୍ୟୁରୋ: ରେଭେନ୍ସା ବିଶ୍ବବିଦ୍ୟାଳୟରେ ଅଣଛାତ୍ର ପ୍ରବେଶ ଅଭିଯୋଗରେ କୁଳପତିଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନରେ ବସିଛନ୍ତି ଛାତ୍ର। ରେଭେନ୍ସା ବିଶ୍ବବିଦ୍ୟାଳୟରେ ଭିତରେ ବିଭିନ୍ନ ସମୟରେ ଅଣଛାତ୍ର ପ୍ରବେଶ କରି ବିଶୃଙ୍ଖଳା ସୃଷ୍ଟି କରିବା ସହ ଛାତ୍ର ମାନଙ୍କୁ ଆକ୍ରମଣ କରୁଥିବା ଅଭିଯୋଗ କରିଛନ୍ତି। ତୁରନ୍ତ ବିଶୃଙ୍ଖଳା କରୁଥିବା ଓ ମାଡ଼ ମାରିଥିବା ଅଣ ଛାତ୍ର ମାନଙ୍କୁ ଗିରଫ କରିବାକୁ ସେମାନେ ଦାବି କରିଛନ୍ତି । ଗିରଫ ନ କରାଯିବା ପର୍ଯ୍ୟନ୍ତ ଆମରଣ ଅନଶନ ଜାରି ରହିବ ବୋଲି କହିଛନ୍ତି ପ୍ରତିବାଦ କରୁଥିବା ଛାତ୍ର।

ବିଧାନସଭାରେ ପାରିତ ହେଲା ରାଜ୍ୟ ରାଜପଥ ପ୍ରାଧିକରଣ ବିଲ ୨୦୨୫

ନନ୍ଦିଘୋଷ ବ୍ୟୁରୋ: ବିଧାନସଭାରେ ପାରିତ ହୋଇଛି ରାଜ୍ୟ ରାଜପଥ ପ୍ରାଧିକରଣ ବିଲ ୨୦୨୫। ହି ବିଲର ଉଦ୍ଦେଶ୍ୟ ହେଉଛି ରାଜ୍ୟର ବିଭିନ୍ନ କ୍ଷେତ୍ରରେ ସ୍ଥାୟୀ ବିକାଶ ନିମନ୍ତେ ସବୁଦିନିଆ ସଡ଼କ ନିର୍ମାଣ ଏବଂ ରକ୍ଷଣାବେକ୍ଷଣ।ସରକାର ସମଗ୍ର ରାଜ୍ୟରେ ୭୫ ହଜାର କିଲୋମିଟର ସଡ଼କକୁ ବିଶ୍ୱସ୍ତରୀୟ ରୋଡ଼ ନେଟୱାର୍କ ଭାବେ ବିକଶିତ କରିବା ପାଇଁ ପରିକଳ୍ପନା କରିଛନ୍ତି। ରାଜ୍ୟର ରୋଡ଼ ନେଟୱର୍କର ବିକାଶକୁ ତ୍ବରାନ୍ବିତ କରିବା ପାଇଁ ଜମି ଅଧିଗ୍ରହଣ, ପୁନର୍ବାସ ଓ ଥଇଥାନ, ପରିବେଶ ଓ ଜଙ୍ଗଲ ଜମି ମଞ୍ଜୁରୀ, କେବୁଲ ଓ ପାଇପ୍ ଲାଇନ୍ ସ୍ଥାନାନ୍ତରଣ, ଟ୍ରାଫିକ ନିୟନ୍ତ୍ରଣ, ସଡ଼କ ସୁରକ୍ଷା, ଜବରଦଖଲ ନିୟନ୍ତ୍ରଣ ଏବଂ ରାଜପଥର ସଠିକ୍ ପରିଚାଳନା ଆବଶ୍ୟକ। ରାଜ୍ୟରେ ଦକ୍ଷ ଏବଂ ସୁରକ୍ଷିତ ସଡ଼କ ଭିଭିଭୂମିର ପ୍ରଭାବୀ ପରିଚାଳନା, ଯୋଜନା, ବିକାଶ ଓ ରକ୍ଷଣାବେକ୍ଷଣ ନିମନ୍ତେ ଓଡ଼ିଶା ରାଜ୍ୟ ରାଜପଥ ପ୍ରାଧିକରଣ ନାମରେ ଏକ ସ୍ବୟଂଶାସିତ ସଂସ୍ଥା ଗଠନ କରିବାକୁ ସମୀଚିତ ବୋଲି ବିବେଚନା କରାଯାଉଛି।

