ଭୁବନେଶ୍ୱର: ରାଜ୍ୟ ଅଗ୍ନିଶମ ବିଭାଗରେ ଅଦଳବଦଳ । ଚିଫ୍ ଫାୟାର ଅଫିସର୍ ସୁକାନ୍ତ ସେଠୀଙ୍କୁ ଫାୟାର ପ୍ରିଭେନ୍ସନ୍ ଓ୍ୱିଙ୍ଗ୍ର ଅତିରିକ୍ତ ଦାୟିତ୍ୱ । ପୂର୍ବରୁ ଫାୟାର ପ୍ରିଭେନ୍ସନ୍ ଓ୍ୱିଙ୍ଗ୍ର ଅତିରିକ୍ତ ଦାୟିତ୍ୱରେ ଥିବା ମହେଶ୍ୱର ସ୍ୱାଇଁ କେବଳ OFDRAର ନିର୍ଦ୍ଦେଶକ ରହିବେ । ଅରୁଣ ଷଡ଼ଙ୍ଗୀଙ୍କୁ ଭବାନୀପାଟଣା ସର୍କଲର ଜିଲ୍ଲା ଅଗ୍ନିଶମ ଅଧିକାରୀଭାବେ ନିଯୁକ୍ତି । ପୂର୍ବରୁ ଭବାନୀପାଟଣା ସର୍କଲ ଦାୟିତ୍ୱରେ ଥିବା ସଲ୍ଲିଲ୍ ପ୍ରକାଶ କିଣ୍ଡୋଙ୍କୁ ଫାୟାର ପ୍ରିଭେନ୍ସନ୍ ଓ୍ୱିଙ୍ଗ୍ ଡିଏଫ୍ଓ ଭାବେ ବଦଳି ।
ସୋନାଙ୍କ ଅଭିଯୋଗ ପରେ ଇଣ୍ଡିଆନ୍ ଆଇଡଲରୁ ବିଦା ହେଲେ ଅନୁ ମଲ୍ଲିକ୍
ମୁମ୍ବାଇ : ପ୍ରସିଦ୍ଧ ସଂଗୀତ ନିର୍ଦ୍ଦେଶକ ତଥା ମ୍ୟୁଜିକ୍ କମ୍ପୋଜର ଅନୁ ମଲ୍ଲିକଙ୍କୁ ମହଙ୍ଗା ପଡ଼ିଛି ମି-ଠୁ ମାଡ଼ । ସୋନି ଟିଭିରେ ପ୍ରସାରିତ ଇଣ୍ଡିଆନ୍ ଆଇଡଲ୍ ସୋର ଜଜ୍ ପଦରୁ ତାଙ୍କୁ ହଟାଇ ଦିଆଯାଇଥିବା ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ବଲିଉଡ୍ କଣ୍ଠଶିଳ୍ପୀ ସୋନା ମହାପାତ୍ର ତାଙ୍କ ବିରୋଧରେ ନିର୍ଯାତନାର ଅଭିଯୋଗ ଆଣିଥିଲେ । ଏହାକୁ ନେଇ ସେ କ୍ୟାମ୍ପେନ୍ ମଧ୍ୟ କରିଥିଲେ । ତେବେ ସୋନାଙ୍କ ଅଭିଯୋଗ ପରେ ଇଣ୍ଡିଆନ୍ ଆଇଡଲ୍ ସିଜିନ୍ -୧୦ ଛାଡ଼ିଥିଲେ ଅନୁ । ସିଜିନ୍ -୧୧ରେ ପୁଣିଥରେ ତାଙ୍କୁ ସୋ’ରେ ନିଆଯାଇଥିଲା । ଏବେ ତାଙ୍କୁ ସୋ’ରୁ ହଟାଇ ଦିଆଯାଇଥିବା କୁହାଯାଉଛି ।
ତେବେ ଅନୁ ମଲ୍ଲିକ ଜଜ୍ ପଦରୁ ହଟିବା ପରେ ସୋନା ତାଙ୍କ କ୍ୟାମ୍ପେନରେ ସଫଳ ହୋଇଛନ୍ତି । କଟକ ବାଲିଯାତ୍ରାକୁ ଆସିଥିବା ସମୟରେ ସୋନା ଅନୁ ମଲ୍ଲିକଙ୍କ ନିର୍ଯାତନା କଥା ଉଠାଇଥିଲେ । ତାଙ୍କୁ ତୁରନ୍ତ ଜଜ୍ ପଦରୁ ବହିସ୍କାର କରିବାକୁ ଦାବି କରିଥିଲେ ସୋନା ମହାପାତ୍ର ।
ବୋହୂକୁ ମାଡ଼ ପରେ ଏମିତି ଦଶା ଭୋଗିଲେ ଶାଶୁ, ଶ୍ୱଶୁର ଓ ଦିଅର
ବୋହୂକୁ ମାଡ଼ ମାରିବା ଅଭିଯୋଗରେ ଶାଶୁ, ଶ୍ୱଶୁର ଓ ଦିଅରଙ୍କୁ ହାତ ବାନ୍ଧି ରାସ୍ତା ଉପରେ ଚଲାଇ ଥାନାକୁ ନେଲେ ଗାଁ ଲୋକେ । ଏଭଳି ଘଟଣା ଘଟିଛି ଯାଜପୁର ଜିଲ୍ଲା ପାଣିକୋଇଲି ଥାନା ଅନ୍ତର୍ଗତ ତେଜପୁର ଗାଁରେ । ଘରେ ସ୍ୱାମୀ ନଥିବା ବେଳେ ବୋହୁକୁ ଆକ୍ରମଣ କରିଥିଲେ ଶାଶୁ, ଶ୍ୱଶୁର ଓ ଦିଅର । ଠେଙ୍ଗାରେ ମରଣାନ୍ତକ ଆକ୍ରମଣ କରିଥିଲେ ବୋହୂକୁ । ଏନେଇ ଗାଁ ଦାଣ୍ଡରେ ଏହି ତିନିଜଣଙ୍କୁ ରସିରେ ବାନ୍ଧି ଚଳାଇ ଚଳାଇ ବୁଲାଇଥିଲେ ଗାଁ ଲୋକେ । ପରେ ଖବର ପାଇ ପୋଲିସ ପହଞ୍ଚି ବୋହୂ ସରୋଜିନୀ ସ୍ବାଇଁଙ୍କୁ ମେଡିକାଲ ପଠାଇବା ସହ ଶାଶୁ, ଶ୍ୱଶୁର ଓ ଦିଅରକୁ ଗିରଫ କରିଛି ।
