ଆଜିର ରାଶିଫଳ (୧୧.୧୨.୨୦୧୯) ବୁଧବାର
ଆଜିର ପଞ୍ଚାଙ୍ଗ(୧୧.୧୨.୨୦୧୯) ବୁଧବାର
ଆଜି ୨୦୧୯ ମସିହା ଡିସେମ୍ବର ୧୧ ତାରିଖ ବୁଧବାର, ମାର୍ଗଶିର ଶୁକ୍ଳପକ୍ଷ, ସୌରମାସ ବିଛା ଦି୨୫ନ, ୧୪ଶୀ ତିଥି ଦିବା ୧୦/୫୯ ଗତେ ପୂର୍ଣ୍ଣିମା, ରୋହିଣୀ ନକ୍ଷତ୍ର, ବୃଷଚନ୍ଦ୍ର, ଶିଦ୍ଧିଯୋଗ, ବଣିଜକରଣ ।
ଚନ୍ଦ୍ରଶୁଦ୍ଧି- ମେଷ, ବୃଷ, କର୍କଟ, ସିଂହ, କନ୍ୟା, ବିଛା, ଧନୁ, ମକର, ମୀନ ରାଶିର ଅହୋରାତ୍ର ।
ଘାତବାର- କର୍କଟ ରାଶିର
ଘାତଚନ୍ଦ୍ର- ବିଛା ରାଶିର
ରାହୁକାଳ- ଦିବା ୧୧/୩୯ମି.ରୁ ଦିବା ୧/୦୦ମି.
କାଳବେଳା- ଦିବା ୮/୫୭ମି.ରୁ ଦିବା ୧୦/୧୮ମି.
ମାହେନ୍ଦ୍ରବେଳା- ଦିବା ୧/୨୭ମି.ରୁ ଦିବା ୩/୩୭ମି.
ଶୁଭବେଳା- ଦିବା ୭/୪୧ମି.ରୁ ଦିବା ଦିବା ୮/୨୫ମି.
ପର୍ବପର୍ବାଣି- ଅନ୍ୟ ପୂର୍ଣ୍ଣିମା ବିହିତ ଚନ୍ଦ୍ରୋପବାସ, ପଣ୍ଡୁଓଷା, ୟୁନିସେଫ୍ ଦିବସ
ଆଜିର ରାଶିଫଳ
ମେଷ- ଗୃହରେ ସୁଖଶାନ୍ତି ବଜାୟ ରହିବ । ବହୁଦିନରୁ ଅଟକିଥିବା କାର୍ଯ୍ୟ ପୂର୍ଣ୍ଣହେବ । ଉତ୍ତମ ବ୍ୟବହାର ଓ ମିଠା କଥାରେ ଅନ୍ୟକୁ ପ୍ରଭାବିତ କରିବେ । ଶୁଭ ମାଙ୍ଗଳିକ କାର୍ଯ୍ୟରେ ଯୋଗଦେବେ ।
ବୃଷ-ସାମାଜିକ ସ୍ତରରେ ମାନସମ୍ମାନ ବୃଦ୍ଧି ପାଇବ । ବିଭିନ୍ନ ସୂତ୍ରରୁ ଅର୍ଥ ଆଗମନ ହେବ । ବନ୍ଧୁବର୍ଗଙ୍କ ସହଯୋଗ ପ୍ରାପ୍ତି ହେବେ । ପାରିବାରିକ ଜୀବନ ସୁଖଶାନ୍ତିରେ କଟିବ ।
ମିଥୁନ- ମାନସିକ ଅସ୍ଥିରତା ହେଖାଦେବ । କୌଣସି କାର୍ଯ୍ୟରେ ସ୍ଥିର ନିଷ୍ପତ୍ତି ନେଇ ପାରିବେ ନାହିଁ । ଶତ୍ରୁ ମାନଙ୍କ ବଳୟରେ ରହିବେ । ଗୃହ ଜୀବନରେ ବିବାଦୀୟ ହୋଇପଡିବେ ।