ବିଧାନସଭାକୁ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ମୁଲତବି ଘୋଷଣା କରିଛନ୍ତି ବାଚସ୍ପତି

ନନ୍ଦିଘୋଷ ବ୍ୟୁରୋ: ବିଧାନସଭାକୁ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ମୁଲତବି ଘୋଷଣା କରିଛନ୍ତି ବାଚସ୍ପତି। ଶେଷ ହେଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ ତଥା ବଜେଟ ଅଧିବେଶନ। ତିନୋଟି କାର୍ଯ୍ୟ ଦିବସ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ବିଧାନସଭାକୁ ମୁଲତବୀ ଘୋଷଣା କଲେ ବାଚସ୍ପତି । ୨୮ ଟି କାର୍ଯ୍ୟ ଦିବସ ମଧ୍ୟରୁ ୨୫ ଟି କାର୍ଯ୍ୟ ଦିବସ ଚାଲିଥିଲା । ଆଗକୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ନଥିବାରୁ ବିଧାନସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ଘୋଷଣା କରିବା ଲାଗି ପ୍ରସ୍ତାବ ଆଣିଥିଲେ ସରକାରୀ ଦଳ ମୁଖ୍ୟ ସଚେତକ ଯାହାକୁ ସମର୍ଥନ କରିଥିଲେ ଏକାଧିକ ବିଧାୟକ। ପରେ ବାଚସ୍ପତି ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବି କରିଥିଲେ। ବିଶ୍ୱବିଦ୍ୟାଳୟ ସଂଶୋଧନ ବିଲ ୨୦୨୪ ଏବଂ ରାଜ୍ୟ ରାଜପଥ ପ୍ରାଧିକରଣ ବିଲ ୨୦୨୫ ବିଧାନସଭାରେ ପାରିତ ହୋଇଛି। ସେହିପରି ୨୦୨୫-୨୬ ଆର୍ଥିକ ବର୍ଷର ବଜେଟ ଗୃହରେ ପାରିତ ହୋଇଥିଲା ବେଶ ଘଟଣା ବହୁଳ ଥିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ । ପ୍ରଥମ ଥର ପାଇଁ ବିଧାନସଭା ଇତିହାସରେ ଗୃହରୁ ନିଲମ୍ବିତ ହୋଇଥିଲେ କଂଗ୍ରେସ ଦଳର ସମସ୍ତ ବିଧାୟକ । ଏହା ସହ ବିଶ୍ୱ ବିଦ୍ୟାଳୟ ସଂଶୋଧନ ବିଲ ଏବଂ ରାଜ୍ୟ ରାଜପଥ ପ୍ରାଧିକରଣ ବିଲ ଆଲୋଚନା ବେଳେ ରାତି ତମାମ ଚାଲିଥିଲା ବିଧାନସଭା । ବୁଧବାର ସକାଳ ୧୦.୩୦ ମିନିଟ ରେ ଆରମ୍ଭ ହୋଇ ଗୃହ ଗୁରୁବାର ସକାଳ 7 ଟା 5 ପର୍ଯ୍ୟନ୍ତ ଚାଲିଥିଲା ।

ବର୍ଷାରେ ଭିଜିଲା ଅଧା ଓଡିଶା: ତାପମାତ୍ରା ୧-୨ ଡିଗ୍ରୀ ହ୍ରାସ ନେଇ ପାଣିପାଗ ବିଭାଗର ପୂର୍ବାନୁମାନ