ସୂଚନା ଅନୁଯାୟୀ, ସେହି ଗାଁର କାଳନ୍ଦୀ ସ୍ୱାଇଁଙ୍କ ବଡ ପୁଅ ଜଇରାମ ଏବଂ ବୋହୁ ସରୋଜିନୀ ଘର ଛାଡ଼ି ଅନ୍ୟତ୍ର ଭଡ଼ା ନେଇ ରହୁଥିଲେ । ଅନେକ ସମୟରେ ଜଇରାମ ବେପାରକୁ ଚାଲିଯିବା ପରେ ସରୋଜିନୀଙ୍କ ଭଡ଼ା ଘରକୁ ଆସି ଦିଅର ଓ ଶାଶୁ ଶ୍ୱଶୁର ମିଶି ନିର୍ଯାତନା ଦେଉଥିଲେ । ଏ ନେଇ ଗତ ୧୮ ତାରିଖରେ ପାଣିକୋଇଲି ଥାନାରେ ସରୋଜିନୀ ଅଭିଯୋଗ କରିଥିଲେ । ସରୋଜିନୀ ଙ୍କ ଅଭିଯୋଗ ଯୌତୁକ ଜନିତ ହୋଇଥିବାରୁ ଶାଶୁ, ଶ୍ୱଶୁର ଓ ଦିଅର ଉତ୍ତେଜିତ ହୋଇପଡିଥିଲେ ।
ଫଳରେ ଜଇରାମ ବେପାରକୁ ବାହାରି ଯିବା ପରେ ସରୋଜିନୀ ଙ୍କୁ ଠେଙ୍ଗାରେ ପିଟି ରାସ୍ତା ଉପରେ ପକାଇଦେଇଥିଲେ । ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଥିଲା । ଫଳରେ ଗ୍ରାମବାସୀ ଶାଶୁ, ଶ୍ୱଶୁର ଓ ଦିଅର ଙ୍କୁ ରସିରେ ବାନ୍ଧି ଗାଁ ଦାଣ୍ଡରେ ଚଳାଇ ଚଳାଇ ନେଇଥିଲେ ।
ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଖର୍ଚ୍ଚ ଦାବି ଉପସ୍ଥାପିତ
ଭୁବନେଶ୍ୱର : ପ୍ରବଳ ହୋହଲ୍ଲା ଓ ହଟ୍ଟଗୋଳ ମଧ୍ୟରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଖର୍ଚ୍ଚ ଦାବି ବିଧାନସଭାରେ ପାରିତ ହୋଇଛି । ଅତିରିକ୍ତ ଅନୁଦାନ ୫୪ କୋଟି ୮୭ ଲକ୍ଷ ୫୦ ହଜାର ଟଙ୍କାର ବଜେଟ ଅନୁମୋଦନ ଲାଭ କରିଛି । ତେବେ ରାଜ୍ୟପାଳଙ୍କ ଅନୁମୋଦନ ପରେ ଏହି ବିଲକୁ ଗୃହରେ ପାରିତ କରାଯାଇଛି । ବିରୋଧୀ ବିଜେପି ଓ କଂଗ୍ରେସ ବିଧାୟକ, ଆଲୋଚନାରେ ଅଂଶଗ୍ରହଣ କରି ନଥିଲେ। ଚାଷୀ ଓ ଧାନ ସଂଗ୍ରହ ପ୍ରସଙ୍ଗ ନେଇ ହୋହଲ୍ଲା କରିଥିଲେ। ବାଚସ୍ପତିଙ୍କ ପୋଡିୟମ୍ ଉପରକୁ ଚଢ଼ିବାକୁ ଉଦ୍ୟମ କରିଥିଲେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି।
ଉଭୟ ବିଜେପି ଓ କଂଗ୍ରେସ ବିଧାୟକ ପୋଡିୟମ ସମ୍ମୁଖରେ ନାରାବାଜି କରିଥିଲେ। ଏହାପରେ ଆସନ୍ତକାଲି ଯାଏ ଗୃହକୁ ମୁଲତବୀ ରଖିଛନ୍ତି ବାଚସ୍ପତି।