କର୍କଟ- ଆନନ୍ଦ ଉଲ୍ଲାସ ମଧ୍ୟରେ ସମୟ ଅତିବାହିତ ହେବ । ସାମାନ୍ୟ ସ୍ୱାସ୍ଥ୍ୟପୀଡା ଅନୁଭବ କରିପାରନ୍ତି । ଭବିଷ୍ୟତ ପାଇଁ ଚିନ୍ତା ପ୍ରକଟ କରିବେ । ମାଙ୍ଗଳିକ କାର୍ଯ୍ୟରେ ଯୋଗଦାନ କରିବେ ।
ସିଂହ- ଜ୍ଞାନ ବିଜ୍ଞାନ କ୍ଷେତ୍ରରେ ଅଗ୍ରଗତି ହେବ । ପ୍ରିୟ ପରିଜନଙ୍କ ସହିତ ଆମୋଦ ପ୍ରମୋଦରେ ଦିନଟି କଟିବ । ଆର୍ଥିକ କ୍ଷେତ୍ରରେ ଅଭିବୃଦ୍ଧି ଘଟିବ । କର୍ମକ୍ଷେତ୍ରରେ ପ୍ରଶଂସାର ପାତ୍ର ହେବେ । ଅଧସ୍ତନ କର୍ମଚାରୀ ମାନେ ସମ୍ମାନ ପ୍ରଦର୍ଶନ କରିବେ ।
କନ୍ୟା- ଭୋଗ ବିଳାସରେ ସମୟ କଟିବ । କୌଣସି ସୁ-ସମ୍ବାଦ ପାଇ ଖୁସିରେ ଆତ୍ମହରା ହୋଇପଡିବେ । କର୍ମକ୍ଷେତ୍ରରେ ସୁନାମ ଅର୍ଜନ କରିବେ । ପାରିବାରିକ ଜୀବନ ସୁଖ ଶାନ୍ତିରେ କଟିବ ।
ତୁଳା- ପଡୋଶୀଙ୍କ ସହିତ ବିବାଦୀୟ ପରିସ୍ଥିତି ଦେଖାଦେବ । ବନ୍ଧୁବର୍ଗମାନେ ସମାଲୋଚନା କରିବେ । କର୍ମ କ୍ଷେତ୍ରରେ ଆଳସ୍ୟତା ବୃଦ୍ଧି ପାଇବ । ସନ୍ତାନବର୍ଗଙ୍କୁ ନେଇ ଚିନ୍ତିତ ରହିବେ ।
ବିଛା- ନିଜକୁ ଅସହାୟ ବୋଧ କରିବେ । ମାନସିକ ସ୍ଥିତି ଅସ୍ଥିର ରହିବ । କର୍ମକ୍ଷେତ୍ରରେ ଉଦାସିନ ରହିପାରନ୍ତି । ହଠାତ୍ ଦୁ-ସମ୍ବାଦ ମନକୁ ବିଷାଦମୟ କରିଦେବ ।
ଧନୁ- କର୍ମକ୍ଷେତ୍ରରେ ନିଜର ଦକ୍ଷତା ପ୍ରତିପାଦନ କରି ପ୍ରଶଂସିତ ହେବେ । ବିଭିନ୍ନ ସୂତ୍ରରୁ ଅର୍ଥ ଆଗମନ ଯୋଗ ରହୁଛି । ଗୃହରେ ମାଙ୍ଗଳିକ କାର୍ଯ୍ୟ ସମ୍ପାଦନ ହୋଇପାରେ । ପାରିବାରିକ ଜୀବନ ସୁଖମୟ ହେବ ।
ମକର- ବିଭିନ୍ନ ସୂତ୍ରରୁ ଆୟ ହେବ । ଦେବ ଦର୍ଶନ ଓ ତୀର୍ଥ ଭ୍ରମଣ ଯୋଗ ରହୁଛି । ସାମାଜିକ କର୍ମରେ ଲିପ୍ତ ରହିବେ । ଭବିଷ୍ୟତ ପାଇଁ ନୂତନ ଯୋଜନା ପ୍ରସ୍ତୁତ କରିବେ ।
