ଦେଶରେ ଏବେ ଆପିଏଲ ୨୦୨୫ର ଜଲଓ୍ବା ଜାରି ରହିଥିବା ବେଳେ ଏହା ମଧ୍ୟରେ ବିସିସିଆଇ ତ୍ରିରାଷ୍ଟ୍ରୀୟ ସିରିଜ ପାଇଁ ଭାରତୀୟ ମହିଳା ଦଳ ଘୋଷଣା କରିଛି । ଦକ୍ଷିଣ ଆଫ୍ରିକା ଓ ଶ୍ରୀଲଙ୍କା ବିପକ୍ଷରେ ଏହି ତ୍ରିରାଷ୍ଟ୍ରୀୟ ସିରିଜ୍ ଖେଳାଯିବ । ଏପ୍ରିଲ ୨୭ରେ ଭାରତ-ଶ୍ରୀଲଙ୍କା (କଲମ୍ବୋ), ୨୯ର ଭାରତ-ଦକ୍ଷିଣ ଆଫ୍ରିକା (କଲମ୍ବୋ), ମେ ୪ରେ ଭାରତ-ଶ୍ରୀଲଙ୍କା (କଲମ୍ବୋ), ୭ରେ ଭାରତ-ଦକ୍ଷିଣ ଆଫ୍ରିକା (କଲମ୍ବୋ) ମଧ୍ୟରେ ମ୍ୟାଚ ଖେଳାଯିବ । ଏହି ସିରିଜ ପାଇଁ ହରମନପ୍ରୀତ କୌର ଅଧିନାୟିକା ଓ ସ୍ମୃତି ମନ୍ଧାନା ଉପ-ଅଧିନାୟିକା ଦାୟିତ୍ବ ତୁଲାଇବେ । ଏହି ସିରିଜ ପାଇଁ ଦଳରେ ସୁଯୋଗ ପାଇଥିବା ଅନ୍ୟ ଖେଳାଳିମାନେ ହେଲେ ପ୍ରତିକା ରାଓ୍ବଲ, ହରଲୀନ ଦେଓଲ, ଜେମିମା ରୋଡ୍ରିଗସ, ଋଚା ଘୋଷ (ଓ୍ବିକେଟ କିପର), ୟାସ୍ତିକା ଭାଟିୟା (ଓ୍ବିକେଟ କିପର), ଦୀପ୍ତି ଶର୍ମା, ଅମନଜୋତ କୌର, କାଶବୀ ଗୌତମ, ସ୍ନେହ ରାଣା, ଅରୁନ୍ଧତି ରେଡ୍ଡୀ, ତେଜଲ ହସବନୀସ, ଶ୍ରୀ ଚରନୀ, ଶୁଚି ଉପାଧ୍ୟାୟ ।
ରାଜ୍ୟପାଳଙ୍କ କ୍ଷମତା ଉପରେ ସୁପ୍ରିମ ଝଟକା: ବିଲ୍ ପକାଇ ରଖିବା ବେଆଇନ ବୋଲି ଦର୍ଶାଇଲେ ସୁପ୍ରିମକୋର୍ଟ
ଚେନ୍ନାଇ: ରାଜ୍ୟପାଳଙ୍କ କ୍ଷମତା ଉପରେ ସୁପ୍ରିମ ଝଟକା। ବିଭିନ୍ନ ବିଲ୍ ପକାଇ ରଖୁଥିବାରୁ ତାମିଲନାଡୁ ରାଜ୍ୟପାଳଙ୍କ ଉପରେ ବର୍ଷିଛନ୍ତି ସୁପ୍ରିମକୋର୍ଟ । ବିଲ୍ ପକାଇ ରଖିବାକୁ ବେଆଇନ ବୋଲି ଦର୍ଶାଇଛନ୍ତି ସୁପ୍ରିମକୋର୍ଟ। ରାଜ୍ୟ ବିଧାନସଭାରେ ୧୦ଟି ବିଲ୍ ଗୃହୀତ ହୋଇଥିବା ସତ୍ତ୍ବେ ଏଗୁଡିକୁ ପକାଇ ରଖିଥିବାରୁ ରାଜ୍ୟପାଳଙ୍କ ବିରୋଧରେ ସୁପ୍ରିମକୋର୍ଟ ଯାଇଥିଲେ ତାମିଲନାଡୁ ସରକାର। ବିଲଗୁଡିକୁ ପକାଇ ରଖିବା ସମ୍ବିଧାନ ଅନୁସାରେ ବେଆଇନ ବୋଲି କହିଛନ୍ତି ସୁପ୍ରିମକୋର୍ଟ। ଏହା ସହ ରାଜ୍ୟ ବିଧାନସଭାଗୁଡିକରେ ଗୃହୀତ ହୋଇଥିବା ବିଲଗୁଡିକୁ ରାଜ୍ୟପାଳମାନେ ଯେପରି ପକାଇ ରଖିପାରିବେ ନାହିଁ ସେଥିଲାଗି ସାମ୍ବିଧାନିକ ଟାଇମଲାଇମ ଜାରି କରିଛନ୍ତି ସୁପ୍ରିମକୋର୍ଟ। ସୁପ୍ରିମକୋର୍ଟ ଆହୁରି କହିଛନ୍ତି- ବିଲଗୁଡିକୁ ଅନିର୍ଦ୍ଦିଷ୍ଟ କାଳ ପକାଇ ରଖିବାର କ୍ଷମତା ରାଜ୍ୟପାଳଙ୍କ ନିକଟରେ ନାହିଁ। ସମ୍ବିଧାନର ଧାରା ୨୦୦ ଅନୁସାରେ ରହିଥିବା ଫ୍ରେମୱାର୍କ ଅନୁସାରେ ରାଜ୍ୟପାଳମାନେ କାର୍ଯ୍ୟ କରିବା ଉଚିତ। ୩ ମାସ ମଧ୍ୟରେ ବିଲକୁ ସମ୍ମତି ଦେବେ କିମ୍ବା ଗୃହକୁ ଫେରାଇବେ କିମ୍ବା ରାଷ୍ଟ୍ରପତିଙ୍କ ନିକଟକୁ ପଠାଇବେ ବୋଲି କହିଛନ୍ତି ସୁପ୍ରିମକୋର୍ଟ। ସୁପ୍ରିମକୋର୍ଟଙ୍କ ଏହି ରାୟ ଦ୍ବାରା ତାମିଲନାଡୁ ସରକାରଙ୍କ ବିଜୟ ସାବ୍ୟସ୍ତ ହୋଇଛି।
ମେ ୩ୟ ସପ୍ତାହ ସୁଦ୍ଧା ମାଟ୍ରିକ ରେଜଲ୍ଟ: ସୂଚନା ଦେଲେ ବୋର୍ଡ ସଭାପତି
କଟକ: ମେ ମାସ ୩ ୟ ସପ୍ତାହ ସୁଦ୍ଧା ବାହାରିବ ମାଟ୍ରିକ ପରୀକ୍ଷା ଫଳ।। ଏହି ସୂଚନା ଦେଇଛନ୍ତି ବୋର୍ଡ ସଭାପତି। ସେ କହିଛନ୍ତି ଖାତା ଦେଖାରେ ସାମାନ୍ୟ ବିଳମ୍ବ ହୋଇଛି। ୨ ରୁ ୩ ଦିନ ଭିତରେ ସରିବ ଖାତାଦେଖା କାର୍ଯ୍ୟ। । ଫେବ୍ରୁଆରୀ ୨୧ରୁ ପରୀକ୍ଷା ଆରମ୍ଭ ହୋଇ ମାର୍ଚ୍ଚ ୬ରେ ଶେଷ ହୋଇଥିଲା। ଏଥର ୫ ଲକ୍ଷ ୨୦ ହଜାରରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି।
ଢେଙ୍କାନାଳର ପାହାଡ ଓ ଜଙ୍ଗଲରେ କିଛି ମାଓବାଦୀ ଲୁଚି ଥିବା ଗ୍ରାମବାସୀଙ୍କ ସୂଚନା