ଭୁବନେଶ୍ବର: ବର୍ଷାରେ ଭିଜିଲା ଅଧା ଓଡିଶା  । ତାତିରୁ ମିଳିଲା ମୁକ୍ତି  । ଆସନ୍ତା ୩ ଦିନ ଆଭ୍ୟନ୍ତରୀଣ ଓଡ଼ିଶାରେ ୧ ରୁ ୨ ଡିଗ୍ରୀ ତାପମାତ୍ରା କମିବା ନେଇ ପୂର୍ବାନୁମାନ କରିଛି ପାଣିପାଗ କେନ୍ଦ୍ର । ଆଜି ମାଲକାନଗିରି, କୋରାପୁଟ, ନବରଙ୍ଗପୁର, ନୂଆପଡା, କଳାହାଣ୍ଡି, କନ୍ଧମାଳ, ରାୟଗଡା, ବଲାଙ୍ଗୀର, ସୋନପୁର, ବରଗଡ଼, ସମ୍ବଲପୁର, ଝାରସୁଗୁଡା, ସୁନ୍ଦରଗଡ, କେନ୍ଦୁଝଗର ଓ ମୟୂରଭଞ୍ଜ ପରି ୧୫ ଜିଲ୍ଲାକୁ ୟେଲୋ ୱାର୍ଣୀଙ୍ଗ ଜାରି କରାଯାଇଛି । ବିଜୁଳି ଘଡଘଡି ସହ ହାଲୁକାରୁ ମଧ୍ୟମ ଧରଣର ବର୍ଷା ସହ ୪୦ ରୁ ୫୦ କିମି ବେଗରେରେ ପବନ ବହିବାର ସମ୍ଭାବନା ରହିଛି । ଗତକାଲି କନ୍ଧମାଳର ଫିରିଙ୍ଗିଆଠାରେ ସର୍ବାଧିକ ୪୦.୨ ମିମି ବର୍ଷା ରେକର୍ଡ କରାଯାଇଛି ।

ରାତି ସାରା ଚାଲିଲା ବିଧାନସଭା: ଗୃହକୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ମୁଲତବି ଘୋଷଣା କଲେ ବାଚସ୍ପତି

ଭୁବନେଶ୍ବର: ବିଧାନସଭାକୁ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ମୁଲତବି ଘୋଷଣା କରିଛନ୍ତି ବାଚସ୍ପତି। ଶେଷ ହେଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ ତଥା ବଜେଟ ଅଧିବେଶନ। ତିନୋଟି କାର୍ଯ୍ୟ ଦିବସ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ବିଧାନସଭାକୁ ମୁଲତବୀ ଘୋଷଣା କଲେ ବାଚସ୍ପତି । ୨୮ ଟି କାର୍ଯ୍ୟ ଦିବସ ମଧ୍ୟରୁ ୨୫ ଟି କାର୍ଯ୍ୟ ଦିବସ ଚାଲିଥିଲା । ଆଗକୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ନଥିବାରୁ ବିଧାନସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ଘୋଷଣା କରିବା ଲାଗି ପ୍ରସ୍ତାବ ଆଣିଥିଲେ ସରକାରୀ ଦଳ ମୁଖ୍ୟ ସଚେତକ ଯାହାକୁ ସମର୍ଥନ କରିଥିଲେ ଏକାଧିକ ବିଧାୟକ। ପରେ ବାଚସ୍ପତି ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବି କରିଥିଲେ।