କୁମ୍ଭ- ପାରିବାରିକ ଜୀବନରେ ଅଶାନ୍ତ ରହିବେ । ମାନସିକ ସ୍ଥିତି ଅସ୍ଥିର ରହିବ । ଭାତ୍ରୁ ବିବାଦ ଦେଖା ଦେଇପାରେ । ଆୟ ତୁଳନାରେ ବ୍ୟୟର ମାତ୍ରା ବୃଦ୍ଧି ପାଇବ ।
ମୀନ- ଗୃହରେ ମାଙ୍ଗଳିକ କାର୍ଯ୍ୟ ସଙ୍ଗଠିତ ହେବ । ମାନସିକ ଶାନ୍ତି ଅବ୍ୟାହତ ରହିବ । ସାମାଜିକ ସ୍ତରରେ ଯଶ ଖ୍ୟାତି ସମ୍ପନ୍ନ ହେବେ । ପାରିବାରିକ ଜୀବନ ସୁଖମୟ ହେବ ।
ଯୋଗଯୋଗ- ୯୮୬୧୨୭୧୫୫୭
ଜ୍ୟୋତିର୍ବିଦ ପ୍ର. ଗଜେନ୍ଦ୍ର କୁମାର ନାଥ
ମୋବାଇଲ କିଣନ୍ତୁ, କିଲେ ପିଆଜ ନିଅନ୍ତୁ
ଚେନ୍ନାଇ: ମାର୍କେଟ୍ରେ ପିଆଜ ଭାଉ ଏମିତି ହୋଇଛି ଯେ, ଲୋକେ କିଲେ ପିଆଜ କିଣିବାକୁ ଚାରିଥର ଚିନ୍ତା କରୁଛନ୍ତି । ସେଥିପାଇଁ ବଡ଼ ବଡ଼ ସପିଙ୍ଗ ମଲ୍ରେ ଚତୁର ବ୍ୟବସାୟୀମାନେ ଗ୍ରାହକଙ୍କୁ ପିଆଜ ଥୋପ ଦେଖାଇ ବ୍ୟବସାୟ କରୁଛନ୍ତି । ମାନେ ଦେଢ଼ ହଜାର ବା ଦୁଇ ହଜାର ଟଙ୍କାର ସପିଙ୍ଗ କଲେ କିଲେ ପିଆଜ ଫ୍ରି । ଆଉ କୋଉଠି ହଜାରେ ବା ଦେଢ଼ ହଜାର ଟଙ୍କାର ସପିିଙ୍ଗ କଲେ ପିଆଜ ଦରରେ ୫୦ ପ୍ରତିଶତ ରିହାତି ବି ମିଳୁଛି । ଲୋକ ବି ବ୍ୟବସାୟୀଙ୍କ ଜାଲରେ ପଡ଼ି ଏହି ଲୋକ ଦେଖାଣିଆ ସୋନେ ପେ ସୁହାଗା ଅଫରର ମଜା ନେଉଛନ୍ତି ।
ତାମିଲନାଡୁର ଜଣେ ମୋବାଇଲ ବ୍ୟବସାୟୀ ପିଆଜକୁ ଥୋପ କରିଛନ୍ତି । ଯେଉଁ ଗ୍ରାହକ ତାଙ୍କ ସପରୁ ମୋବାଇଲ କିଣିବେ ତାଙ୍କୁ ଏକ କିଲୋ ପିଆଜ ମାଗଣା ଦେଉଛନ୍ତି ।ଏହି ଖବର ଏବେ ଇଣ୍ଟରନେଟରେ ଚର୍ଚ୍ଚାର ବିଷୟ ପାଲଟିଛି ।
ମୋବାଇଲ ସପର ମାଲିକ କହିଛନ୍ତି ଯେ, ତାଙ୍କ ମୋବାଇଲ୍ ସପର ଏତେ ଭଲ ବ୍ୟବସାୟ ହେଉନଥିଲା । ଯେବେଠୁ ସେ ଏହି ଅଭିନବ ଯୋଜନା ଆପଣେଇଛନ୍ତି ତାଙ୍କ ସପ୍ ଦିନକୁ ଦିନ ପପୁଲାର ହେବାରେ ଲାଗିଛି ଓ ଭଲ ବ୍ୟବସାୟ ମଧ୍ୟ ହେଉଛି ।