କୋରାପୁଟ: ଛତିଶଗଡ ସିଆରପିଏଫ ଗୁଳିରୁ ବଞ୍ଚିବା ପାଇଁ ମାଓବାଦୀ ମାନେ ଏବେ ଢେଙ୍କାନାଳ କଙ୍କଡ଼ାହାଡ଼ ବ୍ଲକ ଅଞ୍ଚଳରେ ପଶିଛନ୍ତି । କଙ୍କଡ଼ାହାଡ଼ ବ୍ଲକ ଅନ୍ତର୍ଗତ ପାହାଡ ଓ ଜଙ୍ଗଲରେ କିଛି ମାଓବାଦୀ ଲୁଚି ରହିଥିବା ଗ୍ରାମବାସୀ କହିଛନ୍ତି । କେନ୍ଦୁଝର ଓ ଯାଜପୁର ସୀମାନ୍ତ ଗ୍ରାମ ଏକୁଲ ଓ ସେକୁଲ ଗ୍ରାମ ରେ କିଛି ମାଓବାଦୀ ଲୁଚି ରହିଥିବା ଗ୍ରାମବାସୀ ସୂଚନା ଦେଇଛନ୍ତି । କେନ୍ଦୁଝର ଜିଲ୍ଲା ଅନ୍ତର୍ଗତ ତେଲକୋଇ ବ୍ଲକ କାଳିଆହତା ପଞ୍ଚାୟତ ସାରେଇ ଜଙ୍ଗଲ ରେ ରହିଛି ମାଓବାଦୀଙ୍କ ପୁରୁଣା ଆଡ୍ଡା । ଦୁଇ ଦିନ ପୂର୍ବରୁ ଗୋଟିଏ ଫରେଷ୍ଟ ବିଟ ହାଉସକୁ ମାଓବାଦୀ ମାନେ ଭାଙ୍ଗି ଦେଇ ଥିବା ପୋଲିସ ସନ୍ଦେହ କରିଛି । ଜଙ୍ଗଲ ଭିତରକୁ ନ ଆସିବାକୁ ସ୍ଥାନୀୟ ଲୋକଙ୍କୁ ଧମକାଇଛନ୍ତି ମାଓବାଦୀ। ଗତକାଲି କିଛି ଲୋକ ଜଙ୍ଗଲକୁ କାଠ ଆଣିବାକୁ ଯାଇଥିବାବେଳେ ଜଙ୍ଗଲ ଭିତରକୁ ନଆସିବାକୁ ସେମାନଙ୍କୁ ମାଓବାଦୀମାନେ ସିଧା ସିଧା ମନା କରିଛନ୍ତି।
ବିଲୁପ୍ତ ହୋଇନାହାନ୍ତି: ୧୨,୫୦୦ ବର୍ଷ ପରେ ପୁଣି ଦୃଶ୍ୟମାନ ହେଲେ ଭୟଙ୍କର ଗଧିଆ
ଏ ପୃଥିବୀ ବକ୍ଷରେ ବିଭିନ୍ନ ପ୍ରଜାତିର ଜୀବଜନ୍ତୁ ଏକଦା ଚଳପ୍ରଚଳ ହେଉଥିବା ବେଳେ ଏବେ ଅନେକ ପ୍ରଜାତି ବିଲୁପ୍ତ ହୋଇଯାଇଛନ୍ତି । ତେବେ ଏକଦା ପୃଥିବୀ ବକ୍ଷରୁ ବିଲୁପ୍ତ ହୋଇଯାଇଥିବା ଭୟଙ୍କର ଗଧିଆ (Dire Wolves) ପ୍ରଜାତିଙ୍କୁ ପୁଣି ଥରେ ଦେଖିବାକୁ ମିଳିଛି । ବୈଜ୍ଞାନିକମାନେ ଏହି ପ୍ରଜାତିକୁ ପୁନର୍ଜୀବିତ କରିପାରିଛନ୍ତି । ଜଳବାୟୁ ପରିବର୍ତ୍ତନ ଓ ଅନ୍ୟ କିଛି କାରଣରୁ ପାଖାପାଖି ୧୨,୫୦୦ ବର୍ଷ ପୂର୍ବେ ଏହି ପ୍ରଜାତି ବିଲୁପ୍ତ ହୋଇଯାଇଥିବା ବେଳେ ଏବେ ବୈଜ୍ଞାନିକମାନେ ସେମାନଙ୍କୁ ନୂଆ ଜୀବନ ଦେଇଛନ୍ତି । ଜେନେଟିକ ଇଞ୍ଜିନିୟରିଂ ଜରିଆରେ ଏହା ସମ୍ଭବ ହୋଇପାରିଛି । ଏହି ଦୁଇ ଗଧିଆଙ୍କର ବୟସ ଏବେ ମାତ୍ର ୬ ମାସ ହୋଇଥିବା ବେଳେ ଓଜନ ୩୬ କେଜି । ଏହା ବିଜ୍ଞାନର କମାଲ, ଏହା କୌଣସି ମ୍ୟାଜିକ୍ ନୁହେଁ ।