ବିଶ୍ୱବିଦ୍ୟାଳୟ ସଂଶୋଧନ ବିଲ ୨୦୨୪ ଏବଂ ରାଜ୍ୟ ରାଜପଥ ପ୍ରାଧିକରଣ ବିଲ ୨୦୨୫ ବିଧାନସଭାରେ ପାରିତ ହୋଇଛି। ସେହିପରି ୨୦୨୫-୨୬ ଆର୍ଥିକ ବର୍ଷର ବଜେଟ ଗୃହରେ ପାରିତ ହୋଇଥିଲା ବେଶ ଘଟଣା ବହୁଳ ଥିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ । ପ୍ରଥମ ଥର ପାଇଁ ବିଧାନସଭା ଇତିହାସରେ ଗୃହରୁ ନିଲମ୍ବିତ ହୋଇଥିଲେ କଂଗ୍ରେସ ଦଳର ସମସ୍ତ ବିଧାୟକ । ଏହା ସହ ବିଶ୍ୱ ବିଦ୍ୟାଳୟ ସଂଶୋଧନ ବିଲ ଏବଂ ରାଜ୍ୟ ରାଜପଥ ପ୍ରାଧିକରଣ ବିଲ ଆଲୋଚନା ବେଳେ ରାତି ତମାମ ଚାଲିଥିଲା ବିଧାନସଭା । ବୁଧବାର ସକାଳ ୧୦.୩୦ ମିନିଟ ରେ ଆରମ୍ଭ ହୋଇ ଗୃହ ଗୁରୁବାର ସକାଳ 7 ଟା 5 ପର୍ଯ୍ୟନ୍ତ ଚାଲିଥିଲା ।

ପାରମ୍ପରିକ ମିଠାର ପ୍ରସାର ପାଇଁ ଅଭିନବ ଉଦ୍ୟମ: ବାଲେଶ୍ବରରେ ଆୟୋଜିତ ହେଲା ରସଗୋଲା ମହୋତ୍ସବ

ବାଲେଶ୍ବର: ମିଠା ଓ ପିଠାରେ ବାସିଲା ପରିବେଶ । ରକମ ରକମର ମିଠା ସାଙ୍ଗକୁ ପିଠାର ଆସର । ୫ ଟଙ୍କାରୁ ଆରମ୍ଭ କରି ଶହେଟଙ୍କା ରହିଛି ମୂଲ୍ୟ । ଧଳା, ହଳଦିଆ, ନାଲି ରଙ୍ଗ ସାଙ୍ଗକୁ ବିଭିନ୍ନ ଫ୍ଲେବରର ରସଗୋଲା । ବାଲେଶ୍ୱରରେ ଆୟୋଜିତ ହୋଇଛି ରସଗୋଲା ମହୋତ୍ସଵ । ସ୍ଥାନୀୟ ବ୍ରିଟ କଲ୍ୟାଣ ମଣ୍ଡପରେ ଆୟୋଜିତ ଏହି କାର୍ଯ୍ୟକ୍ରମ ରେ ୨୫ ରୁ ଅଧିକ ମିଠା ଓ ପିଠାର ଷ୍ଟଲ ଦେଖିବାକୁ ମିଳିଛି । ଯେଉଁଥିରେ ଜିଲ୍ଲାର ନାମିଦାମୀ ମିଠା ଦୋକାନ ନିଜର ଷ୍ଟଲ ମାଧ୍ୟମରେ ରସଗଲା ସମେତ ବିଭିନ୍ନ ମିଠା ପ୍ରଦର୍ଶିତ କରିଛନ୍ତି । ଯେଉଁଥିରେ ୪ ପ୍ରକାର ରସଗୋଲା ସହ କ୍ରିମ୍ ମିଠା, ବିଭିନ୍ନ ରକମର ସନ୍ଦେସ, ବର୍ଫି, କାଲାକମ୍, ରସାବଳି ଆଦି ରହିଛି । ମୂଲ୍ଯ ୫ ଟଙ୍କାର ଆରମ୍ଭ କରି ୨୦, ୫୦ ଓ ଶହେ ଟଙ୍କା ରହିଛି । ସେହିପରି ରସମଲାଇ ୨ ପ୍ରକାର ୨୦ ଟଙ୍କା ୪୦ ଟଙ୍କା ରହିଛି । କେଶର ମାଲାଇ, ଚମ୍ ଚମ ସ୍ପେଶାଲ ମଲାଇଇ ଆଦିର ମଜା ନେଇଛନ୍ତି ଲୋକେ । ଓଡ଼ିଶାର ପରିଚୟ ସ୍ୱାଦିଷ୍ଟ ରସଗୋଲା ସହିତ ବାଲେଶ୍ଵରର ମିଠାର ପ୍ରଚାର ପ୍ରସାର କରିବା ଓ ନିଆରା ଢଙ୍ଗରେ ଓଡିଶା ଦିବସ ପାଳନ କରିବା ଲକ୍ଷ୍ୟରେ ଏପରି ଅଭିନବ କାର୍ଯ୍ୟକ୍ରମ କରାଯାଇଛି ।