ମୂଷା ପଛରେ ପଡ଼ିଛି ରେଳବାଇ, ୩ ବର୍ଷରେ ଖର୍ଚ୍ଚ ହେଲାଣି …
ମୁମ୍ବାଇ: ଆପଣ ମୂଷା ମାରିବା ପାଇଁ କେତେ ଟଙ୍କା ଖର୍ଚ୍ଚ କରୁଛନ୍ତି । ଖୁବ୍ ବେଶୀରେ ୧୦୦ କି ଦେଢ଼ ଶହ । କିନ୍ତୁ ୱେଷ୍ଟର୍ଣ୍ଣ ରେଲଓ୍ୱେ ମୂଷା ମାରିବାକୁ ଦେଢ଼ କୋଟି ଖର୍ଚ୍ଚ କରିସାରିଲାଣି ।
ମୁମ୍ବାଇର ରେଳଧାରଣା ପାଇଁ ଏବେ କାଳ ପାଲଟିଛନ୍ତି ମୂଷା । ମୂଷା ରେଳଧାରଣା କଡ଼େ କଡ଼େ ଯାଇଥିବା କେବଲ କାଟି ପକାଇବାର ସମ୍ଭାବନା ରହିଥାଏ । ଏହି ସବୁ ଅସୁବିଧାକୁ ରୋକିବା ପାଇଁ ରେଳ ବିଭାଗ ରୋଡେଣ୍ଟ କଣ୍ଟ୍ରୋଲ ନାମକ ଏକ ଠିକା ସଂସ୍ଥାକୁ ଦାୟିତ୍ୱ ଦେଇଛି । ଏନେଇ ରୋଡେଣ୍ଟ କଣ୍ଟ୍ରୋଲ ୩ ବର୍ଷ ମଧ୍ୟରେ ୧କୋଟି ୫୨ ଲକ୍ଷ ଟଙ୍କା ଖର୍ଚ୍ଚ କରିସାରିଲାଣି । ସବୁଠାରୁ ବଡ଼ କଥା ହେଉଛି ଏତେ ଟଙ୍କା ଖର୍ଚ୍ଚ କରିବା ପରେ ମାତ୍ର ୫ହଜାର ୪୫୭ଟି ମୂଷା ମରିଛନ୍ତି ।
ଏଭଳି ସୂଚନା ଦେଇଛି ମୁମ୍ବାଇର ଆରଟିଆଇ ବିଭାଗ । ଯଦି ଆମେ ହିସାବକରିବା ତେବେ ପ୍ରତି ଦିନ ୫ଟି ମୂଷା ମାରିବା ପାଇଁ ଖର୍ଚ୍ଚ ହେଉଛି ଦିନକୁ ୧୪ ହଜାର ଟଙ୍କା । ଅର୍ଥାତ୍ ଗୋଟିଏ ମୂଷା ପିଛା ଖର୍ଚ୍ଚ ହେଉଛି ୨୮୦୦ ଟଙ୍କା । ରେଳ ବିଭାଗ କହିଛି ରୋଡେଣ୍ଟ କଣ୍ଟ୍ରୋଲକୁ ଠିକାରେ ଦାୟିତ୍ୱ ଦିଆଯାଇଛି ବୋଲି ଏତିକି ଟଙ୍କା ଖର୍ଚ୍ଚ ହେଉଛି ।
ରାଜ୍ୟରେ ଖୋଲିବ ୪୫ଟି ଫାଷ୍ଟ୍ ଟ୍ରାକ୍ କୋର୍ଟ
ଭୁବନେଶ୍ୱର: ଏଣିକି ଖୁବ୍ଶୀଘ୍ର ପୀଡ଼ିତାଙ୍କୁ ମିଳିବ ନ୍ୟାୟ । ଏନେଇ ରାଜ୍ୟ ସରକାର ନେଇଛନ୍ତି ବଡ଼ ପଦକ୍ଷେପ । ଯୁଦ୍ଧକାଳୀନ ଭିତ୍ତିରେ ଖୋଲିବ ୪୫ଟି ନୂଆ ଫାଷ୍ଟ ଟ୍ରାକ୍ କୋର୍ଟ । କେବଳ ମହିଳା ଦୁଷ୍କର୍ମ ଓ ଅତ୍ୟାଚାର ପାଇଁ କାମ କରିବ ୨୧ଟି କୋର୍ଟ । ପ୍ରତିଷ୍ଠା ହୋଇସାରିଥିବା ଆଉ ୨୪ଟି ପୋକ୍ସୋ କୋର୍ଟ ନାବାଳିକାଙ୍କୁ ତ୍ୱରିତ ନ୍ୟାୟ ପ୍ରଦାନ କରାଯିବ ବୋଲି କହିଛନ୍ତି ଆଇନମନ୍ତ୍ରୀ ପ୍ରତାପ ଜେନା ।
