୨୦୨୦ ସୁଦ୍ଧା ନିର୍ଦ୍ଧାରିତ ଫୋନରୁ ବନ୍ଦ ହୋଇପାରେ ହ୍ୱାଟସଆପ୍ ! ଏହି ଲିଷ୍ଟରେ ଆପଣଙ୍କ ସ୍ମାର୍ଟ ଫୋନ ନାହିଁ ତ ?
ବହୁତ ଶୀଘ୍ର ଆପଣଙ୍କ ଫୋନରୁ ବନ୍ଦ ହୋଇପାରେ ହ୍ୱାଟସଆପ୍ । ୨୦୨୦ ସୁଦ୍ଧା ପୂରୁଣା ମଡେଲ ସ୍ମାର୍ଟ ଫୋନରୁ ହ୍ୱାଟସଆପ୍ କାମ କରିବା ବନ୍ଦ ହୋଇପାରେ । ଏନେଇ କେତେ ଗୁଡ଼ିଏ ସ୍ମାର୍ଟ ଫୋନକୁ ନିର୍ଦ୍ଧାରିତ କରାଯାଇଛି । ଜାଣନ୍ତୁ ଏହି ଲିଷ୍ଟରେ ଆପଣଙ୍କ ସ୍ମାର୍ଟ ଫୋନ ନାହିଁ ତ ?
ସୂଚନା ଅନୁସାରେ ୱିଣ୍ଡୋଜ ଫୋନ, ଆଣ୍ଡ୍ରୋଏଡ଼୍ ଫୋନ ଏବଂ ଆଇ ଫୋନର ପୂରୁଣା ବର୍ଜନରୁ ହ୍ୱାଟସଅପ୍ ସେବା ବନ୍ଦ ହେବାକୁ ଯାଉଛି । କାରଣ ହ୍ୱାଟ୍ସଅପର ନୂଆ ନୂଆ ଅପଡେଟକୁ ଏହି ପୂରୁଣା ବର୍ଜନ ଫୋନ ସପେର୍ଟ ନ କରି ପାରେ ତେଣୁ ଏହି ସବୁ ଫୋନରୁ ହ୍ୱାଟସଅପ ସେବା ବନ୍ଦ ହେବା ନେଇ ସୂଚନା ମିଳିଛି । ଏହା ସହ ଲୁମିଆ ଫୋନରୁ ମଧ୍ୟ ହ୍ୱାଟସଅପ ସେବା ବନ୍ଦ ହୋଇପାରେ । ଅଫିସିଆଲ ହ୍ୱାଟସଅପ ବ୍ଲଗରେ ଏନେଇ ସ୍ପଷ୍ଟ ସୂଚନା ଦିଆଯାଇଛି । ଯଦି ଆପଣଙ୍କ ପାଖରେ ଆଣ୍ଡ୍ରୋଏଡ 2.3.7ର ଫୋନ ଅଛି ତ ଫୋନରେ ହ୍ୱାଟସଅପ ସପୋର୍ଟ ମିଳିବା ବନ୍ଦ ହେବାନେଇ ସୂଚନା ମିଳିଛି ।
ମଞ୍ଜୁଳାମଣୀ ମିଶ୍ର ଓପନ୍ ବ୍ଲିଜ୍ ଚେସ୍ ପ୍ରତିଯୋଗିତା ଉଦଯାପିତ, ଗ୍ରାଣ୍ଡ ମାଷ୍ଟର ସ୍ୱୟଂଶ ମିଶ୍ର ଚାମ୍ପିୟନ
ଭୁବନେଶ୍ୱରରେ ଅନୁଷ୍ଠିତ ହୋଇଯାଇଛି ଦିନିକିଆ ମଂଜୁଳାମଣୀ ମିଶ୍ର ଓପନ ବ୍ଲିଜ୍ ଚେସ୍ ପ୍ରତିଯୋଗିତା। ଅଗ୍ରଣୀ ଚେସ୍ ପ୍ରଶିକ୍ଷଣ ଏକାଡେମୀ ଏସ.ଆର୍.ଚେସ ସେଣ୍ଟର ଓ ସାମାଜିକ ସାଂସ୍କୃତିକ ଅନୁଷ୍ଠାନ ଆାମ ପରିବାର ‘ର ମିଳିତ ଉଦ୍ୟମରେ ଗୁରୁ କେଳୁ ଚରଣ ମହାପାତ୍ର ଓଡ଼ିଶା ରିସର୍ଚ ସେଣ୍ଟରଠାରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଯେଉଁଠି ବଛା ବଛା 150 ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ। ପ୍ରତିଯୋଗିତାରେ ଓଡ଼ିଶାର ଦ୍ୱିତୀୟ ଗ୍ରାଣ୍ଡ ମାଷ୍ଟର ସ୍ୱୟଂଶ ମିଶ୍ର ଅପରାଜାତି ରହି ସର୍ବାଧିକ ପଏଣ୍ଟ ସହ ଚାମ୍ପିୟନ ହୋଇଛନ୍ତି। ଉଦଯାପନୀ ଉତ୍ସବରେ ନନ୍ଧିଘୋଷ ଟିଭିର ସିଇଓ ରଂଜନ ମହାପାତ୍ର ମୁଖ୍ୟ ଅତଥି ଭାବେ ଯୋଗ ଦେଇ କୃତ୍ତି ପ୍ରତିଯୋଗୀଙ୍କୁ ପୁରସ୍କାର ବିତରଣ କରିଥିଲେ। ଏହି ଅବସରରେ ଶ୍ରୀଯୁକ୍ତ ମହାପାତ୍ରଙ୍କ ସହ ଅନ୍ୟ ଅତିଥି ଭାବେ ଆଇଏଏସ ସୁଶୀଲ କୁମାର ଲୁହାନି, ଚାର୍ଟାଡ୍ ଆକାଉଣ୍ଟାଟ୍ ରାଜା ନାରାୟଣ ତ୍ରିପାଠୀ, ଅଜୟ ନାୟକ ଓ ବିନୋଦିନୀ ମିଶ୍ର ପ୍ରମୁଖ ଯୋଗ ଦେଇଥିଲେ।
ଆଠ ରାଉଣ୍ଡ ଭିତ୍ତିକ ପ୍ରତିଯୋଗିତାରେ ବିଭିନ୍ନ ବର୍ଗର ପ୍ରତିଯୋଗୀ ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତାରେ 6 ବର୍ଷରୁ ଆରମ୍ଭ କରି 50 ବର୍ଷରୁ ଅଧକ ବୟସର ଖେଳାଳି ଭାଗ ନେଇଥିଲେ। ଚେସର ଟ୍ୱେଣ୍ଟି ଟ୍ୱେଣ୍ଟି କୁହାଯାଉଥିବା ଏହି ବ୍ଲିଜ୍ ପ୍ରତିଯୋଗିତାର ପ୍ରତ୍ୟେକ ଗେମର ସମୟ ସୀମା 3 ମିନିଟ 2 ସକେଣ୍ଡ ରହିଥିଲା। ଖୁବ କମ ସମୟରେ ସନ୍ତୁଳନ ରକ୍ଷା କରି ଠିକ୍ ନିଷ୍ପତ୍ତି ନେଉଥିବା ଖେଳାଳିଙ୍କୁ ହିଁ ଏହି ପ୍ରତିଯୋଗିତାରେ ସଫଳ ହୋଇଛନ୍ତି। କମ୍ପିଟିସନ ଆରମ୍ଭ ହେବା ପୂର୍ବରୁ ସ୍ଥାନୀୟ ଅଡିଟୋରିୟମରେ ଅନୁଷ୍ଠିତ ହୋଇଥିଲା ରଙ୍ଗା ରଙ୍ଗ ଉଦଘାଟନୀ ଉତ୍ସବ।