ଖାଲି ମିଠା ନୁହେଁ ଭଳିକି ଭଳି ପିଠା ମଧ୍ୟ ଏହି ପ୍ରଦର୍ଶନୀରେ ସ୍ଥାନ ପାଇଛି । ଓଡ଼ିଶାର ପାରମ୍ପରିକ ମଣ୍ଡା, ପୋଡ଼, କାକରା, ମୁଗମଣ୍ଡା, ଲାଉ ପୋଡ଼ାପିଠ, ମାଣ୍ଡିଆ ପନିପରିବା ଚକୁଳି, ମାଣ୍ଡିଆ କାକରା ଦେଖିବାକୁ ମିଳିଛି । ୧୫ ରୁ ଆରମ୍ଭ କରି ୧୫୦ ଟଙ୍କା ପର୍ଯ୍ୟନ୍ତ ରହିଛି ଏହାର ମୂଲ୍ୟ । ବାଲେଶ୍ୱର ପ୍ରତିଭା ବିକାଶ ଟ୍ରଷ୍ଟ ପକ୍ଷରୁ ଆୟୋଜିତ ଏହି ନିଆରା ଓ ସ୍ୱାଦିଷ୍ଟ କାର୍ଯ୍ୟକ୍ରମରେ ମିଠା ଓ ପିଠାର ଭରପୂର ମଜା ଲୁଟିଛନ୍ତି ସହରବାସୀ ।

ରାଜ୍ୟ ସରକାରଙ୍କ ମିଛ ଅସ୍ମିତା ଭିତରେ ହଜିଯିବ କି କୋଟିଆର ଅସ୍ତିତ୍ବ ?

କୋଟିଆ: ଆନ୍ଧ୍ରରେ ଲିଭିଯିବ କି କୋରାପୁଟ ସୀମାବର୍ତ୍ତୀ କୋଟିଆ ? ରାଜ୍ୟ ସରକାରଙ୍କ ମିଛ ଅସ୍ମିତା ଭିତରେ ହଜିଯିବ କି ଅସ୍ତିତ୍ବ ? ଆଦିବାସୀଙ୍କୁ ପ୍ରଲୋଭିତ କରୁଛି ପଡ଼ୋଶୀ ରାଜ୍ୟ । ଅନୁପ୍ରବେଶ ସହ ଓଡ଼ିଆ ଭାଷା, ସଂସ୍କୃତି ଉପରେ ବି କବଜା । ସୀମାକୁ ସୁରକ୍ଷା ଦେବାରେ ଫେଲ ରାଜ୍ୟ ସରକାର । ପୂର୍ବ ସରକାରଙ୍କ ସମୟରେ କୋରାପୁଟ ଜିଲ୍ଲା ସୀମାନ୍ତ କୋଟିଆର ବିକାଶ ପାଇଁ ଖର୍ଚ୍ଚ କରାଯାଇଥିଲା ୧୫୦ କୋଟି ଟଙ୍କା । ନୂଆ ଥାନା, ଆଦର୍ଶ ବିଦ୍ୟାଳୟ, ବ୍ଲାକଟପ୍ ରାସ୍ତା, ସବୁ ଗାଁରେ ପାନୀୟ ଜଳ ପ୍ରକଳ୍ପ ନିର୍ମାଣ ହୋଇଥିଲା । ହେଲେ ଏବେ କୋଟିଆ ଉପରେ ପୁଣି ଥରେ ଲୋଲୁପ ଦୃଷ୍ଟି ପକାଇଛି ଆନ୍ଧ୍ର । ବାର୍ଦ୍ଧକ୍ୟ ଭତ୍ତା, ଆମ୍ମାୱାଡ଼ି ଯୋଜନାରେ ଆର୍ଥିକ ସହାୟତା ସହ କାର୍ଡ ବଦଳାଇ ଲୋକଙ୍କ ନୂଆ ଆଧାର ଓ ଭୋଟ କାର୍ଡ କରାଯାଉଥିବା ଅଭିଯୋଗ ହୋଇଛି । ଏପରି ସ୍ଥିତିରେ ଓଡ଼ିଶା ସରକାରଙ୍କ ନୀରବତାକୁ ନେଇ ପ୍ରଶ୍ନ ଉଠାଇଛନ୍ତି ଅଞ୍ଚଳବାସୀ ।