ହାଇକୋର୍ଟରେ ଫଇସଲା ନହୋଇ ପଡ଼ିରହିଥିବା ମାମଲା ଉପରେ ସୂଚନା ଦେଇ କହିଛନ୍ତି, ହାଇକୋର୍ଟରେ ବର୍ତ୍ତମାନ ୧୪ ବିଚାରପତି ପଦବୀ ଖାଲି ଅଛି । ଆମେ ଚାହୁଁଛୁ ଏହା ତୁରନ୍ତ ପୂରଣ ହେଉ ଫଳରେ ଲୋକଙ୍କୁ ତୁରନ୍ତ ନ୍ୟାୟ ମିଳିପାରିବ ।
୨୨ ମାସ ପରେ କାହିଁକି ଖୋଳା ହେଲା କଫିନ୍ ?
ଫୁଲବାଣୀ: ୨୨ ମାସ ପରେ ଖୋଳା ହେଲା କବର । ବାହାରିଲା କଙ୍କାଳ । ବାଲିଗୁଡ଼ା ଏସଡିଜେଏମ୍ କୋର୍ଟଙ୍କ ନିର୍ଦ୍ଦେଶରେ ମାଜିଷ୍ଟ୍ରେଟଙ୍କ ଉପସ୍ଥିତିରେ କବର ଖୋଳାଯାଇ କଙ୍କାଳ ବାହାର କରାଯାଇଛି । ଏହି ଘଟଣା ଜି.ଉଦୟିଗିରି ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
୨୦୧୮ ମସିହା ଫେବ୍ରୁଆରୀ ୧ ତାରିଖରେ ଜି.ଉଦୟଗିରି ବ୍ଲକ ମଲ୍ଲିକପଡ଼ା ପଞ୍ଚାୟତ କୁମ୍ଭାରକୁପାର ଏନ୍ ସେଲିବ୍ରେଟିଙ୍କ ମୃତ୍ୟୁ ହୋଇଥିଲା । ଫ୍ୟାନରୁ ତାଙ୍କର ଝୁଲନ୍ତା ମୃତଦେହ ମିଳିଥିଲା । ତେବେ, ସେ ଆତ୍ମହତ୍ୟା କରିନାହାନ୍ତି ବରଂ ତାଙ୍କୁ ତାଙ୍କ ଭିଣୋଇ ହତ୍ୟା କରିଥିବା ଅଭିଯୋଗ ହୋଇଥିଲା ।
ଏନେଇ ପରିବାର ଲୋକ କନ୍ଧମାଳ ଏସପିଙ୍କ ନିକଟରେ ଅଭିଯୋଗ କରିଥିଲେ । ଏହି ମାମଲାରେ ବାଲିଗୁଡ଼ା ଏସଡିଜେଏମ୍ କବର ଖୋଳିବାକୁ ନିର୍ଦ୍ଦେଶ ଦେବା ପରେ କଙ୍କାଳକୁ ବାହାର କରାଯାଇ ସାଇଣ୍ଟିଫିକ୍ ଟିମକୁ ହସ୍ତାନ୍ତର କରାଯାଇଛି ।
ଆସିଲା ଛପ୍ପାକ୍ ଟ୍ରେଲର, ସ୍ତବ୍ଧ ହେଲେ ଦର୍ଶକ
ନାକ୍ ନେହିଁ ହୈ,କାନ୍ ନେହିଁ ହୈ,ଅବ୍ ଝୁମକେ କାହାଁ ଲଟକାଉଙ୍ଗି?