ଟେକ୍ସାସ ସ୍ଥିତ କୋଲୋଜାଲ ବାୟୋସାଇନ୍ସେସ ତରଫରୁ ଏହି ପ୍ରୟାସ କରାଯାଇଥିଲା । ଗଧିଆଙ୍କର ପୁରୁଣା ଡିଏନଏ, କ୍ଲୋନିଂ ଓ ଜିନ ଏଡିଟିଂ କରି ସେମାନଙ୍କୁ ନୂଆ ଜୀବନ ଦେବା ସମ୍ଭବ ହୋଇପାରିଛି । ଏଥିପାଇଁ ଗଧିଆଙ୍କର ଅତି ନିକଟ ସମ୍ପର୍କୀୟ ଗ୍ରେ ଓ୍ବଲଫର ଡିଏନଏକୁ ବ୍ୟବହାର କରାଯାଇଥିଲା । ଭୟଙ୍କର ଗଧିଆ ଏକଦା ଉତ୍ତର ଆମେରିକାରେ ବାସ କରୁଥିଲେ । ଗ୍ରେ ଓ୍ବଲଫର ଆକାର ତୁଳନାରେ ଏହାର ଆକାର ବଡ଼ । ଜନ୍ମଲାଭ କରିବା ପରେ ଶିଶୁ ଗଧିଆଙ୍କୁ ସରୋଗେଟ ଦ୍ବାରା କ୍ଷୀର ପାନ କରାଯାଇଥିଲା । କିଛି ଦିନ ପରେ ଟିମ ସଦସ୍ୟମାନେ ସେମାନଙ୍କୁ ବୋତଲରେ କ୍ଷୀର ପାନ କରାଇଥିଲେ । ବର୍ତ୍ତମାନ ସେମାନେ ଯୁବ ଭୟଙ୍କର ଗଧିଆ ଭାବେ ଜୀବନ ବିତାଉଥିବା କମ୍ପାନୀ ପକ୍ଷରୁ କୁହାଯାଇଛି ।
କଂଗ୍ରେସର ଭବିଷ୍ୟତ ପାଇଁ ରଣନୀତି ପ୍ରସ୍ତୁତ କରିବ ଅହମଦାବାଦ ଅଧିବେଶନ: ଫୋକସରେ ଏହି ୬ଟି ଦିଗ
କଂଗ୍ରେସର ଦୁଇ ଦିବସୀୟ ଅହମଦାବାଦ ଅଧିବେଶନ ପାର୍ଟିର ଭବିଷ୍ୟତର ରଣନୀତି ପ୍ରସ୍ତୁତ କରିବ । ନିର୍ବାଚନରେ ପରାଜୟ ପରେ ଦଳର ସଂଗଠନରେ ସୁଧାର ଓ ନିର୍ବାଚନ ପାଇଁ ନୂଆ ରାଜନୈତିକ ଏଜେଣ୍ଡା ଉପରେ ଦଳ ଧ୍ୟାନକ୍ରେଦିତ କରିବ । ଏହି ଅଧିବେଶନରେ ସାମାଜିକ ନ୍ୟାୟ, ରୋଜଗାର, ଆର୍ଥିକ ନୀତି ପରି ପ୍ରସଙ୍ଗ ସ୍ଥାନ ପାଇବ । ବିଜେପିକୁ ଚ୍ୟାଲେଞ୍ଜ ଦେବା ପାଇଁ ଦଳ ଏକ ମଜବୁତ ରଣନୀତି ପ୍ରସ୍ତୁତ କରିବ । ଲୋକସଭା ନିର୍ବାଚନର ଫଳାଫଳ ଦଳ ପାଇଁ ସଞ୍ଜିବନୀ ସାଜିଥିବା ବେଳେ ହରିୟାଣା, ମହାରାଷ୍ଟ୍ର ଓ ଦିଲ୍ଲୀରେ ପରାଜୟ ଦଳକୁ ବ୍ୟାକଫୁଟକ ଠେଲି ଦେଇଥିଲା ।
