ନନ୍ଦିଘୋଷ ବ୍ୟୁରୋ: ଶୁକ୍ରବାର ମୁମ୍ବାଇ ଇଣ୍ଡିଆନ୍ସ ଲକ୍ଷ୍ନୌ ସୁପର ଜାଏଣ୍ଟ୍ସକୁ ଭେଟିଥିଲା । ଯେଉଁ ମ୍ୟାଚରେ ଲକ୍ଷ୍ନୌ ୧୨ ରନରେ ଜିତିଥିଲା । ତେବେ ମୁମ୍ବାଇ ଏହି ପରାଜୟ ସହ ଚଳିତ ବର୍ଷ ତୃତୀୟ ପରାଜୟର ସାମ୍ନା କରିଛି । ତେବେ ଏହି ମ୍ୟାଚଟି ପ୍ରଥମରୁ ମୁମ୍ବାଇ ସପକ୍ଷରେ ରହିଥିଲା । ମାତ୍ର ଶେଷ ଦୁଇ ଓଭରରେ ସାର୍ଦ୍ଧୁଲ ଠାକୁର ଏବଂ ଆଭେଶ ଖାନଙ୍କ ବୋଲିଂ ଆଗରେ ମୁମ୍ବାଇ ବ୍ୟାଟ୍ସମ୍ୟାନରେ ମାନେ ବଡ଼ ସ୍କୋର କରିବାରେ ବିଫଳ ହୋଇଥିଲେ । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି କି, ଏହି ମ୍ୟାଚରେ କ୍ୟାରିୟରର ସର୍ବଶ୍ରେଷ୍ଠ ବୋଲିଂ କରିଥିଲେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଧିକ ପାଣ୍ଡ୍ୟା । ସେ ୫ ଓ୍ବିକେଟ ନେଇଥିଲା ।
ଭଲ ବୋଲିଂ କରିଥିଲେ ଏହାସହ ବ୍ୟାଟିଂରେ ମଧ୍ୟ ଦମଦାର ପ୍ରଦର୍ଶନ କରିଥିଲେ । ମାତ୍ର ଗୋଟିଏ ଭୁଲ ପାଇଁ ତାଙ୍କ ଉପରେ ରାଗି ଯାଇଥିଲେ ମାଲିକ ଆକାଶ ଅମ୍ବାନୀ । ଯାହାର ଏକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ ଶେଷ ଓଭରରେ ମୁମ୍ବାଇକୁ ଜିତିବା ପାଇଁ ୨୨ ରନର ଆବଶ୍ୟକ ରହିଥିଲା । ଆଭେଶ ଖାନଙ୍କ ପ୍ରଥମ ବଲକୁ ପାଣ୍ଡ୍ୟା ୬ ମାରିଥିଲେ । ଏହାପରେ ଦ୍ବିତୀୟ ବଲରେ ୨ ରନ ସଂଗ୍ରହ କରିଥିଲେ । ମାତ୍ର ତୃତୀୟ ବଲରେ ଏକ ରନ ନେବାର ସୁଯୋଗ ଥିଲା । ମାତ୍ର ନନଷ୍ଟ୍ରାଇକ୍ ଏଣ୍ଡରେ ଥିବା ମିଚେଲ ସାଣ୍ଟନରଙ୍କୁ ମନା କରି ଦେଇଥିଲେ ପାଣ୍ଡ୍ୟା ।
Akash Ambani is going to remove Hardik Pandya from captaincy😂 {Mark My Words}
👍#LSGvMI#IPL2025 pic.twitter.com/gjrr6kwv3C— Harendra Choudhary (@h_pachar_18) April 5, 2025
ତେବେ ୩ ବଲରେ ୧୪ ରନ ରହିଥିଲା । ଚତୁର୍ଥ ବଲରେ ଆଭେଶ ଖାନ ଏକ ସୁନ୍ଦର ୟର୍କର ମାରିଥିଲେ । ଯାହାକି ପାଣ୍ଡ୍ୟାଙ୍କ ବ୍ୟାଟରେ ବାଜି ନଥିଲା । ଏହାପରେ ୨ ବଲରେ ୧୪ ରନ ରହିଥିଲା । ଯାହାକି ଜିତିବା ଅସମ୍ଭବ । ତଥାପି ଶେଷ ୨ ବଲରୁ ପାଣ୍ଡ୍ୟା ମାତ୍ର ୧ ରନ କରିଥିଲେ । ତେବେ ସାଣ୍ଟନର ବଡ଼ ସଟ ଖେଳିପାରିଥାନ୍ତେ । ଯଦି ସେ ୩ଟି ବଲ ଖେଳିଥାନ୍ତେ । ମାତ୍ର ଅଧାରୁ ଫେରାଇ ଦେଇଥିବାବେଳେ ଏହାକୁ ଦେଖି ଆକାଶ ରାଗି ଯାଇଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
today akash ambani is frustrated with hardik 😭 pic.twitter.com/rKENCgifEI
— Vaibhav' (@WhyyySoMuch) April 4, 2025