ଏଇ ଗୋଟିଏ ବାକ୍ୟ ଯଥେଷ୍ଟ ମାଳତୀର ଦୁଃଖକୁ ଅନୁଭବ କରିବା ପାଇଁ । କରେଣ୍ଟ ଏରାର ସବୁଠୁ ଲୋକପ୍ରିୟ ଅଭିନେତ୍ରୀ ଦୀପିକା ପାଦୁକୋନଙ୍କ ଅପକମିଂ ଚଳଚ୍ଚିତ୍ର ଛପ୍ପକ୍ ରିଲିଜ ହୋଇଛି । ଟ୍ରେଲର ଦେଖିବା ପରେ ସ୍ତବ୍ଧ ହୋଇଛନ୍ତି ଦୀପିକାଙ୍କ ପ୍ରଶଂସକ । ସିନେମାରେ ଏସିଡ଼୍ ଆଟାକର ବଳିଷ୍ଠ କାହାଣୀ ଆପଣଙ୍କ ଅପେକ୍ଷାକୁ ବାନ୍ଧି ରଖିବ ସତ ହେଲେ ଦୀପିକାଙ୍କ ଲୁକ୍ ଦେଖିଲେ ଆପଣଙ୍କ ଲୋମ ଟାଙ୍କୁରି ଉଠିବ । ଟ୍ରେଲର ଦେଖିଲେ ହି ଆପଣ ନିଜେ ଅନୁମାନ ଲଗାଇପାରିବେ ଏସିଡ଼ ଆଟାକର ସମ୍ମୁଖୀନ ହୋଇଥିବା ପୀଡ଼ିତା କେତେ ମାତ୍ରାରେ ଯନ୍ତ୍ରଣା ସହିଥିବେ, ଜୀବନ ଯୁଦ୍ଧରେ ବାଜି ଜିତିବା ପାଇଁ ମାନସିକ ଭାବରେ କେତେ ପ୍ରସ୍ତୁତ ହୋଇଥିବେ, ପୋଡ଼ିଯାଇଥିବା ନିଜ ଚେହେରାକୁ ସମାଜ ଆଗରେ କିଭଳି ଦେଖାଇଥିବେ ।
ତେବେ ସିନେମାରେ ଦୀପିକା ମାଳତୀ ଚରିତ୍ରରେ ନଜର ଆସିବେ । ଦୀପିକା କୁହନ୍ତି ଜୀବନରେ ସେ ଅନେକ ଚଳଚ୍ଚତ୍ର କରିଛନ୍ତି ଏବଂ ଆଗକୁ ମଧ୍ୟ ଅଭିନୟର ଯାତ୍ରା ଜାରି ରଖିବେ, ତେବେ ଛପ୍ପକ ତାଙ୍କ ଜୀବନରେ ଏକ ଅବିସ୍ମରଣୀୟ ଅଧ୍ୟାୟ । ମେଘନା ଗୁଲଜରଙ୍କ ନିର୍ଦ୍ଦେଶିତ ଏବଂ ସତ୍ୟ ଘଟଣା ଉପରେ ଆଧାରିତ ଏ ଚଳଚ୍ଚିତ୍ରକୁ ଅପେକ୍ଷା କରିଛନ୍ତି ସିନେପ୍ରେମୀ । ତେବେ ୧୦ଜାନୁୟାରୀ ୨୦୨୦ରେ ବଡ଼ପରଦାରେ ରିଲିଜ ହେବ ଛପ୍ପକ୍ ।
ସର୍ବସାଧାରଣରେ ମୋବାଇଲ ଚାର୍ଜ କରୁଛନ୍ତି କି ? ହୋଇଯାଆନ୍ତୁ ସାବଧାନ, ଚୋରି ହୋଇପାରେ ଗୁରୁତ୍ୱପୂର୍ଣ୍ଣ ତଥ୍ୟ
ଆଜିର ଯୁଗରେ ଫୋନ୍ ଯେପରି ଆମ ନିତିଦିନିଆ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇଗଲାଣି । ଡିଜିଟାଲ ଯୁଗରେ ସମସ୍ତେ ପ୍ରାୟ ମୋବାଇଲ ଉପରେ ନିର୍ଭରଶୀଳ । ଫୋନରେ କଥା ହେବାଠୁ ଆରମ୍ଭ କରି ମନି ଟ୍ରାଞ୍ଜାକ୍ସନ୍, ସୋସିଆଲ ମିଡିଆ, ଇ-ମେଲ, ବ୍ୟାଙ୍କ ତଥ୍ୟ ଆଦି ସବୁ କାମ ଏବେ ମୋବାଇଲର ଏକ କ୍ଲିକରେ ।