(୧)- ଅଧିବେଶନର ପ୍ରଥମ ଦିନେ ସର୍ଦ୍ଦାର ବଲ୍ଲଭଭାଇ ପଟେଲ ରାଷ୍ଟ୍ରୀୟ ସ୍ମାରକରେ କଂଗ୍ରେସ, ଓ୍ବାର୍କିଂ କମିଟି ବା ସିଡବ୍ଲ୍ୟୁସିର ବୈଠକ ହେବ । ସେଥିରେ ସାରା ଦେଶର ୨୬୨ କଂଗ୍ରେସ ନେତା ଜିତିଥିଲେ । ଦ୍ବିତୀୟ ଦିନରେ ସାବରମତୀ ରିଭରଷ୍ଟ୍ରଟ ଓ କଂଗ୍ରେସ CWCର ସଦସ୍ୟଙ୍କ ବ୍ୟତୀତ ପ୍ରଦେଶ କଂଗ୍ରେସ କମିଟି ଅଧ୍ୟକ୍ଷ, କଂଗ୍ରେସ ଶାଳିତ ପ୍ରଦେଶମାନଙ୍କର ମୁଖ୍ୟମନ୍ତ୍ରୀ ଓ ବରିଷ୍ଠ ନେତା ସାମିଲ ହେବେ ।
(୨) ଦଳରେ ଅଧିକାଂଶ ପଦାଧିକାରୀ ପୁରୁଣା ହୋଇଗଲେଣି, ତେଣୁ ଏଥିରେ କଂଗ୍ରେସ ସଂଗଠନରେ ନୂଆ ଲୋକଙ୍କୁ ଯୋଡ଼ାଯିବ । କଂଗ୍ରେସ ଯେପରି କିଛି ମାସ ମଧ୍ୟରେ ବିହାରରେ ନିଜର ସଂଗଠନକୁ ମଜବୁତ କରିଥିଲା, ଅନୁରୂପ ଭାବେ ସାରା ଦେଶରେ ଏହାକୁ ଲାଗୁ କରାଯିବ । ଦଳକୁ ତୃଣମୂଳ ସ୍ତରରୁ ମଜବୁତ କରିବା ପାଇଁ ଗୁରୁତ୍ବପୂର୍ଣ୍ଣ ଅଣାଯାଇପାରେ ।
(୩) ଏହି ଦୁଇ ଦିନିଆ ଅଧିବେଶନରେ କଂଗ୍ରେସ ନିଜର ଭବିଷ୍ୟତର ନୀତି ନିର୍ଦ୍ଧାରଣ କରିବ । କେଉଁ ପ୍ରସଙ୍ଗରେ ଦଳ ସରକାରଙ୍କୁ ଘେରିବ ଓ କେଉଁ ଏଜେଣ୍ଡାରେ ଆଗକୁ ବଢ଼ିବ, ତାହା ଅଧିବେଶନ ପରେ ସ୍ପଷ୍ଟ ହୋଇଯିବ ।
(୪) ଦେଶରେ ଜାତିଗତ ଜନଗଣନା, ସଂରକ୍ଷଣ ଓ ୫୦ ପ୍ରତିଶତ ଲିମିଟକୁ ବୃଦ୍ଧି ପରି ପ୍ରସଙ୍ଗକୁ ନେଇ କଂଗ୍ରେସ ଚାଲୁଛି । ଦଳିତ, ଓବିସି ଓ ସଂଖ୍ୟାଲଘୁ ସମ୍ପ୍ରଦାୟଙ୍କ ଭୋଟ ହାତେଇବା ପାଇଁ ଦଳ ଏଜେଣ୍ଡା ପ୍ରସ୍ତୁତ କରିପାରେ ।