ଖାଲି ଅନୁପ୍ରବେଶ ନୁହେଁ ଓଡ଼ିଶାର ଭାଷା ଓ ସଂସ୍କୃତି ଉପରେ ବି କବଜା କରିବାକୁ ପ୍ରୟାସ କରିଛି ପଡୋଶୀ ରାଜ୍ୟ । ଓଡ଼ିଶାର ଗାଁ, ଓଡ଼ିଶାର ମାଟି ହେଲେ ବି ଓଡ଼ିଆ ପଢିପାରୁ ନାହାନ୍ତି ଏଠାକାର ପିଲା । ତେଲୁଗୁ ଭାଷାରେ ପିଲାଙ୍କୁ ପଢ଼ାଯାଉଛି ପାଠ । ଆଉ ପାଠ ପଢ଼ାଉଛନ୍ତି ଆନ୍ଧ୍ର ସରକାରଙ୍କ ଶିକ୍ଷକ । ପଞ୍ଚାୟତର ବିବାଦୀୟ ୨୧ ଖଣ୍ଡ ଗ୍ରାମବାସୀଙ୍କ ପିଲାଙ୍କୁ ଓଡ଼ିଆ ଭାଷାରେ ପାଠ ପଢ଼ି ଓଡ଼ିଆ ଶିଖିବେ ସେଥିପାଇଁ ଅନୁଦାନ ଢାଳି ଓଡ଼ିଶା ସରକାର । ତାଡ଼ିବାଲସା ଗ୍ରାମରେ ନେତାଜୀ ସୁବାସ ଚନ୍ଦ୍ର ବୋଷ ଆବାସିକ ବିଦ୍ୟାଳୟ, କୋଟିଆରେ ସରକାରୀ ଉଚ୍ଚ ବିଦ୍ୟାଳୟ, ଗଞ୍ଜେଇ ପଦର ଗ୍ରାମରେ ଆଦର୍ଶ ବିଦ୍ୟାଳୟ ଆଦି ନିର୍ମାଣ କରାଯିବା ସହ ଛାତ୍ରାବାସ ଓ ମାଗଣାରେ ବହି ପୋଷାକ, ଖାଇବା, ସାଇକେଲ ଯୋଗାଇ ଦିଆଯାଉଛି । ହେଲେ ସ୍କୁଲରେ ଦାଖିଲା ନେବାକୁ ପ୍ରତି ପିଲାଙ୍କ ପିଛା ୧୫ ହଜାର ଟଙ୍କା ଆର୍ଥିକ ସହାୟତା ଦେଇ ପ୍ରଲୋଭିତ କରୁଛି ଆନ୍ଧ୍ର । ତେଣୁ ପାଠ ପଢାଇବା ଏଠାରେ ଚ୍ୟାଲେଞ୍ଜ ସୃଷ୍ଟି କରିଥିବା କହିଛନ୍ତି ଶିକ୍ଷକ। ତୁରନ୍ତ ପଦକ୍ଷେପ ନନେଲେ ଓଡ଼ିଶା ମାନଚିତ୍ରରୁ କୋଟିଏ ହଜିଯିବା ଆଶଂକା ରହିଥିବା କହିଛନ୍ତି ବୁଦ୍ଧିଜୀବୀ ।