ତେବେ ଫୋନ ବ୍ୟବହାର ସହିତ ସବୁବେଳେ ଯେପରି ଏଥିରେ ଚାର୍ଜ ରହିବ ସେଥିପ୍ରତି ମଧ୍ୟ ସମସ୍ତେ ସଜାଗ ଥାଆନ୍ତି । ଏଣୁ ଫୋନରେ ଚାର୍ଜ ସରିଲା ମାତ୍ରେ ଚାର୍ଜ କରିବାକୁ ଲୋକେ ସମସ୍ତ ପ୍ରକାରର ଚେଷ୍ଟା କରିଥାନ୍ତି । ଅନେକ ଥର ଏଭଳି ହୋଇଥାଏ କି ଯାତାୟତ ସମୟରେ ଏୟାରପୋର୍ଟ, ରେଳ ଷ୍ଟେସନ , ଟ୍ରେନ କିମ୍ବା ହୋଟେଲରେ ଫୋନ୍ ଚାର୍ଜ କରିବାର ଆବଶ୍ୟକତା ପଡ଼ିଥାଏ ।
କିନ୍ତୁ ସାବଧାନ ହୋଇ ଯାଆନ୍ତୁ –
ସର୍ବସାଧାରଣରେ ଫୋନ୍ ଚାର୍ଜ କରିବା ଦ୍ୱାରା ହ୍ୟାକର୍ସମାନେ ଆପଣଙ୍କ ମୋବାଇଲରୁ ଗୋପନୀୟ ତଥ୍ୟ ସଂଗ୍ରହ କରିନେବେ । ଯେପରିକି ଆପଣଙ୍କ ବ୍ୟାଙ୍କ ତଥ୍ୟ , ଇମେଲ ଓ ସୋସିଆଲ ନେଟୱର୍କର ପାସୱାର୍ଡ ଆଇଡିକୁ ହ୍ୟାକର୍ସମାନେ ଚୋରାଇ ନେବେ ।
Think twice before you plug in your phone at charging stations. Malware could find a way in and infect your phone, giving hackers a way to steal your passwords and export your data.#SBI #Malware #CyberAttack #CustomerAwareness #Cybercrime #SafeBanking #JuiceJacking pic.twitter.com/xzSMNNNv4U
— State Bank of India (@TheOfficialSBI) December 7, 2019
ଏଭଳି ସଂକଟରୁ ବଞ୍ଚିବା ପାଇଁ ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ) ଟ୍ୱିଟ ଯୋଗେ ଲୋକମାନଙ୍କୁ ସାବଧାନ ହେବାକୁ ପରାମର୍ଶ ଦେଇଛି । ବ୍ୟାଙ୍କ କହିଛି, ‘କୌଣସି ସର୍ବସାଧରଣ (ପବ୍ଲିକ ପ୍ଲେସ )ରେ ଫୋନ ଚାର୍ଜ କରିବା ପୂର୍ବରୁ ଥରୁଟିଏ ଭାବନ୍ତୁ । ଏଭଳି କରିବା ଦ୍ୱାରା ଆପଣ ହ୍ୟାକର୍ସ ମାନଙ୍କୁ ସୁଯୋଗ ଦେଉଛନ୍ତି ଆପଣଙ୍କ ଗୁରୁତ୍ୱପୂର୍ଣ୍ଣ ତଥ୍ୟ ଚୋରି କରିବା ପାଇଁ । ଫୋନରେ ଥିବା ବ୍ୟାଙ୍କ ତଥ୍ୟ , ଇମେଲ ଓ ସୋସିଆଲ ନେଟୱର୍କର ପାସୱାର୍ଡ ଆଇଡିକୁ ହ୍ୟାକର୍ସମାନେ ଚୋରାଇ ନେଇ ଯାଇପାରନ୍ତି । ଏୟାରପୋର୍ଟ, ରେଳ ଷ୍ଟେସନ , ଟ୍ରେନ କିମ୍ବା ହୋଟେଲରେ ଫୋନ୍ ଚାର୍ଜ କରନ୍ତୁ ନାହିଁ ।’
https://nandighoshatv.comsecurity-issue-in-android-mobiles/
ଝିଅକୁ କାଟି ଖଣ୍ଡ ଖଣ୍ଡ କଲା ବାପା
ମୁମ୍ବାଇ: ଅନର କିଲିଙ୍ଗର ଶିକାର ହୋଇଛି ଆଉ ଏକ ଝିଅ । ଆଉ ତାକୁ ହତ୍ୟା କରିଛି ନିଜ ବାପ । ଯୋଉ ଝିଅ ଦିନେ ବାପର ଜୀବନ ଥିଲା ସେଇ ଝିଅକୁ କାଟି ଖଣ୍ଡ ଖଣ୍ଡ କରିଛି ବାପ । ମୁମ୍ବାଇର ଏହି ଘଟଣା ଏବେ ଲୋକଙ୍କ ଆଖିରୁ ଲୁହ ନିଗାଡ଼ୁଛି ।
ଘଟଣା ଘଟିଛି ତିତୱାଲାର ଇନ୍ଦିରା ନଗରଠାରେ । ଅଭିଯୁକ୍ତ ବାପା ଅରବିନ୍ଦ ତିୱାରିଙ୍କ ଝିଅ ପ୍ରିନ୍ସି ଏକ ପୁଅକୁ ଭଲ ପାଉଥିଲେ ଆଉ ତାଙ୍କୁ ବିବାହ କରିବାକୁ ଚାହିଁଥିଲେ । କିନ୍ତୁ ପୁଅ ମୁସଲମାନ ସମ୍ପ୍ରଦାୟର ହୋଇଥିବାରୁ ଅରବିନ୍ଦ ଅରାଜି ଥିଲେ । କିନ୍ତୁ ଝିଅ ସେଇଠି ବିବାହ କରିବାକୁ ଜିଦ୍ ଧରିବାରୁ ଅରବିନ୍ଦ କ୍ରୋଧ ନିୟନ୍ତ୍ରଣ କରି ନପାରି ଶେଷରେ ଝିଅକୁ ହତ୍ୟା କରିଥିଲେ । ଝିଅକୁ ମାରିଦେବା ପରେ ସେ ତାକୁ ଖଣ୍ଡ ଖଣ୍ଡ କରି କାଟି ଏକ ସୁଟ୍କେସ୍ରେ ଭର୍ତ୍ତିକରି କିଛିବାଟ ଅଟୋରେ ନେଇ ଏକ ଅଜଣା ଜାଗାରେ ଫିଙ୍ଗି ଦେଇଥିଲେ । ପରେ ଅଟୋ ଚାଳକଙ୍କ ସାହାଯ୍ୟରେ ଖବର ସାମ୍ନାକୁ ଆସିବା ପରେ ରାତିସାରା ଟ୍ରାକ୍ କରି ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।