(୫) ୨୦୧୯ ଅପେକ୍ଷା ୨୦୨୪ରେ କଂଗ୍ରେସକୁ ଦୁଇଗୁଣା ସିଟ୍ ଜିତିବାର ସୁଯୋଗ ମିଳିଥିଲା । ମାତ୍ର ପରେ ହୋଇଥିବା ବିଧାନସଭା ନିର୍ବାଚନରେ ଦଳର ପ୍ରଦର୍ଶନ ଦୁର୍ବଳ ରହିଥିଲା । ୨୦୨୫ରେ ହେବାକୁ ଥିବା ବିହାର ବିଧାନସଭା ନିର୍ବାଚନ, ୨୦୨୬ରେ ହେବାକୁ ଥିବା ପଶ୍ଚିମ ବଙ୍ଗ, ଅସମ, କେରଳ, ତାମିଲନାଡ଼ୁ ଓ ପଡ଼ୁଚେରୀ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ପାଇଁ ଏହି ବୈଠକ ବେଶ୍ ଗୁରୁତ୍ବ ବହନ କରୁଛି ।
(୬) ୪ ମାସ ପୂର୍ବରୁ କଂଗ୍ରେସ ବେଲଗାବୀରେ ନିଜର କାର୍ଯ୍ୟସମିତି ବୈଠକ ଆୟୋଜନ କରିଥିଲା । କଂଗ୍ରେସ ନେତା ବ୍ୟକ୍ତିଗତ ଭାବେ ବିଜେପି ସରକାର ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି କାମ ଓ ଓ ପ୍ରତି କଥାକୁ ବିରୋଧ ବଦଳରେ ଲୋକଙ୍କ ସହ ଯୋଡ଼ି ହେବାକୁ ଆଲୋଚନା କରୁଛନ୍ତି । ନିର୍ବାଚନୀ ମୈଦାନରେ ବିଜେପିର ମୁକାବିଲା କେଉଁ ରଣନୀତିରେ କରାଯିବ, ତା ଉପରେ ଅଧିବେଶନରେ ଫୋକସ କରାଯିବ ।
ଦୂଷିତ ପାଣିରେ ମୂର୍ତ୍ତି ବିସର୍ଜନ: କୁଆଡ଼େ ଗଲା ପ୍ରଶାସନର ପ୍ରତିଶ୍ରୁତି
କଟକ: କଟକରେ ଆଜି ବାସନ୍ତିକ ଦୁର୍ଗା ପୂଜାର ଭସାଣ ଉତ୍ସବ ଅନୁଷ୍ଠିତ ହେଉଛି। ଦେବୀଗଡ଼ାରେ ସହରର ବିଭିନ୍ନ ମଣ୍ଡପରେ ପୂଜା ପାଉଥିବା ମୃଣ୍ମୟୀ ମୂର୍ତ୍ତିଗୁଡ଼ିକ ଆଜି ବିସର୍ଜିତ ହେବେ। ତେବେ ଦେବୀ ଗଡ଼ାରେ ଏହି ଭସାଣ ପାଇଁ ଗୋଟିଏ ମାତ୍ର ଅସ୍ଥାୟୀ ପୁଷ୍କରିଣୀ କରାଯାଇଛି । ସେଥିରେ ପାଣି ପର୍ଯ୍ୟାପ୍ତ ନ ଥିବା ବେଳେ ନିକଟରେ ଥିବା ଗନ୍ଧଯୁକ୍ତ ଦୂଷିତ ପାଣିକୁ ମୋଟର ସାହାଯ୍ୟରେ ଭର୍ତ୍ତି କରାଯାଉଛି। ପୂର୍ବରୁ ଦୂରରେ ଥିବା ନଦୀ ସ୍ରୋତରୁ ପାଇପ ଯୋଗେ ପାଣି ଅସ୍ଥାୟୀ ପୁଷ୍କରିଣୀରେ ଭର୍ତ୍ତି କରିବାକୁ ପ୍ରଶାସନ ପକ୍ଷରୁ ପ୍ରତିଶୃତି ଦିଆଯାଇଥିଲା।
ବାଂଲାଦେଶର ମାଟି ତଳୁ ବାରମ୍ବାର ଭଗବାନ ବିଷ୍ଣଙ୍କ ମୂର୍ତ୍ତି କାହିଁକି ବାହାରୁଛି?
ବାଂଲାଦେଶର ଦିନାଜପୁରରେ ଏକ ପୋଖରୀରୁ ୨୭ କେଜି ଓଜନର ଭଗବାନ ବିଷ୍ଣୁଙ୍କ ପ୍ରାଚୀନ ପ୍ରତିମା ମିଳିଛି । ଗତ କିଛିବର୍ଷ ହେଲା ବାଂଲାଦେଶର ବିଭିନ୍ନ ସ୍ଥାନମାନଙ୍କରେ ଏପରି ଏକାଧିକ ପ୍ରତିମା ମିଳିଛି । ତେଣୁ ବାରମ୍ବାର ମାଟି ତଳୁ କ’ଣ ପାଇଁ ଭଗବାନ ବିଷ୍ଣୁଙ୍କ ପ୍ରତିମା ମିଳୁଛି ବୋଲି ଏବେ ପ୍ରଶ୍ନବାଚୀ ଉଠିଛି । ଭୂପୃଷ୍ଠ ତଳୁ ଭଗଗବାନଙ୍କ ବିଷ୍ଣୁ ମୂର୍ତ୍ତି ମିଳିବା ଘଟଣା ପରଠାରୁ ଜିଲ୍ଲାରେ କୌତୁହଳର ମାହୋଲ ସୃଷ୍ଟି ହୋଇଛି । ବାଂଲାଦେଶର ମାଟି ତଳୁ ଏଭି ଅନେକ ମୂର୍ତ୍ତି ମିଳିଛି । ଗତ ୪ ବର୍ଷରେ ଦେଶ ୪j ଅଲଗା ଅଲଗା ସ୍ଥାନରୁ ଭଗବାନ ବିଷ୍ଣଙ୍କ ପ୍ରତିମା ମିଳିଛି ।
ବର୍ତ୍ତମାନ ବାଂଲାଦେଶର ଯେଉଁ ସ୍ଥାନରୁ ଭଗବାନ ବିଷ୍ଣୁଙ୍କ ପ୍ରତିମା ମିଳୁଛି, ସେଠାରେ ଏକ ରାଜମହଲ ରହିଛି । ବର୍ଷ ବର୍ଷ ପୂର୍ବରୁ ସେଠାରେ ପ୍ରଥମେ ହିନ୍ଦୁ ଧମର୍ର ରାଜା ରହୁଥିଲେ, ଯେ କି ହିନ୍ଦୁ ଧର୍ମର ଉପାସକ ଥିଲେ । ରାଜମହଲର ପ୍ରତିମା ହିଁ ପୋଖରୀ ତଳକୁ ଚାଲିଯାଇଥିବା କୁହାଯାଛି । ୧୯୪୭ ପୂର୍ବରୁ ବାଂଲାଦେଶ ଭାରତର ଅଂଶ ଥିଲା । ୧୯୪୭ ଠାରୁ ୭୧ ପର୍ଯ୍ୟନ୍ତ ତାହା ପ୍ରାନ୍ତ ପାକିସ୍ତାନ ଅଧୀନକୁ ଚାଲିଯାଇଥିଲା । ୧୯୭୧ରେ ବାଂଲାଦେଶ ଅଲଗା ରାଷ୍ଟ୍ରର ମାନ୍ୟତା ପାଇଥିଲା । ବାଂଲାଦେଶରୁ ପ୍ରଥମେ ବାଙ୍ଗଲା ହିନ୍ଦୁ ପରିବାର ରହୁଥିଲେ, ଯେଉଁମାନେନ କି ଭଗବାନଙ୍କ ଉପାପକ ଥିଲେ । ଏମାନଙ୍କର ସଂଖ୍ୟା କବିମା ପରେ ସେଠାକାର ମନ୍ଦିର ଭାଙ୍ଗି ଯାଇଥିଲା ଓ ଭଗବାନଙ୍କ