ଏହି ଉଦଘାଟନୀ ଉତ୍ସବରେ ନନ୍ଦିଘୋଷ ଟିଭର ସିଇଓ ରଂଜନ ମହାପାତ୍ର ମୁଖ୍ୟଅତିଥି ଭାବେ ଯୋଗଦେଇ ଚେସ ଖେଳ ଓ ଏହା କେତେଦୂର ଜଣେ ଖେଳାଳି ମାଇଣ୍ଡକୁ ଅଧିକ କ୍ରୀୟାଶୀଳ ଓ ବିକଶିତ କରାଇଥାଏ ସେ ବିଷୟରେ ମତ ରଖିଥିଲେ। ଏହି ଅବସରରେ ‘ଆମ ପରିବାର’ ଅନୁଷ୍ଠାନ ପକ୍ଷରୁ ଶୀ ମହାପାତ୍ରଙ୍କୁ ପଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା। ଖୋର୍ଦ୍ଧା ଜିଲ୍ଲା ଚେସ୍ ଆସୋସିଏସନ ଓ ଅଲ ଓଡ଼ିଶା ଚେସ୍ ଆସୋସିଏସନ ଆନୁକୁଲ୍ୟରେ ଏହି ପ୍ରତିଯୋଗିତା ପରିଚାଳିତ ହୋଇଥିଲା।
ଖୋର୍ଦ୍ଧାରେ କ୍ଲିନିକରେ ଫୁଟିଲା ଗୁଳି, ଡାକ୍ତରଙ୍କ ସହ ଅନ୍ୟଜଣେ ଗୁରୁତର
ଖୋର୍ଦ୍ଧା: ସହରରେ ଚାଞ୍ଚଲ୍ୟ । ସନ୍ଧ୍ୟାରେ ଡାକ୍ତରଙ୍କୁ ଆଖିବୁଜା ଗୁଳିମାଡ଼ କଲେ ଦୁର୍ବୃତ୍ତ । କ୍ଲିନିକ ଭିତରେ ପଶି ଦୁର୍ବୃତ୍ତ ବରିଷ୍ଠ ଶିଶୁରୋଗ ବିଶେଷଜ୍ଞ ଡାକ୍ତର ମାନସରଞ୍ଜନ ଦାସଙ୍କୁ ଗୁଳିମାଡ଼ କରି ଫେରାର ହୋଇଯାଇଛନ୍ତି । ଗୁଳିମାଡ଼ରେ ଡାକ୍ତରଙ୍କ ସହ ଔଷଧ ବ୍ୟବସାୟୀ କୃଷ୍ଣଚନ୍ଦ୍ର ସାହୁ ମଧ୍ୟ ଗୁରୁତର ଆହତ ହୋଇଛନ୍ତି ।
ଉଭୟଙ୍କୁ ଗୁରୁତର ଅବସ୍ଥାରେ ପ୍ରଥମେ ଖୋର୍ଦ୍ଧା ଜିଲ୍ଲା ଚିକିତ୍ସାଳରେ ଭର୍ତ୍ତି କରାଯାଇଥିଲା । ପରେ ଭୁବନେଶ୍ୱର ସ୍ଥାନାନ୍ତର କରାଯାଇଛି । ତେବେ, ଗୁଳିମାଡ଼ର କାରଣ ଅସ୍ପଷ୍ଟ ରହିଛି । ପ୍ରତ୍ୟକ୍ଷଦର୍ଶୀଙ୍କ ସୂଚନା ଅନୁଯାୟୀ ଡାକ୍ତର ଶ୍ରୀ ଦାସ କ୍ଲିନିକରେ ବସି କଥା ହେଉଥିବା ବେଳେ ବାଇକରେ ୨ ଜଣ ମୁଖାପିନ୍ଧା ଦୁର୍ବୃତ୍ତ ଆସି ଗୁଳିମାଡ଼ କରିଥିଲେ ।
ଗୁଳିମାଡ଼ ଘଟଣା ପରେ ଖୋର୍ଦ୍ଧା ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି । ଖୋର୍ଦ୍ଧା ଏସପି ଅଜୟ ପ୍ରତାପ ସ୍ୱାଇଁ ଘଟଣାସ୍ଥଳରେ ପହଞ୍ଚିଛନ୍ତି । ଏହି ଘଟଣା ଖୋର୍ଦ୍ଧା ସହରରେ ଆତଙ୍କ ଖେଳାଇ ଦେଇଛି ।