ମହିଳା କନଷ୍ଟେବଳଙ୍କ ଝୁଲନ୍ତା ମୃତଦେହ ଉଦ୍ଧାର
ବାଲେଶ୍ବର: ମହିଳା କନଷ୍ଟେବଳଙ୍କ ଝୁଲନ୍ତା ମୃତଦେହ ଉଦ୍ଧାର । ବାଲେଶ୍ଵର ପୋଲିସ ବାରାକ୍ ଭିତରୁ ଠାବ ହୋଇଛି ମୃତଦେହ । ମୃତ ମହିଳା କନଷ୍ଟେବଳ ନାଁ ଯଶୋଦା ଦାସ । ତେବେ ମହିଳା କନଷ୍ଟେବଳ ଜଣଙ୍କ ଆତ୍ମହତ୍ୟା କରିଥିବା କୁହାଯାଉଥିବା ବେଳେ ଆତ୍ମହତ୍ୟାର ପ୍ରକୃତ କାରଣ ଜଣାପଡ଼ିନାହିଁ ।
ଶେୟାର ବଜାରର ସ୍ଥିତିରେ ସୁଧାର: ବଢ଼ିଲା ସେନସେକ୍ସ ଓ ନିଫଟି, ନିବେଶକ ଆଶ୍ଵସ୍ତ
ଗତକାଲି ସେୟାର ମାର୍କେଟ ଧରାଶାୟୀ ହେବା ପରେ ଆଜି ଏଥିରେ ସୁଧାର ଆସିଛି। ସେନସେକ୍ସ ୧୧୦୦ ପଏଣ୍ଟରୁ ଅଧିକ ଓ ନିଫଟି ପ୍ରାୟ ୩ ଶହ ପଏଣ୍ଟ ବଢ଼ିଛି। ଏହା ନିବେଶକଙ୍କୁ ଆଶ୍ଵସ୍ତ କରିଛି । ଗତକାଲି ମାର୍କେଟ କ୍ରାସ ହେବା ପରେ ଆଜି କଣ ସ୍ଥିତି ରହିବ ବୋଲି ସମସ୍ତେ ଆଶଙ୍କାରେ ଥିଲେ। ତେବେ ଆଜି ସ୍ଥିତି ସୁଧୁରିଛି। ଏସିଆର ଅନ୍ଯ ମାର୍କେଟରେ ମଧ୍ୟ ସୁଧାର ଆସିଛି। ଜାପାନ, ଚୀନ, ସିଙ୍ଗାପୁର, ହଂକଂ ପରି ମାର୍କେଟ ପଜିଟିଭରେ ଖୋଲିଥିଲା। ଅର୍ଥାତ ଗତକାଲି ଅପେକ୍ଷା ମାର୍କେଟ ଉପରକୁ ଉଠିଛି। ଟ୍ରମ୍ପଙ୍କ ଟାରିଫ୍ ଟେରର୍ ପାଇଁ ଗତକାଲି ସବୁ ମାର୍କେଟ ଧରାଶାୟୀ ହୋଇଥିଲା। ସେପଟେ ଆଜି ଚୀନକୁ ପୁଣି ଧମକ ଦେଇଛନ୍ତି ଟ୍ରମ୍ପ। ଆହୁରି ୫୦ ପ୍ରତିଶତ ଟାରିଫ ଲଗାଇବାକୁ ସେ ଧମକ ଦେଇଛନ୍ତି । ଆମେରିକା ଉପରେ ଚୀନ ୩୪ ପ୍ରତିଶତ ଟାରିଫ ଲଗାଇଥିବାରୁ ଟ୍ରମ୍ପ ଏପରି ଧମକ ଦେଇଛନ୍ତି।